Numelo 12:1 - Tosi Tapu

¹ Na masau veli loa Miliamu mo Alone kia Moisese, o tupu ko le fafine Etiopia leia na avaga mo ia : talie na too e Moisese se fafine Etiopia.

Numelo 12:1 ပူးပေါင်းရင်းမြစ်များ

Senesi 24:3

E kau loto ke ke fakapapau ki le Eteleno, ko le Atua o le lagi mo le Atua o le malama nei, ke aua na filifili loa ki loku vosa se fafine i taineliki o le kau Kanaane ala e kau nofo ai,

Senesi 24:37

Na fakatotonu mai e loku aliki kiate au ke kau fakapapau ake kiate ia le nea leinei ; na pati mai loa a ia : Aua na ke filifili loa se avaga ki loku vosa i taineliki o le kau Kanaane, i le fenua leia e kau nofo ai ;

Senesi 27:46

Na pati loa Lepeka kia Isaake : Kua kau fakalialia ki le mauli o tupu ko oku fugao, a taineliki o Eti. Kapau e toe avaga loa Sakopo mo se taine o Eti, ofaipe laua anei, kolea loa le uiga o le mauli kiate au ?

Senesi 41:45

Ti na soli loa e Falaone kia Sosefo le igoa ko Safinati-Paeneasi ; ti na soli loa e ia kia Sosefo a Asenate, taine o Potifela, ko le pelepitelo o Oni, ke avaga mo ia. Ti na ano loa Sosefo o fakatele le fenua katoa o Esipito.

Ekesote 2:16

Na maua e le tagata faisakilifisio o Matiane ni taineliki e toka fitu. Na lotou au loa o asu vai, ti na lotou fakaapele loa a fakainuaga o manu ke fakainu ai a kau manu o lolatou tamana.

Ekesote 2:21

Na loto loa Moisese ke nofo i le fale o le tagata lena, ti na soli loa e Leuele kiate ia lona taine ko Sefola, ke avaga mo ia.

Ekesote 34:16

talie ke aua na ke too ia olatou taineliki ki ou vosa, ti ko olatou taineliki, ala e tausi ki olatou atua, ke aua na lotou toso ia ou vosa ke tausi ki olatou atua.

Levitiko 21:14

E leaise too loa e ia se fafine lokonui, pe ko se fafine na kapu, pe ko se fafine faiaga, pe ko se fafine leia kua maumaui lona taupoou ; kae e avaga loa a ia mo se taine taupoou i lona kakai.

Numelo 14:22

Ko latou fuli ala na tio ki loku kololia mo fakamailoga ala na kau fai i Esipito mo le toafa, ala kua asiasii ia au o tua kau agafulu o kaku mai ki le aso nei, talie na leaise lotou fakalogo ki loku leo,

Numelo 16:2

Na lotou fakatutuu loa kia Moisese, mo tagata e tino lelau lua tino lima o fanau a Iselaele, ko ni pule o le fakatasi, ko ni iki o latou ala na kau i le fono ti na kau ki le kau tagata mauiga o Iselaele.

Numelo 26:59

Ko le igoa o le avaga o Amilame ko Sokepeti, taine o Levi, leia na tupu loa kia Levi i Esipito ; na fanaui loa e Sokepeti kia Amilame a Alone, mo Moisese, mo Miliamu, lola tuagaane.

Mateo 10:36

ti e maua loa e le tagata ona fili i le kakai o lona fale.

Mateo 12:48

Kae na tali loa Sesu ki leia na fakasa ia ake kiate ia le nea lena : Ko ai loku tinana, ti ko ai oku fetaina ?

Soane 15:20

Kotou manatui le folafola leia na kau fakasa atu kia koutou : E leaise lasi ake le tagata fakasausau i lona pule. Kapau na lotou fakavelivelii au, ti e lotou toe fakavelivelii foki mo koutou ; kapau na lotou fai laku folafola, ti e lotou toe fai foki lakoutou folafola.

Soane 7:5

Talie na leaise tui foki ona fetaina kiate ia.

Kalate 4:16

Pe kua kau liliu ko lokoutou fili i laku fakasa atu kia koutou le maoki ?