Numelo 1:50 - Tosi Tapu

⁵⁰ Tuku loa ki le kau Levi ke tokaga ki le falela tapu, mo ona nea gaoi fuli, ti mo nea fuli ala e tuku i ai. E lotou amo loa le falela, ti mo ona nea gaoi fuli, ti e lotou fai ia loa lona tausi, ti e lotou nofo loa i ona tafatafa.

Numelo 1:50 ပူးပေါင်းရင်းမြစ်များ

Lua tosi o Koloniko 24:6

Na kalagai loa e le sau a Seosata, le tagata faisakilifisio lasi, o pati kiate ia : Kolea na leaise ke tokaga ai ke aumai e le kau Levi mei Suta mo Selusalemi le tukusau leia na fakatotonu e Moisese, tagata fakasausau a le Eteleno, ti na teki ki le fakatasiga a Iselaele o uiga mo le falela o le fakamaoki ?

Neemia 12:22

I le temi o Eliasipe, mo Sosata, mo Sokanane ti mo Satua, na tosi loa le kau Levi pule famili mo le kau tagata faisakilifisio i le sau o Taliusi, le tagata Pelesi.

Neemia 12:47

I le temi o Solopapele mo Neemia, na soli e Iselaele katoa a vaega o le kau sua mo le kau tuu matapa, i aso taki tasi ; ti na soli ki le kau Levi a nea taputapu, ti na soli e le kau Levi ki vosa o Alone a nea taputapu.

Neemia 12:8

Ko le kau Levi : ko Sosue, mo Pinui, mo Katemiele, mo Selepia, mo Suta, mo Matania, leia na takitaki ia mo ona fetaina a sua o le fakafetai ;

Neemia 13:22

Na kau fakatotonu foki ki le kau Levi ke lotou fakamea, ti ke lotou au o leoleo a matapa, o tupu ke fakatapui le aso o le sapato. Ei loku Atua, ke ke manatui au, o tupu ko le nea lena, ti ke puipui au o tupu ko lou manava alofa lasi !

Neemia 13:5

na soli ia kia Topisa se kogafale lasi, leia na tanaki ai a moliga i mua, mo le iseso, mo ipu, mo le vaega kau agafulu o le fulumeto, mo le vino, mo le lolo, io, le nea leia na fakatotonu ke soli ki le kau Levi, mo le kau sua, ti mo le kau tuu matapa, ti mo le nea leia na vaei ki le kau tagata faisakilifisio.

Pesalemo 122:4

Ko lena le ganea e pale ki ai a faasiga, a faasiga a le Eteleno, O mulimuli ki le lao o Iselaele, O fakafetai ki le suafa o le Eteleno.

Ekesote 31:18

I le oki o le masau a le Eteleno kia Moisese i le mauga o Sinai, na soli loa e ia kia Moisese a fatu e lua o le fakamaoki, ala na tosi e le lima o le Atua.

Ekesote 38:21

Ko leinei le lasi o nea ala na fakaaoga ki le tapenakulo, ki le tapenakulo tapu, o mulimuli ki le fakatotonu a Moisese, mo lona tanaki e le kau levita, i le takitaki a Itamale, vosa o le tagata faisakilifisio ko Alone.

Numelo 1:53

Kae e nofo loa le kau Levi o takatakai le falela tapu, o tupu ke aua na malaga loa loku sausau ki fanau a Iselaele. E tausi loa e le kau Levi le falela tapu.

Numelo 10:21

Na ano loa le kau Keati, o amo le sagatualio ; ti na fakatuu loa le tapenakulo o talitali ke lotou kaku ake.

Numelo 17:7

Na tuku loa e Moisese a tokotoko ki mua o le Eteleno, i le falela tapu o le fakamaoki.

Numelo 18:5

E kotou tokaga loa ki le tausi o le sagatualio mo le aletale, o tupu ke aua na toe vilo se sausau ki fanau a Iselaele.

Numelo 2:17

Ti oki a ia, ti e ano loa le falela tapu, o fakatasi mo le nofolaga o le kau Levi. E lotou saele loa i loto malie o kau tau e lua i mua ti mo kau tau e lua i muli. E lotou ano loa o mulimuli ki le nofo i le nofolaga, o tasi muli le tagata i le manumanu o lona faasiga.

Numelo 20:11

Ti na siki loa e Moisese lona lima, ti na taai tua lua loa e ia le utu ki lona tokotoko. Na sali loa se vai lasi. Na inu loa le kakai mo manu.

Numelo 4:15

Ka oki loa le kofu e Alone mo ona vosa o nea tapu mo nea gaoi fuli o le falela tapu, e ano loa a vosa o Keati, i le kamata o le fanoga, o amo latou ; kae e leaise tonu ke lotou lave loa ki se nea tapu, talie e lotou mamate loa. Ko lena le gaoi o vosa o Keati i le falela tapu.

Numelo 4:3

mei le fetuu kau tolu o fai ki le fetuu kau lima, latou fuli ala kua aoga ki le fai o se gaoi i le falela tapu.

Numelo 8:19

Kua kau soli le kau Levi fuli kia Alone mo ona vosa, mei loto malie o fanau a Iselaele, ke lotou fai le tausi a fanau o Iselaele i le falela tapu, ke lotou fai le fakamalie ki fanau a Iselaele, ti ke aua na soko loa se malaia ki fanau a Iselaele, o tupu na lotou fakafeofi ki le sagatualio.

Numelo 8:20

Na fai loa e Moisese, mo Alone, mo le kakai katoa o Iselaele, ki le kau Levi, a fakatotonu fuli ala na tuku e le Eteleno kia Moisese o uiga mo le kau Levi ; na fai fenaaki loa kia latou e fanau a Iselaele.

Numelo 8:22

I le oki o le nea lena, na ano loa le kau Levi o fai lalatou tausi i le falela tapu, i mua o Alone mo ona vosa, o mulimuli ki le nea leia na fakatotonu e le Eteleno kia Moisese o uiga mo le kau Levi.

Apokalipisi 15:5

Ti na sili a ia, na kau tio loa kua fakamavaa i le lagi le fale tapu leia e tuku ai le tapenakulo o le fakamaoki.