Numelo 11:17 - Tosi Tapu

¹⁷ E kau ifo mai loa, ti e kau masau loa kiate koe i lena. E kau too ia loa se potu o le laumalie leia e nofo iate koe, o tuku kia latou, ke lotou amo mo koe le kavega o le kakai, ti ke aua na ke amo toka tasi a ia.

Numelo 11:17 ပူးပေါင်းရင်းမြစ်များ

Senesi 11:5

Na ifo loa le Eteleno o tio ki le kolo mo le tule leia na fakatuu e vosa o tagata.

Senesi 17:22

I le oki o lana masau kiate ia, na malaga loa le Atua i aluga o Apalaamo.

Senesi 17:3

Na fakamapee loa Apalamo o fakatuu ona mata ki le kele ; ti na masau loa le Atua kiate ia, o pati :

Senesi 18:33

Ti na ano loa le Eteleno i le oki o lana masau kia Apalaamo. Kae na toe liliu loa Apalaamo ki lona nofoaga.

Lua tosi o Sau 2:15

I le tio loa a vosa o le kau polofeta, ala na nonofo i Seliko ti na tutuu mei mamao, ki le nea leia na fai e Eliseo, na lotou pati loa : Kua ifo le laumalie o Elia kia Eliseo ! Ti na lotou au loa o fakafelavei kia Eliseo, o punou olatou ulu ki le kele i ona mua.

Lua tosi o Sau 2:9

I le oki o lala fakalaka, na pati loa Elia kia Eliseo : Kole mai le nea leia e ke loto ke kau fai kiate koe, i mua o loku ave meiate koe. Na pati loa Eliseo : E kau kole kiate koe ke ifo kiate au se potu o lou laumalie fakakikite o liuga lua !

Neemia 9:20

Na ke soli loa kia latou lou Laumalie ke lotou liliu o fakalogo, ti na leaise ke too loa lau mana mei olatou gutu, ti na ke soli loa se vai ki lolatou fia inu.

Ekesote 18:18

E ke gaegae loa, ti e ke toe fakagaegae ia foki le kakai lena e nofo mo koe ; talie e mamafa ai le gaoi lena kiate koe, ti e leaise feala ke ke amo a ia toka tasi !

Ekesote 18:22

Ke lotou fakamaaui loa le kakai i aso fuli ; ke lotou aumai fua kiate koe a visi lalasi, kae ke lotou fakatokatoka a nea liliki fuli. Ke ke fakamaamaa lau kavega, ti ke lotou amo le kavega mo koe.

Ekesote 19:11

Ke lotou nofo teuteu ki le tolu o aso, talie i le tolu o aso e ifo ai loa le Eteleno ki le mauga o Sinai, ti e tio mata loa le kakai katoa kiate ia.

Ekesote 19:20

Na ifo loa le Eteleno ki le mauga o Sinai, ki le tumutumu o le mauga. Na kalaga loa le Eteleno kia Moisese ke pale ki le tumutumu o le mauga. Ti na pale loa Moisese.

Ekesote 34:5

Na ifo ake loa le Eteleno i se ao, o tuu i ona tafa i le mauga, ti na fakasa loa e ia le suafa o le Eteleno.

Esaia 44:3

Talie e kau liligi loa ni vai ki le fenua kua mate i le fia inu, Ti mo ni liua ki le kele malo ; E kau liligi loa loku Laumalie ki lou sakoga, Ti mo laku tapuakina ki ou uli.

Esaia 63:11

Ti na manatui loa e lona kakai a aso mago o Moisese. Kofea leia na fakamavae ia latou i le tai, Mo le tagata tausi o lana kau manu ? Kofea leia na tuku ia ki loto malie o latou lona Laumalie maokioki ;

Soele 2:28

I le oki o le nea lena, e kau liligi loa loku Laumalie ki kanofi fuli ; E kikite loa okoutou vosa mo okoutou taineliki, E fai loa e okoutou matua ni moe miti, Ti mo okoutou tagata tupulaga ni tio.

Numelo 11:25

Na ifo loa le Eteleno i le ao, o masau kia Moisese. Ti na too loa e ia se potu o le laumalie leia na nofo iate ia, o tuku loa a ia ki le kau fakamatuatua e tino fitu. I le temi fai leia na ifo ai loa le laumalie kia latou, na lotou masau loa ofaipe le kau polofeta ; kae na leaise lotou soko atu a ia.

Numelo 12:5

Na ifo loa le Eteleno i le pou ao, ti na tuu loa a ia i le uluaga o le falela tapu. Na kalagai loa e ia Alone mo Miliamu ala na fakafeofi toka lua ake loa kiate ia.

Numelo 12:8

E kau masau kiate ia i le gutu ki le gutu, e kau sa kiate ia, ti e tio a ia ki se ata totonu o le Eteleno i ona mua. Kolea na leaise kolua i ai i le masau veli ki laku tagata fakasausau ko Moisese ?

Numelo 27:18

Na pati loa le Eteleno kia Moisese : Too Sosue, vosa o Nune, ko se tagata leia e nofo ai loku Laumalie ; ti ke teki loa lou lima kiate ia.

Numelo 7:89

I le temi leia na ulu ai loa Moisese ki le falela tapu o masau mo le Eteleno, na logo loa Moisese ki le leo o le Eteleno : na ulu mai le leo lena mei le vasa o selupino, i aluga o le tapono o le aleka leia na tuku ai a fatu o le fakapapau. Ti na masau loa le Eteleno mo Moisese.

Soane 3:13

E leikiaise pale se tagata ki le lagi, kae gato fuai ki leia na ifo mei le lagi, le Vosa o le tagata leia e nofo i le lagi.

Soane 7:39

Na pati a ia o uiga mo le Laumalie Maokioki leia e tonu ke tali e latou ala e tui loa kiate ia ; talie na leikiaise soli le Laumalie Maokioki, o tupu na leikiaise fakakololia Sesu.

Loma 8:9

Kia koutou, e leaise kotou mauli o mulimuli ki le kanofi, kae o mulimuli ki le Laumalie, mo kapau e nofo maoki ia koutou le Laumalie o le Atua. Kapau e leaise maua e se tasi le Laumalie o Kilisito, e leaise kau a ia kiate ia.

Uluaki tosi ki le kau Kolinto 2:12

Ti ko tatou, na leaise tou tali le laumalie o le malama nei, kae ko le Laumalie leia e au mei le Atua, o tupu ke tou iloa a nea ala na soli mai e le Atua kia tatou i lona kalasia.

Uluaki tosi ki le kau Tesalonika 4:8

Koia, ko leia e tiaki ia a fakatotonu ana, e leaise tiaki e ia se tagata kae le Atua, leia na soli ia atu foki kia koutou lona Laumalie Maokioki.

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,

Suta 1:19

ko latou ala e fakatupu ia ni fakavaevaega, ko ni tagata aga fakamanu latou, ala e leaise maua ia le Laumalie.

Uluaki tosi a Samuele 10:6

E too loa a koe e le Laumalie o le Eteleno, ti e ke masau kikite loa mo latou, ti e ke liliu loa ko se tasi ake tagata kese.