Numelo 11:31 - Tosi Tapu

³¹ Na fakaagi loa e le Eteleno mei le tai se matagi leia na aumai ia loa se ao kaia, ti na fakavilo loa e ia latou ki le nofolaga. Na maua loa latou i tafatafa o le nofolaga o kaku ki le gatoaga o le saele i se aso katoa, ti na lotou lele fua i aluga o le kele i se meta e tasi.

Numelo 11:31 ပူးပေါင်းရင်းမြစ်များ

Pesalemo 105:40

I lalatou kole, na aumai loa e ia kia latou ni manu lele, Ti na fagai loa e ia latou o makokona ki le pane o lagi.

Pesalemo 106:15

Na soli loa e ia kia latou le nea leia na lotou kole ; Ti na kakau loa e ia le fakalaulautetea ki olatou tino.

Pesalemo 135:7

E fakapale ake e ia ki aluga a ao i potupotu o le malama nei ; E fakatupu e ia a uila mo le ua ; E too e ia le matagi mei ona koloa fufu.

Ekesote 10:13

Ti na siki loa e Moisese lana tokotoko ki le fenua o Esipito ; ti na fakaagi loa e le Eteleno se matagi mei le potu Esite ki le fenua i le aso katoa lena mo le po katoa lena. I le pogipogi usu na aumai loa e le matagi o le potu Esite ni seseivaka.

Ekesote 10:19

Na fakaagi mai loa e le Eteleno se matagi makeke mei le potu Uesite, ti na ave loa e le matagi a seseivaka o laku ki le tai Kula ; na leaise toe maua loa se seseivaka e tasi i le fenua katoa o Esipito.

Ekesote 15:10

Na ke pupusi lau tukumanava : Ti na lotou lofia i le tai ; Na lotou ogo ofaipe se potu pulu, O kaku ki le takele o le moana.

Ekesote 16:13

I le afiafi, na nake loa ni kaia o uufi katoa le nofolaga ; ti i le usu, na i ai loa se sasau matotolu i tafatafa o le nofolaga.

Numelo 11:30

Ti na ano loa Moisese ki le nofolaga, mo le kau fakamatuatua o Iselaele.