Numelo 11:23 - Tosi Tapu

²³ Na pati loa le Eteleno kia Moisese : Pe kua toetoe loa le lima o le Eteleno ? I le aso nei e ke tio ai loa pe soko pe leai le nea leia kua kau pati ki ai.

Numelo 11:23 ပူးပေါင်းရင်းမြစ်များ

Senesi 18:14

Pe i ai fua se nea e tasi leia e faigataa ki le Eteleno ? I le temi leia kua fakatotonu ki ai, i le temi totonu leinei, e kau toe liliu mai loa kiate koe, ti e nofo loa lou avaga ko Sala mo se vosa.

Lua tosi o Sau 4:43

Na tali loa lana tagata fakasausau : E fefeaki loa laku aga o tufa ke tofu ai le tino lelau leinei ? Kae na pati loa Eliseo : Soli ki le kakai lena, ti ke lotou kai ; talie ko leinei le folafola a le Eteleno : E kai loa, ti e toe foki.

Lua tosi o Sau 7:2

Na tali loa le tagata solia leia na feanoaki tuumau mo le sau ki le tagata a le Atua : Kapau e fai loa e le Eteleno ni katupa i le lagi ke laku mai ai se fulumeto, tio lagi mafai ke soko loa le nea lena e ke pati ki ai ! Na tali loa Eliseo : E tio loa ou mata ki le nea lena, kae e leaise ke kai loa ki ai.

Pesalemo 78:41

Io, na leaise gato loa lalatou asiasii le Atua, Ti mo lalatou fakatupu ia le sausau o le Sagato o Iselaele.

Ekesote 6:1

Na pati loa le Eteleno kia Moisese : I le aso nei e ke tio loa ki le nea leia ka kau fai loa kia Falaone ; e fakamakeke loa a ia e se lima makeke ke tuku latou ke ano, ti e fakamakeke loa a ia e se lima makeke ke kapu latou mei lona fenua.

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Esaia 59:1

Leai, e leaise toetoe le lima o le Eteleno ke fakamauli, Pe tulituli lona taliga ke aua na logo.

Selemia 14:9

Kolea e ke fai ai loa pe se tagata leia e ofolele, Pe se toa leia e leaise mafai ia ke tokoi kia matou ? Kae ko koe, Eteleno, e ke nofo maoki i loto malie o matou, Ti e motou fetapa ki lou suafa ia matou : Aua na ke tiaki matou !

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Selemia 32:27

Ko leinei, ko au ko le Eteleno, le Atua o tagata fuli. Pe i ai se nea e faigataa kiate au ?

Esekiele 12:25

Talie ko au, le Eteleno, e kau masau loa ; Ko le nea leia e kau fakasa loa e soko loa, Ti e leaise toe tuvai loa a ia ; Io, i okoutou aso, famili o kau agatuu, E kau fakasa loa se folafola ti e kau fakasoko loa a ia, E pati le Aliki, le Eteleno.

Esekiele 24:14

Ko au, le Eteleno, kua kau masau : ti e soko loa le nea lena ! E kau fai loa a ia ; ti e leaise kau toe solomuli loa, ti e leaise kau toe aloalofa loa pe toe fakasemala loa. E fakamaaui loa a koe o mulimuli ki lau aga mo au gaoi, e pati le Aliki, le Eteleno.

Taniela 6:20

Na fakafeofi loa a ia ki le popoko, ti na kalaga loa a ia kia Taniela ki se leo mamae. Ti na masau loa le sau, o pati kia Taniela : Taniela, tagata fakasausau a le Atua mauli, pe na mafai e lou Atua leia e ke tausi ki ai i le kataki fualoa, ke saofaki a koe mei laione ?

Mikea 2:7

Fale o Sakopo, pe ke toa i le masau felaaki ? Pe ita vave le Eteleno ? Pe ko lana fai masani a ia ? Pe leaise malie aku masau Ki leia e saele i le agatonu ?

Numelo 11:22

Kapau e motou tamate loa amatou ovi fuli, mo amatou koti fuli, ti mo amatou pipi fuli, e leaise feauga loa le nea lena ; ti kapau e motou aumai a ika fuli o le tai, e leaise feauga aifai le nea lena !

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Mateo 19:26

Na tio loa Sesu kia latou, o pati : E leaise feala le nea lena ki tagata, kae e feala a nea fuli ki le Atua.

Mateo 24:35

E puli loa le lagi mo le kele, kae e leaise toe puli loa aku folafola.

Luka 1:37

Talie e leaise faigataa se nea ki le Atua.