Numelo 12:6 - Tosi Tapu

⁶ Ti na pati loa a ia : Kolua fakalogo malie mai ki aku masau ! Ka maua loa ia koutou se polofeta, ko se ata loa leia e kau sa ai loa kiate ia, a au ko le Eteleno, ti e kau masau loa kiate ia i se moe miti.

Numelo 12:6 ပူးပေါင်းရင်းမြစ်များ

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Senesi 20:7

I le aso nei, ke ke toe fakaliliu le fafine ki lona avaga ; talie ko se polofeta a ia, ti e faikole loa a ia kiate koe, ti e ke mauli loa. Kae kapau e leaise ke toe fakaliliu a ia, ke ke iloa e ke mate loa, a koe mo latou fuli ala e kau ki lou fale.

Senesi 28:12

Ti na moe miti loa a ia : Ti ko leinei, na tuu se kakega i le kele ti na tau lona tumutumu ki le lagi. Ti ko leinei, na pale mo ifo a aselo o le Atua i le kakega lena.

Senesi 28:16

Na ala ake loa Sakopo i lana moe, o pati : E nofo maoki le Eteleno i le ganea leinei, kae e leaise kau iloa a ia.

Senesi 37:5

Na fai loa e Sosefo se moe miti, ti na fakamatala loa e ia a ia ki ona fetaina, ala na toe asilisili vesia loa kiate ia.

Senesi 37:9

Na toe fai foki e ia se tasi moe miti, ti na toe fakamatala loa e ia ki ona fetaina. Na pati loa a ia : Na kau toe fai foki se tasi moe miti : Na kau tio ki le laa, mo le masina, ti mo fetuu e kau agafulu tupu tasi, na tulolo i oku mua.

Senesi 46:2

Ti na masau loa le Atua kia Iselaele i se moe miti i le pouli, o pati : Sakopo ! Sakopo ! Ti na tali loa Iselaele : Ko leinei au !

Lua tosi a Samuele 7:4

I leia ake a po, na fakasa loa le folafola a le Eteleno kia Natane :

Uluaki tosi o Sau 3:15

Na ala ake loa Salomone i lana moe. Ti ko lena le moe miti. Na toe liliu loa Salomone ki Selusalemi, o ano loa ki mua o le aleka o le sai a le Eteleno. Na momoli loa e ia ni failaulau mo ni sakilifisio fakafetai, ti na fai loa e ia se kai lasi ki ana tagata fakasausau.

Uluaki tosi o Sau 3:5

I Kapaone, na sa loa le Eteleno i se moe kia Salomone i le pouli, ti na pati loa le Atua kiate ia : Kole mai le nea leia e ke loto ke kau soli atu kiate koe.

Sopo 33:15

E masau a ia i moe miti, mo nea ala e tio ki ai i le pouli, I le temi leia e moe mate ai a tagata, I le temi leia e lotou momoe ai i olatou moeaga.

Sopo 4:13

I le temi leia e gaoi ai le moe miti le fakakaukau, Mo ka kua tuku a tagata ki se moe loloto,

Pesalemo 105:15

Aua na kotou fafa ki aku filifiliia, Aua na kotou fai se nea veli ki aku polofeta !

Pesalemo 89:19

Talie ko le Eteleno ko lomatou paletau, Ko le Sagato o Iselaele ko lomatou sau a ia.

Ekesote 7:1

Na pati loa le Eteleno kia Moisese : Tio, e kau fakaliliu a koe ko le Atua kia Falaone ; ti ko Alone, lou taokete, e liliu loa ko lau polofeta.

Selemia 23:25

Na kau logo ki le nea leia na fakasa e le kau polofeta, ala na kikite ia le loi i loku suafa, o pati : Na kau fai se moe ! Na kau fai se moe !

Selemia 23:28

Ke fakamatala e le polofeta leia na fai ia se moemiti lana moe, Ti ke fakasa laku folafola i le maoki e leia na logo ki laku folafola. Kolea e filo ai le penu mo le fulumeto ? e pati le Eteleno.

Esekiele 1:1

I le kau tolu fetuu, i le aso lima o le masina fa, i laku nofo mo le kakai popula i le vaitafe o Kepale, na mavaa loa le lagi ti na kau tio loa ki ni nea fakaatua.

Taniela 10:8

Na kau nofo toka tasi loa, o tio ki le nea lasi lena kua sa mai kiate au ; na leaise koi kau maua soku makeke, ti na fetogi loa oku mata i le lasi o loku i, ti na puli katoa loa loku makeke.

Taniela 2:19

Ti na fakasa loa le nea fakafufu kia Taniela, i se tio i le pouli. Ti na fakafetai loa Taniela ki le Atua o le atu lagi.

Taniela 7:1

I le uluaki fetuu o Pelesatesale, sau o Papilone, na fai loa e Taniela se moe miti, ti na sa loa ni tio ki lona loto i lana moe i lona moeaga. Ti na tosi loa e ia le moe miti, ti na fakamatala loa e ia a nea tafito ala na tio a ia ki ai.

Taniela 8:2

I laku moe miti lena, na sakinake kiate au e kau nofo i Suse, le kolo mua o le fenua ko Elame ; i laku moe na kau tio loa e kau tuu i le laugutu o le vaitafe ko Ulai.

Oseo 12:11

Na kau masau ki le kau polofeta, Na kau liuliuga a tio, Ti na kau tuku ki le kau polofeta ni folafola fakatata.

