Neemia 9:6 - Tosi Tapu

⁶ Ko koe Eteleno, ko koe toka tasi, leia na fau ia le lagi, le lagi o atu lagi, ti mo olatou kau tau fuli, mo le kele ti mo nea fuli i ai, mo atu tai ti mo nea fuli i ai. E ke soli le mauli ki nea fuli ana, ti e atolasio kiate koe le kau tau katoa o le atu lagi.

Neemia 9:6 ပူးပေါင်းရင်းမြစ်များ

Senesi 1:1

I le kamataaga, na fakatupu loa e le Atua le lagi mo le kele.

Senesi 1:9

Na pati loa le Atua : Ke tanaki a vai i lalo o le lagi ki se ganea e tasi, ti ke sa le kele malo. Ti na soko loa le nea lena.

Senesi 2:1

Ko le fakaoki a ia o le fakatupu o le lagi mo le kele, ti mo nea fuli ala na maua i ai.

Senesi 32:2

I lana tio kia latou, na pati loa Sakopo : Ko le kau tau a le Atua ! Ti na soli loa e ia ki le ganea lena le igoa ko Maanaimi.

Uluaki tosi o Sau 22:19

Ti na pati loa Mikea : Fakalogo mai la ki le folafola a le Eteleno ! Na kau tio ki le Eteleno kua ekeeke i lona ekeekeaga fakasau, ti kua tutuu le kau tau katoa o le lagi i ona tafa, i lona fetuu atamai mo lona fetuu sema.

Uluaki tosi o Sau 8:27

Kaea koia ! Pe nofo maoki loa le Atua i le malama nei ? Ko leinei, e leaise ke o fua i le lagi mo le atu lagi ! Ti e feaki ake loa le fale leinei kua kau fakatuu kiate koe ?

Lua tosi o Sau 19:15

ti na fai loa e ia le kole leinei kiate ia : Eteleno, Atua o Iselaele, leia e ekeeke i aluga o selupino ! Ko le Atua a koe e tasi i puleaga fuli o le kele, ko koe leia na fai ia le lagi mo le kele.

Lua tosi o Sau 19:19

I le lakaga nei, Eteleno, lomatou Atua ! saofaki matou mei le lima o Sanekelipe, ti ke iloa e puleaga fuli o le kele, ko koe toka tasi ko le Atua, ei Eteleno !

Neemia 9:5

Ko le kau Levi ko Sosue, mo Katemiele, mo Pani, mo Asapenia, mo Selepia, mo Otisa, mo Sepania, mo Petasa, na pati loa : Kotou tutuu ki aluga ti kotou fakafetai ki le Eteleno, lokoutou Atua, o lee gato ! Ke fakafetai ki lou suafa fakakololia, leia e taualuga i tapuakina fuli mo fakafetai fuli !

Pesalemo 102:25

E kau pati : Loku Atua, aua na ke too au i le lotolotoga o oku aso, A koe leia e lee gato ou fetuu !

Pesalemo 103:21

Kotou fakafetai ki le Eteleno, koutou fuli ko ana kau tau, Ala ko ana tagata fakasausau, ti e fai ia lona finegalo !

Pesalemo 115:15

Ke tapuaki koutou e le Eteleno, Leia na fakatupu ia le lagi mo le kele !

Pesalemo 124:8

E maua lomatou tokoi i le suafa o le Eteleno, Leia na fai ia le lagi mo le kele.

Pesalemo 146:6

Na fai e ia le lagi mo le kele, Le tai mo nea fuli e maua i ai. E taupau e ia lona agatonu o lee gato.

Pesalemo 24:10

Ko ai le sau lena o le kololia ? Ko le Eteleno o kau tau : Ko lena le sau o le kololia ! - Manava.

Pesalemo 33:6

Na fakatupu le atu lagi e le folafola a le Eteleno, Ti mo lona fuatau katoa e le tukumanava o lona gutu.

Pesalemo 36:6

Eteleno ! E kaku lou agamalie ki le atu lagi, Lou agatonu ki atu ao.

