Numelo 10:33 - Tosi Tapu

³³ Na lotou mavae loa mei le mauga o le Eteleno, ti na lotou saele loa i aso e tolu : na muamua loa ia latou le aleka o le fakamaoki o le Eteleno, ti na fai loa e ia se saele i aso e tolu, o afa se ganea malolo kia latou.

Numelo 10:33 ပူးပေါင်းရင်းမြစ်များ

Pesalemo 95:11

Koia na kau fakapapau ai i loku ita : E leaise lotou ulu loa ki loku malolo !

Ekesote 19:3

Na pale loa Moisese ki le Atua : ti na kalaga loa le Eteleno kia Moisese mei aluga o le mauga, o pati : E ke masau feneeki loa ki le fale o Sakopo, ti e ke pati loa ki fanau a Iselaele :

Ekesote 3:1

Na fagai e Moisese le kau manu o lona tamana, le tagata faisakilifisio o Matiane ; ti na ave loa e ia le kau manu ki muli o le toafa, ti na kaku loa a ia ki le mauga o le Atua, i Olepe.

Esaia 11:10

I le aso lena, e nofo loa i ai le uli o Isaia Ofaipe se manumanu ki kakai fuli ; E afa loa a ia e atu puleaga, Ti e malolo loa a ia i le kololia.

Esaia 28:12

Na pati a ia kiate ia : Ko leinei le maloloaga, Kotou tuku ke malolo leia kua gaegae ; Ko leinei le ganea malolo ! Kae na leaise lotou fia fakalogo fua.

Esaia 66:1

Ko leinei le folafola a le Eteleno : Ko le lagi ko loku ekeekeaga fakasau, Ti ko le malama nei ko loku tekitekiaga vae. Ko le fale fea leia e feala ke kotou fakatuu mai loa kiate au, Ti ko le potu fea leia e kotou soli mai loa ke kau malolo ai ?

Selemia 3:16

Ka kotou liuliuga loa o lasi ti mo fanaunau loa i le fenua, I aso ana, e pati le Eteleno, E leaise toe masau loa ki le aleka o le sai a le Eteleno ; E leaise toe manatu loa se tasi ki ai. E leaise toe masau loa kiate ia ; E leaise toe mailoga loa lona puli, Ti e leaise toe fau loa se tasi ake aleka.

Selemia 31:2

E folafola le Eteleno, o pati : Na maua e ia le kalasia i le toafa, Le kakai o latou ala na sao i le seleta ; E saele Iselaele ki lona maloloaga.

Selemia 6:16

E folafola le Eteleno, o pati : Kotou tutuu i ala, o tio, Ti kotou vesili pe kofea a ala afea, Pe kofea le ala malie ; kotou saele i ai, Ti e kotou maua loa le malolo o okoutou laumalie ! Kae e lotou tali : E leaise motou saele loa i ai.

Esekiele 20:6

I le aso lena, na kau siki loku lima kia latou, o fakamavae latou i le fenua ko Esipito ki se fenua leia na kau aga o afa kia latou, fenua e tafe ai le sua manu mo le meli, fenua fulumalie kese i fenua fuli.

Numelo 10:12

Ti na mavae loa fanau a Iselaele i le toafa o Sinai, o mulimuli ki le fakatotonu leia kua fakatuutuu e le Eteleno ki lalatou fanoga. Na tuu loa le ao i le toafa o Palani.

Tetelonome 1:33

leia na ano i mua o koutou i le ala, o afa se ganea leia ke fakatuu ai okoutou falela ; i le pouli i se afi ke fakasa ia le ala leia e tonu ke kotou saele ai ; i le ao i se pou afu ke fakamalumalu ai koutou.

Tetelonome 31:26

Ke kotou too le tosi leinei o le lao, ti ke kotou tuku a ia ki tafa o le aleka o le sai o le Eteleno, lokoutou Atua ; e tuku loa a ia i ai ofaipe se fakamaoki kiate koe.

Tetelonome 9:9

I le aso lena na kau pale ai loa ki le mauga, o tali a laui fatu o le sai leia na fai e le Eteleno mo koutou. Na kau nofo loa i le mauga i aso e kau fa mo po e kau fa, ti na leaise kau kai fua se pane ti mo inu fua se vai ;

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,

Sosue 4:7

E kotou tali loa kia latou : Na tuuti lua a vai o le Solotane i mua o le aleka o le Eteleno ; i le temi leia na fakalaka ai le aleka i le Solotane, na mavaelua a vai o le Solotane, ti e tuu loa a fatu anei ofaipe tausi alofa ki fanau a Iselaele.

Tuifakamaau 20:27

Ti na afa loa e fanau a Iselaele ki le Eteleno, - na nofo loa le aleka o fakapapau a le Atua i le ganea lena,

Uluaki tosi a Samuele 4:3

Na toe liliu loa le kakai ki le nofolaga solia, ti na pati loa le kau matua o Iselaele : Kolea na tuku ai e le Eteleno ke tamate tatou e le kau Filisitini i le aso leinei ? Tou ano o afa i Silo le aleka o le sai a le Eteleno o kau tau ; ke au a ia ki loto malie o tatou, ti ke saofaki e ia tatou i le lima o otou fili.