Numelo 12:5 - Tosi Tapu

⁵ Na ifo loa le Eteleno i le pou ao, ti na tuu loa a ia i le uluaga o le falela tapu. Na kalagai loa e ia Alone mo Miliamu ala na fakafeofi toka lua ake loa kiate ia.

Numelo 12:5 ပူးပေါင်းရင်းမြစ်များ

Pesalemo 99:7

Na masau loa a ia kia latou i le pou ao ; Na lotou tausi loa ana folafola, Ti mo le lao leia na soli loa e ia kia latou.

Ekesote 19:9

Ti na pati loa le Eteleno kia Moisese : Ko leinei, e kau au loa kiate koe i se ao matotolu, o tupu ke logo malie le kakai i le temi leia e kau masau ai loa kiate koe, ti ke tui tuumau loa a ia kiate koe. Na toe fakasa loa e Moisese ki le Eteleno a masau a le kakai.

Ekesote 34:5

Na ifo ake loa le Eteleno i se ao, o tuu i ona tafa i le mauga, ti na fakasa loa e ia le suafa o le Eteleno.

Ekesote 40:38

Na tuu le ao o le Eteleno i aluga o le tapenakulo i le ao ; ti na i ai se afi i le pouli, i mua o fanau fuli o Iselaele, i le temi katoa leia na lotou fanoga ai.

Numelo 11:25

Na ifo loa le Eteleno i le ao, o masau kia Moisese. Ti na too loa e ia se potu o le laumalie leia na nofo iate ia, o tuku loa a ia ki le kau fakamatuatua e tino fitu. I le temi fai leia na ifo ai loa le laumalie kia latou, na lotou masau loa ofaipe le kau polofeta ; kae na leaise lotou soko atu a ia.

Numelo 12:4

Ti fokifa kua pati le Eteleno kia Moisese, mo Alone, mo Miliamu : Kotou ano toka tolu loa ki le falela tapu. Na lotou ano loa ki ai.