Pesalemo 86:10

Talie e ke lasi, ti e ke fai ni nea fakatalatupua ; Ko koe toka tasi, e ke Atua.

Esaia 37:16

Eteleno o kau tau, Atua o Iselaele, a koe leia e ekeeke i aluga o Selupino ! Ko koe toka tasi e Atua i puleaga fuli o le malama nei, ko koe leia na fakatupu ia le lagi mo le kele.

Esaia 37:20

I le aso nei, Eteleno lomatou Atua, saofaki matou mei le lima o Sanekelipe, o tupu ke iloa e puleaga fuli o le malama nei ko koe toka tasi ko le Eteleno !

Esaia 43:10

Ko koutou ko aku tagata fakamaoki, e pati le Eteleno, Koutou mo laku tagata fakasausau leia na kau filifili, O tupu ke kotou iloa a ia, Ke kotou tui mai kiate au, ti ke kotou matala ko au : I oku mua na leaise fau se Atua, Ti i oku muli, e leaise toe maua loa se Atua.

Esaia 44:6

Ko leinei le folafola a le Eteleno, le sau o Iselaele ko lona fakamauli, Le Eteleno o kau tau : Ko au ko le uluaki ti ko au ko le fakamulimuli, Ti e leaise tasi ake Atua iate au.

Esaia 44:8

Aua na kotou i, ti aua na kotou lulu ; Pe na leaise kau fakasa atu a nea fuli ana talu mei mamao kiate koe ? Ko aku tagata fakamaoki koutou : Pe i ai se tasi ake Atua iate au ? E leaise tasi ake a utu, e leaise kau iloa se tasi ake.

Esaia 45:12

Ko au leia na fai ia le kele, Ti na fakatupu ia le tagata leia e mauli i ai. Ko au, ti ko oku lima ala na folasi ia a atu lagi, Ti ko au foki leia na fakatuutuu ia lona kau tau.

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Esekiele 20:11

Ti na kau soli loa kia latou aku lao ti na kau fakasasa loa kia latou aku fakatotonu, ala e tonu ke fai e le tagata, o tupu ke mauli ai.

Sonasi 1:9

Na tali loa a ia kia latou : Ko se Epeleo au, ti e kau i ki le Eteleno, le Atua o le atu lagi, leia na fakatupu ia le tai mo le kele.

Soane 10:30

Ko au mo le Tamana e ma toka tasi.

Gaoi 4:24

I lalatou logo ki le fakamatala lena, na lotou siki ake loa ki le Atua olatou leo, e latou fuli fakatasi, o pati : Aliki, ko koe leia na fakatupu ia le lagi, mo le kele, mo le tai, mo nea fuli ala e maua i ai,

Tetelonome 10:14

Ko leinei e pule le Eteleno, lou Atua, ki le lagi, mo atu lagi, mo le kele mo nea fuli ala e maua i ai.

Tetelonome 32:39

Koia ke kotou iloa ko au leia e Atua, Ti e leaise tasi ake Atua i oku tafa. Ko au leia e fakamauli ia ti e fakamate ia. Ko au leia e fai ia le lavea ti e faitoo ia a ia, Ti e leaise tasi leia e saofaki ia mei oku lima.

Tetelonome 6:4

Ke ke fakalogo, Iselaele ! Ko le Eteleno, lotatou Atua, ko le Eteleno a ia e tasi.

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Epelo 1:6

Ti i lana fakaulu le uluaki tupu ki le malama nei, na toe pati a ia : Ke atolasio kiate ia a aselo fuli o le Atua

Apokalipisi 14:7

Ti na pati loa a ia o leo lasi : Kotou i ki le Atua, ti kotou tuku kiate ia le kololia, talie kua soko le ola o lana fakamaau, ti kotou su ki leia na fakatupu ia le lagi, mo le kele, mo le tai, ti mo matapuna vai fuli.

Apokalipisi 4:11

E gali mo koe, ei lomatou Aliki mo lomatou Atua, ke ke maua le kololia, mo le fakamauiga, ti mo le mafimafi ; talie na ke fakatupu ia a nea fuli, ti ko lou finegalo leia e lotou maua ai ti e lotou mauli ai.