Numelo 10:35 - Tosi Tapu

³⁵ Ka mavae loa le Aleka, na pati loa Moisese : Tuu ki aluga, Eteleno ! ti ke fakamavete ou fili ! ti ke fesolaki i ou mua latou ala e vesia kiate koe !

Numelo 10:35 ပူးပေါင်းရင်းမြစ်များ

Pesalemo 132:8

Tuu ki aluga, Eteleno, au ki lou maloloaga, A koe mo le aleka o lou agai !

Pesalemo 3:8

Ke ke tuu ki aluga, Eteleno ! Ke ke saofaki au, ei loku Atua ! Talie e ke taai a kalaafau o oku fili fuli, E ke fatifatii a nifo o le kau agaveli.

Pesalemo 9:19

Talie e leaise galo le tagata mativa o lee gato, Ti e leaise puli le amanaki malie o le kau mativa o lee gato.

Pesalemo 94:16

Ko ai e tuu ake loa kiate au o taofi le kau agasala ? Ko ai e tokoi mai loa kiate au o taofi latou ala e fai ia le veli ?

Esaia 51:9

Ke ke alaala, ke ke alaala, ke ke kofu ki lou makeke, a koe ko le lima o le Eteleno ! Ke ke alaala ofaipe aso i mua, I tautupu afea ! Pe na leaise ko koe leia na tamate ia Esipito, Na sokai ia le talakone ?

Tetelonome 32:41

Kapau e kau fakakakai ke gigila laku seleta, Ti kapau e too e loku lima le faitotonu, E kau lagavaka loa ki oku fili, Ti e kau tautea loa latou ala e vesia kiate au.

Tetelonome 7:10

Kae fakatuaa loa e ia latou ala e vesia kiate ia, ti e tamate e ia latou ; e leaise toe fai fakatuvai e ia ki leia e vesia kiate ia : E tuku fakasako e ia kiate ia lona tua.

Uluaki tosi a Samuele 4:3

Na toe liliu loa le kakai ki le nofolaga solia, ti na pati loa le kau matua o Iselaele : Kolea na tuku ai e le Eteleno ke tamate tatou e le kau Filisitini i le aso leinei ? Tou ano o afa i Silo le aleka o le sai a le Eteleno o kau tau ; ke au a ia ki loto malie o tatou, ti ke saofaki e ia tatou i le lima o otou fili.