Numelo 1:46 - Tosi Tapu

⁴⁶ Ti na maua loa i le tosi o le kakai katoa o Iselaele : ko le tino lelau ono tupu tolu afe tino lelau lima tino lima (603 550).

Numelo 1:46 ပူးပေါင်းရင်းမြစ်များ

Senesi 12:2

E kau fakatupu loa iate koe se puleaga lasi, ti e kau tapuaki loa kiate koe ; e kau fakaliliu loa lou igoa o lasi, ti e ke liliu loa ko se matapuna o le tapuakina.

Senesi 13:16

E kau fakaliliu loa lou sakoga ke lasi ofaipe le efu o le kele, ti kapau e mafai e se tagata le lau o le efu o le kele, ti e lau loa lou sakoga.

Senesi 15:5

Ti na taki loa e ia Apalamo ki fafo, o pati kiate ia : Tio ki le lagi, ti ke lau a fetuu, mo kapau e ke ma lau ia latou. Ti na pati loa a ia kiate ia : E fenaaki loa lou sakoga.

Senesi 17:6

E kau liuliuga loa a koe o lasi, e kau fakatupu loa meiate koe ni puleaga ; ti e tupu loa ni sau meiate koe.

Senesi 22:17

E kau tapuaki loa kiate koe, ti e kau liuliuga loa lou sakoga ofaipe fetuu o le lagi mo le one o le mata tai ; ti e maua loa e lou sakoga le matapa o ona fili.

Senesi 26:3

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Senesi 28:14

E tatau loa lou sakoga mo le efu o le kele ; e ke mafolafola loa ki le potu uesite mo le potu esite, ki le potu noleto mo le potu saute ; ti e tapuakina loa a famili fuli o le malama nei iate koe mo lou sakoga.

Lua tosi a Samuele 24:9

Na tuku loa e Soape ki le sau le lasi o le kakai : Na maua loa i Iselaele ni kau tagata tau e tino lelau afe valu, na too seleta ; ti mo kau tagata e tino lelau afe lima i Suta.

Uluaki tosi o Sau 4:20

Na api ai a Suta mo Iselaele, o tatau mo le one leia i le mata tai. Na lotou kai, mo inu ti mo fakafiafia.

Uluaki tosi o Koloniko 21:5

Na tuku loa e Soape kia Tavite le tosi o le api o le kakai : na maua i Iselaele katoa ni tagata too seleta e miliona mo le tino lelau afe, ti mo tino lelau e fa mo le tino fitu afe i Suta.

Lua tosi o Koloniko 13:3

Na kamata loa e Apisa le tau mo se solia o ni kau tagata makeke ko tino lelau e fa ; ti na fakatalitali loa a ia e Selopoamo ki se kau tau makeke ko ni tagata toa e tino lelau afe e valu.

Ekesote 12:37

Na mavae loa fanau a Iselaele mei Lamisese ki Sukoti ; na fakaano lolatou api ki tino lelau afe e ono tagata saele, kae na leaise lau a toe.

Ekesote 38:26

Ko le totogi o le tagata e tasi ko kalami siliva e lima, leia ko le vaelua o le sikele e tasi, o mulimuli ki le sikele o le sagatualio, ki tagata fuli ala na kau i le tosi, mei le fetuu kau lua o ano ki aluga, ti na maua loa ko fa tagata e tino lelau ono tupu tolu afe tino lelau lima kau lima.

Numelo 1:45

Ko vosa fuli o Iselaele, o mulimuli ki tautagata, mo faasiga, mo famili, na tosi loa a igoa o tagata fuli, mei le fetuu kau lua o fai ki aluga, latou fuli ala kua aoga ki le solia,

Numelo 11:21

Na pati loa Moisese : Ko tino lelau afe e ono tagata, ko le api a ia o le kakai leia e fanoga mo au, kae ke pati : e kau soli loa se kanoi manu kia latou, ti e lotou kai loa a ia i se masina katoa !

Numelo 14:29

E kotou mamate loa i le toafa leinei. Ko koutou fuli ala na kau i le tosi kakai, ala kua fetuu kau lua o fai ki aluga, ti na lalau kiate au,

Numelo 2:32

Ko le api o le kau Iselaele ala na tosi, i faasiga mo kau tau, ko le tino lelau ono tupu tolu afe tino lelau lima tino lima tagata (603 550).

Numelo 23:10

Ko ai leia e mafai ke lau ia le efu o Sakopo, Ti ke fakasa ia le lasi o le vaega fa o Iselaele ? Ke kau mate i le mate o le kakai agatonu lena, Ti ke tatau loku fakaoki mo lolatou !

Numelo 26:51

Ko le api lena o fanau o Iselaele ala na maua loa i le tosi : ko tino lelau ono tupu tasi afe mo tino lelau fitu tino tolu (601 730).

Tetelonome 10:22

Na ifo ou tamana ki Esipito ko le tino fitu lolatou api. I le aso nei kua fakaliliu a koe e le Eteleno, lou Atua, o tatau mo fetuu o le lagi.