Soele 3:1

Talie ko leinei, i aso ana, i le temi lena, Mo ka kau toe aumai loa le kau popula o Suta mo Selusalemi,

Sakalia 1:8

Na kau tio i le pouli, ti ko leinei, na eke se tagata i se osi kula, ti na tuu a ia i loto malie o ni mila i se ganea malumalu ; na tutuu i ona muli ni osi kula, mo ni osi uli, ti mo ni osi tea.

Numelo 24:4

Ko leinei le folafola a le tagata leia e logo ki folafola a le Atua, A leia e tio ki le tio a le Mafimafi, A leia e punou kae mavaa ona mata.

Mateo 1:20

Na lolotoga fakakaukau a ia ki le nea lena, ti na fokifa kua sa se aselo o le Aliki kiate ia i se moe miti, o pati : Sosefo, vosa o Tavite, aua na ke i i le too o Malia lau avaga, talie ko le toe leia e tinae ai e au mei le Laumalie Maokioki.

Mateo 2:19

I le oki o le mate o Elote, ko leinei na sa loa se aselo o le Aliki i se moe miti kia Sosefo i Esipito,

Mateo 23:31

E kotou fakamaoki i lena kia koutou totonu, ko koutou ko vosa o latou ala na tamate ia le kau polofeta.

Mateo 23:34

Koia loa, ko leinei, e kau kakau atu loa kia koutou ni polofeta, ni tagata poto ti mo ni sekelipa. E kotou tamate loa ni iki, ti e kotou kulusifiko loa ni iki, ti e kotou sasa loa ki laakau ni iki i okoutou sinakoka, ti e kotou fakavelivelii loa latou mei leia a kolo ki leia a kolo,

Mateo 23:37

Selusalemi, Selusalemi, leia e tamate ia le kau polofeta ti mo tuki fatui ia latou ala na kakau atu kiate koe, kua tua fia loku loto ke kau fakatasii au fanau ofaipe se ufa leia e fakatasii ia ona uviki i lalo o ona kapakau, kae na leaise kotou loto ki ai !

Mateo 27:19

I lana nofo i le telepinale, na fakasa loa e lona avaga kiate ia : Ke aua na i ai fua se nea i le vasa o ou mo le tagata agatonu lena ; talie i le aso nei na kau mamae lasi ai i laku moe miti o tupu ko ia.

Luka 1:11

Ti na sa loa se aselo o le Aliki kia Sakalia, o tuu i le fetuu atamai o le aletale o kaloni.

Luka 1:22

I lana ulu ki fafo, na leaise mafai loa e ia ke masau kia latou, ti na lotou matala loa na tio a ia ki se nea i le fale tapu, talie na kamokamo a ia kia latou, kae na leaise masau a ia.

Luka 20:6

Ti kapau e tou tali : Mei tagata, e tuki fatui loa tatou e le kakai katoa, talie kua lotou fakamaoki ko Soane ko se polofeta.

Gaoi 10:11

Ti na tio loa a ia ki le lagi kua mavaa, ti ko se nea leia na faipe se fa kie lasi kua nonoa i ona tapa e fa, na ifo loa o kaku ki le kele,

Gaoi 10:17

Ti i le lolotoga fifili a Petelo ki le uiga o le nea leia na tio ki ai, ko leinei, na tutuu ake loa ki le matapa a tagata ala na kakau mai e Kolenelio, o afa le fale o Simone.

Efeso 4:11

Ti na soli e ia ni iki ko le kau apositolo, mo ni iki ko le kau polofeta, mo ni iki ko le kau evaselisita, mo ni iki ko le kau tausi ovi mo le kau toketa,

Tetelonome 18:15

E fakatuu ake loa e le Eteleno, lou Atua, i loto malie o ou, i ou fetaina, se polofeta o tatau mo au : ke kotou fakalogo loa kiate ia !

Tetelonome 18:18

E kau fakatupu loa i ou fetaina se polofeta e tatau mo koe, e kau tuku loa aku folafola ki lona gutu, ti e fakasa loa e ia kia latou a nea fuli ala e kau fakatotonu loa kiate ia.

Epelo 1:1

I mua, na masau le Atua i ni temi kesekese ti mo ni fai kesekese ki otatou tamana i le kau polofeta,

Apokalipisi 11:10

Ti e fiafia loa le kakai o le malama nei i le mate o tagata ana e toka lua, ti e lotou fiafia lasi loa, o feaveaki alatou nea alofa, talie na fakamamaei a kakai o le malama nei e polofeta ana e toka lua.

Apokalipisi 11:3

E kau soli loa ki aku tagata fakamaoki e toka lua, ala kua kofu ki ni taga, ke la akonaki fakakikite i ni aso e afe kau lelau lua kau ono.

Uluaki tosi a Samuele 28:6

Na afa loa e Saulo le finegalo o le Eteleno ; kae na leaise tali fua le Eteleno kiate ia, pe i ni moe miti, pe i le ulimi, pe i le kau polofeta.

Uluaki tosi a Samuele 3:15

Na moe loa Samuele o kaku ki le usu, ti na fakamavaa loa e ia a matapa o le fale o le Eteleno. Na tuania ia loa e Samuele ke fakamatala le nea leia na sa kiate ia kia Eli.

Uluaki tosi a Samuele 3:21

Na tau sa loa le Eteleno i Silo ; talie na fakasa loa e le Eteleno lona agai kia Samuele i Silo i le folafola a le Eteleno.