Numelo 11:11 - Tosi Tapu

¹¹ Na mamae ai le loto o Moisese, ti na pati loa a ia ki le Eteleno : Kolea e ke fakamamae ai le loto o lau tagata fakasausau ? Kolea e ke fakafiti ai kiate au lou agamalie ? Kolea e ke teki ai kiate au le kavega o le kakai fuli leinei ?

Numelo 11:11 ပူးပေါင်းရင်းမြစ်များ

Sopo 10:2

E kau pati ki le Atua : Aua na ke tautea au ! Fakasa mai pe kolea leia e ke fakafesagai ai kiate au !

Pesalemo 130:3

Ka na ke taupau le manatu ki agasala, Eteleno, Ko ai e mafai loa ke mauli ?

Pesalemo 143:2

Aua na ke fakamaaui lau tagata fakasausau ! Talie e leaise agatonu se tagata mauli i ou mua.

Ekesote 17:4

Na tagi loa Moisese ki le Eteleno, o pati : Kolea e kau fai loa ki le kakai leinei ? Koi toe fua le ganea ikiiki, ti lotou tuki fatui loa au.

Ekesote 5:22

Na toe liliu loa Moisese ki le Eteleno, o pati : Aliki, kolea kua ke fai ai le nea veli ki le kakai leinei ? Kolea na ke kakau mai ai au ?

Selemia 15:10

Malaia kiate au, ei loku tinana, i lau fakatupu ia au, Ko se tagata fakatupu visi ti mo fakatupu fefele ki le fenua katoa ! E leaise kau too maua, ti e leaise kau soli maua, Kae e lotou fakamalaia fuli mai kiate au.

Selemia 15:18

Kolea e fai sosoko ai loku mamae ? Kolea e mamae ai loku lavea, ti e leaise loto ai ke mafo ? Pe kua ke fai kiate au pe se matapuna kaka, Pe se liua leia e leaise iloa papau pe i ai se vai pe leai ?

Malakia 3:14

Na kotou pati : E leaise aoga o le tausi ki le Atua ; Kolea na tou maua i le tausi o ana pelesepeto, Ti mo le saele i le mamae, O tupu ko le Eteleno o kau tau ?

Numelo 11:10

Na logo loa Moisese ki le lalau a le kakai i olatou famili, le tagata taki toka tasi i le uluaga o lona falela. Ti na mu loa le sausau o le Eteleno o lasi ai.

Numelo 11:15

Ti kapau e ke fai fenaaki kiate au, ti e malie ake ke ke tamate au ! E ke fakasa loa i ai lou agamalie kiate au, ti e leaise kau tio loa ki le malaia o loku kakai.

Lua tosi ki le kau Kolinto 11:28

Ti e leaise kau masau ki la ake a nea, ti e kau tau i le aso taki tasi mo tuania o Ekelesia fuli.

Tetelonome 1:12

Pe feaki loa laku amo ia, e au toka tasi, lokoutou tausi, mo lokoutou kavega, mo akoutou fakavisi ?