Numelo 13:28 - Tosi Tapu

²⁸ Kae e makeke le kakai leia e nofo i le fenua lena, ti e lalasi a kolo, ti e takatakai latou ki ni a fatu makeke. Na motou tio foki i ai ki ni fanau a Anake.

Numelo 13:28 ပူးပေါင်းရင်းမြစ်များ

Lua tosi a Samuele 21:16

Ti na manatu loa Sisepi-Penope, ko se tasi o fanau o Lafa, ke tamate Tavite ; na nofo a ia mo se tao sila na kilo tolu lona mamafa, ti na tau i lona fetuu se seleta foou.

Numelo 13:33

Na motou tio foki i ai ki ni tagata lalasi fakaii, ko vosa o Anake : I lamatou tio na motou fai kia latou pe ni seseivaka, ti na toe felaaki foki lalatou tio kia matou.

Tetelonome 1:28

E tou ano loa kifea ? Kua fakagaegae otatou loto e otatou fetaina, o pati : Ko se kakai leia e makeke ake ti e lalasi ake ia tatou ; ko ni kolo ala e lalasi ti e a takatakai o kaku ki le lagi. Na lotou tio foki i ai ki ni fanau a Anake !

Tetelonome 2:21

Ko se kakai a ia na makeke, mo api, mo lalasi, ofaipe le kau Anake. Na maumaui loa latou e le Eteleno i mua o le kau Amone, leia na kapu ia loa latou kae lotou nofo loa i lolatou fenua.

Tetelonome 3:5

Ko kolo ana na fakamakeke, ti na takatakai e ni kaua taualuga, ti na tapono ki ni matapa lokai. Na i ai foki ni kolo ala na leaise a, ti na lotou lasi ai.

Sosue 11:22

Na leaise toe maua se Anake i le fenua o Iselaele, kae na toe fai i Kasa, mo Kati, ti mo Asetoti.

Sosue 14:12

Koia ke ke soli mai kiate au le mauga leinei na masau ki ai le Eteleno i le aso lena ; talie na ke iloa i le aso lena na nofo i ai ni fanau a Anake, ti na tuu i ai ni kolo tau lalasi mo makeke. Ko leia fua ke nofo le Eteleno mo au, ti e kau kapu ia loa latou, o mulimuli ki le nea leia na fakasa e le Eteleno.

Sosue 15:14

Na kapu loa e Kalepo i ai a vosa e toka tolu o Anake : ko Sesai, mo Asimani ti mo Talamai, ko fanau a Anake.

Tuifakamaau 1:20

Na soli loa kia Kalepo a Epelone, o mulimuli ki le pati a Moisese ; ti na kapu loa e Kalepo a vosa e tolu o Anake.