Numelo 13:26 - Tosi Tapu

²⁶ I lalatou kaku ake, na lotou ano loa kia Moisese, mo Alone, mo le kakai katoa o Iselaele, i Katesi i le toafa o Palani. Ti na lotou fakamatala loa kia latou a nea fuli ala na lotou tio ki ai, ti na lotou fakatio loa latou ki fua o le fenua.

Numelo 13:26 ပူးပေါင်းရင်းမြစ်များ

Senesi 14:7

Ti na lotou toe liliu loa mei ai, o ano ki Ene-Misipati, leia ko Katesi, o taui le kau Amaleke i lolatou fenua, ti mo le kau Amole ala na nonofo i Asasoni-Tamale.

Pesalemo 29:8

E fakalulu e le leo o le Eteleno le toafa : E fakalulu e le Eteleno le toafa o Katesi.

Numelo 13:25

Na lotou toe liliu loa i le oki o le fakatele i le kau fa aso.

Numelo 13:3

Na kakau loa latou e Moisese mei le toafa o Palani, o mulimuli ki le fakatotonu a le Eteleno : ko tagata fuli ana ko ni pule o fanau a Iselaele.

Numelo 20:1

Na kaku loa le fakatasi o fanau a Iselaele ki le toafa o Sini i le uluaki masina, ti na nofo loa le kakai i Katesi. I le ganea lena na mate ai loa Miliamu, ti na tanu loa a ia i ai.

Numelo 20:14

Mei Katesi, na kakau loa e Moisese ni tagata avelogo ki le sau o Etome, o pati kiate ia : Ko leinei le masau o lou taina ko Iselaele : E ke iloa a mamae fuli ala na motou felavei ia.

Numelo 20:16

Na motou tagi loa ki le Eteleno, ti na logo loa a ia ki lomatou leo. Na kakau mai loa e ia se aselo, o fakamavae matou mei Esipito. Ti ko leinei, e motou nonofo i Katesi, kolo leia e tuu i le taupotu o lou fenua.

Numelo 32:8

Na fai foki le nea lena e okoutou tamana i le aso leia na kakau ai latou e Moisese mei Katesi-Palenea ke ano o tioi le fenua.

Numelo 32:9

Na lotou pale loa i le temi lena o kaku ki le liua o Esikoli, kae i le oki o lalatou tioi le fenua, na lotou fakalotogaegae ia loa fanau a Iselaele ke aua na lotou ano ki le fenua leia kua soli e le Eteleno kia latou.

Numelo 33:36

Na lotou mavae loa i Esioni-Kepele, ti na lotou nonofo loa i le toafa o Tesini : ko Katesi a ia.

Tetelonome 1:19

Na tou mavae loa i Olepe, ti na tou foli katoa loa i le toafa lasi mo fakaii leinei kua kotou iloa ; na tou too loa le ala leia e ano ki le mauga o le kau Amole, o mulimuli ki le fakatotonu a le Eteleno, ti na tou kaku loa ki Katesi-Palenea.

Tetelonome 1:2

Na aso kau agafulu tupu tasi le fanoga mei Olepe ki Katesi-Palenea, i le ala o le mauga ko Seili.

Sosue 14:6

Na fakafeofi ake loa a vosa o Suta kia Sosue, i Kilikale ; ti na pati loa Kalepo, vosa o Sefune, tagata Kenasi, kiate ia : E ke iloa ia le nea leia na fakasa e le Eteleno kia Moisese, tagata a le Atua, o uiga mo au ti mo koe, i Katesi-Palenea.

Sosue 14:7

Na kau fetuu kau fa i le temi lena na kakau ai au e Moisese, tagata fakasausau a le Eteleno, mei Katesi-Palenea, ke ano o sivisivi le fenua, ti na kau fai kiate ia se fakamatala o mulimuli ki le nea leia na maua i loku loto.