Numelo 13:33 - Tosi Tapu

³³ Na motou tio foki i ai ki ni tagata lalasi fakaii, ko vosa o Anake : I lamatou tio na motou fai kia latou pe ni seseivaka, ti na toe felaaki foki lalatou tio kia matou.

Numelo 13:33 ပူးပေါင်းရင်းမြစ်များ

Senesi 6:4

I le temi lena, na tagata lalasi ai le malama nei. Ti na toe felaaki i le oki o le ano o vosa o le Atua ki taineliki o tagata, ti na tupu loa mei ai ni fanau : ko latou ana na logologona i le temi mua.

Uluaki tosi o Koloniko 11:23

Na tamate loa e ia mo se tagata Esipito leia na meta lua vaelua lona lasi ti na too ia i lona lima se tao na fualasi pe se laakau a le tagata lalaga kie ; na ifo loa a ia kiate ia mo se tokotoko, ti na tatai loa e ia le tao mei le lima o le tagata Esipito, o tamate a ia ki ai.

Esaia 40:22

Ko ia leia e ekeeke i aluga o le lagi leia e takatakai ia le malama nei, Ti ko latou ala e nofo i ai e tatau mo lomimi ; E folasi e ia le lagi ofaipe se kie maamaa, E fola e ia latou ofaipe se falela, ke fai ai lona nofoaga.

Numelo 13:22

Na lotou ulu loa ki le potu Saute ti na lotou ano loa o kaku ki Epelone, leia na nonofo ai a vosa o Anake ko Asimani, mo Sesai, mo Talamai. Na laga Epelone i ni fetuu e fitu i mua o le laga o Tesoane i Esipito.

Numelo 13:28

Kae e makeke le kakai leia e nofo i le fenua lena, ti e lalasi a kolo, ti e takatakai latou ki ni a fatu makeke. Na motou tio foki i ai ki ni fanau a Anake.

Numelo 14:1

Na siki ake loa le leo o le kakai katoa, o tagi ; ti na lotou fetagisi loa i le po katoa.

Tetelonome 1:28

E tou ano loa kifea ? Kua fakagaegae otatou loto e otatou fetaina, o pati : Ko se kakai leia e makeke ake ti e lalasi ake ia tatou ; ko ni kolo ala e lalasi ti e a takatakai o kaku ki le lagi. Na lotou tio foki i ai ki ni fanau a Anake !

Tetelonome 2:10

I mua atu na nofoi le fenua o Ale e le kau Emimi : ko se kakai a ia na makeke, mo api, mo lalasi, ofaipe le kau Anake.

Tetelonome 3:11

Ko Oki, sau o Pasani, ko le sau fakamuli a ia o le kau Lefaimi. E feala ke tio i Lapa, kolo mua o le kau Amone, ki lona pusa mate, ko se pusa ukamea leia na meta fa tupu lona loa, ti na meta lua lona lau lasi.

Tetelonome 9:2

mo se kakai makeke mo lalasi, ko fanau a Anake, ala e ke iloa, ti na ke logo e pati ki ai : ko ai e feala loa ke tuu i mua o vosa o Anake ?

Sosue 11:21

I le temi foki lena, na toe ano loa Sosue o taui le kau Anake ala na nonofo i mauga o Epelone, mo Tepile, mo Anape, mo mauga fuli o Suta ti mo mauga fuli o Iselaele. Na tamate loa latou fuli e Sosue ti na maumaui katoa loa e ia olatou kolo.

Sosue 14:12

Koia ke ke soli mai kiate au le mauga leinei na masau ki ai le Eteleno i le aso lena ; talie na ke iloa i le aso lena na nofo i ai ni fanau a Anake, ti na tuu i ai ni kolo tau lalasi mo makeke. Ko leia fua ke nofo le Eteleno mo au, ti e kau kapu ia loa latou, o mulimuli ki le nea leia na fakasa e le Eteleno.

Sosue 15:14

Na kapu loa e Kalepo i ai a vosa e toka tolu o Anake : ko Sesai, mo Asimani ti mo Talamai, ko fanau a Anake.

Uluaki tosi a Samuele 17:24

I le tio a tagata fuli o Iselaele ki le tagata lena, na lotou fesolaki fuli loa i ona mua, ti na lotou i lasi ai.

Uluaki tosi a Samuele 17:42

Na tagaki loa le Filisitini, o tio kia Tavite, ti na nukinuki a ia kiate ia : Talie na koi toe a ia, mo ulu kena, mo mata fulumalie.