Numelo 1:19 - Tosi Tapu

¹⁹ Na tosi loa e Moisese olatou igoa i le toafa o Sinai, o mulimuli ki fakatotonu ala na tuku kiate ia e le Eteleno.

Numelo 1:19 ပူးပေါင်းရင်းမြစ်များ

Lua tosi o Koloniko 2:17

Na tae loa e Salomone a tagata matapule fuli ala na nonofo i le fenua o Iselaele, ti na kau i le lau o Iselaele e Tavite, lona tamana. Na maua loa ko le tino lelau tino lima tupu tolu afe mo tino lelau e ono.

Ekesote 40:16

Na fai loa e Moisese a nea fuli ala na fakatotonu ake e le Eteleno kiate ia, ti na fai loa a ia ki ai.

Ekesote 40:32

Ka lotou ulu loa ki le falela tapu, peka lotou fakafeofi loa ki le aletale, na lotou fakamea loa, o mulimuli ki le nea leia na fakatotonu e le Eteleno kia Moisese.

Numelo 1:2

Kotou tosi le kakai katoa o Iselaele, i faasiga, mo famili, o lau a igoa o tagata fuli.

Numelo 1:54

Na fai loa e fanau a Iselaele a fakatotonu fuli ala na tuku e le Eteleno kia Moisese.

Numelo 2:34

Na fai katoa e fanau a Iselaele o mulimuli ki le nea leia na fakatotonu e le Eteleno kia Moisese : na lotou nofo i tafa olatou manumanu, ti na lotou ano o mulimuli ki le fakatuutuu leia na tuku e le Eteleno, i faasiga mo famili.

Numelo 26:63

Ko le api lena o fanau fuli a Iselaele ala na tosi loa e Moisese mo le tagata faisakilifisio ko Eleasale i le fenua o Moape, i tafa o le Solotane, i mua o Seliko.

Numelo 3:51

Ti na tuku loa e ia le paaga lena kia Alone mo ona vosa, o mulimuli ki le fakatotonu leia kua tuku e le Eteleno.