Numelo 14:14 - Tosi Tapu

¹⁴ ti e lotou fakamatala loa a ia ki le kakai o le fenua leinei. Talie kua lotou iloa ko koe, ko le Eteleno, e ke nofo mo lou kakai ; ti e ke sa mata kiate ia, a koe, ko le Eteleno ; ti e tuu lou ao iate ia ; ti e ke saele i ona mua i le ao i se pou afu, mo le pouli i se pou afi.

Numelo 14:14 ပူးပေါင်းရင်းမြစ်များ

Senesi 32:30

Na soli loa e Sakopo le igoa ko Peniele ki le ganea lena ; talie na pati a ia : Kua kau tio mata ki le Atua, ti na fakamauli loa e ia loku mauli.

Neemia 9:12

Na ke taki loa latou i le ao ki se fa pou ao, ti na ke taki loa latou i le pouli ki se fa pou afi, leia na fakamalama ia lolatou ala, le ala leia na tonu ke lotou saele ai.

Neemia 9:19

I lou manava alofa lasi, na leaise ke tiaki loa latou i le toafa, ti na leaise puli loa le fa pou ao leia na taki ia latou i le ao i le ala, ti mo le fa pou afi leia na taki ia latou i le pouli i le ala leia na tonu ke lotou saele ai.

Pesalemo 105:39

Na folasi loa e le Eteleno le ao ke fakamalumalu ia latou, Ti mo le afi ke fakamalama ia latou i le pouli.

Pesalemo 78:14

I le ao na taki loa e ia latou i se pou ao, Kae i le pouli katoa i se afi gigila.

Ekesote 15:14

E logo a kakai ki le nea lena, Ti e lotou lulu : E kaku le i ki le kau Filisitini ;

Ekesote 33:11

Na masau loa le Eteleno mo Moisese o feagaaki a mata ki mata, ofaipe se tagata leia na masau mo lona kaukau nea. Ti oki, na toe liliu loa Moisese ki le nofolaga ; kae ko lana tagata fakasausau tupulaga ko Sosue, vosa o Nune, na leaise mavae loa a ia mei loto o le falela.

Ekesote 33:16

Kapau e leaise ke saele a koe totonu mo matou, pe motou iloa feaki loa kua ke alofa kiate au mo lou kakai ? Pe leaise ko le temi loa leia e ke saele ai loa a koe totonu mo matou, ti e ke fakakese ai loa au mo lou kakai i kakai fuli i aluga o le malama nei ?

Ekesote 40:38

Na tuu le ao o le Eteleno i aluga o le tapenakulo i le ao ; ti na i ai se afi i le pouli, i mua o fanau fuli o Iselaele, i le temi katoa leia na lotou fanoga ai.

Numelo 10:34

Na tuu le ao o le Eteleno i aluga o latou i le ao, i lalatou mavae i le nofolaga.

Numelo 12:8

E kau masau kiate ia i le gutu ki le gutu, e kau sa kiate ia, ti e tio a ia ki se ata totonu o le Eteleno i ona mua. Kolea na leaise kolua i ai i le masau veli ki laku tagata fakasausau ko Moisese ?

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Soane 14:9

Na pati loa Sesu kiate ia : Kua fualoa ai laku nofo mo koutou, kae leaise ke iloa aifai a au, Filipo ! Ko leia kua tio kiate au kua tio a ia ki le Tamana ; e feaki e ke pati ai : Fakasa mai kia matou le Tamana ?

Uluaki tosi ki le kau Kolinto 13:12

I le temi nei e tou tio nenefu ofaipe i se tiloata, kae i se aso e tou tio mata loa, le mata ki le mata ; i le aso nei e kau iloa fakakoga, kae i le aso a ia e kau iloa katoa loa ofaipe loku iloa katoa e le Atua.

Tetelonome 1:19

Na tou mavae loa i Olepe, ti na tou foli katoa loa i le toafa lasi mo fakaii leinei kua kotou iloa ; na tou too loa le ala leia e ano ki le mauga o le kau Amole, o mulimuli ki le fakatotonu a le Eteleno, ti na tou kaku loa ki Katesi-Palenea.

Tetelonome 34:10

Na leaise toe sa loa i Iselaele se polofeta ofaipe Moisese, leia na masau mo le Eteleno, o tio le mata ki le mata.

Tetelonome 5:24

ti na kotou pati loa : Ko leinei kua fakatio matou e le Eteleno, lomatou Atua, ki lona kololia mo lona lasi, ti kua motou logo ki lona leo mei loto malie o le afi. I le aso nei, kua motou tio na masau le Atua ki le tagata, ti na lotou mauli.

Tetelonome 5:4

Na masau le Eteleno kia koutou, a mata ki mata i le mauga, mei loto malie o le afi.

Sosue 5:1

Na logo loa a sau fuli o le kau Amole ala na nonofo i le fetuu uesite o le Solotane, ti mo sau o le kau Kanaane ala na nonofo i le mata tai o le Metitelanea ki le fakamasa e le Eteleno o le Solotane ke fakalaka ai a fanau a Iselaele. Ti na lotou loto gaegae loa ti na leaise lotou toe maua fua se ga makeke ke tau ki fanau a Iselaele.

Uluaki tosi a Soane 3:2

Alofaaga, ko fanau tatou a le Atua i le temi nei, ti e leikiaise fakasa lotatou anoaga i le temi ka au ; kae e tou iloa, ka sa loa a ia, e tou tatau loa mo ia, talie e tou tio loa kiate ia totonu.