Neemia 9:38 - Tosi Tapu

³⁸ O tupu ko nea fuli ana, e motou fai loa se sai ke tuu mau mo fakamaoki i se tosi ; ti na fakamaoki loa a ia e omatou pule, mo omatou Levi ti mo omatou tagata faisakilifisio.

Neemia 9:38 ပူးပေါင်းရင်းမြစ်များ

Lua tosi o Sau 23:3

Na tuu le sau i le ganea taualuga, ti na fai loa e ia se sai i mua o le Eteleno, ke mulimuli i le Eteleno, ke tausi ki ana fakatotonu mo ana pelesepeto mo ana lao i lona loto katoa mo lona laumalie katoa, ke fai a folafola fuli o le sai lena, ala kua tosi i le tosi lena. Ti na fakamaoki loa le kakai katoa ki le sai.

Lua tosi o Koloniko 23:16

Na fai loa e Seosata, mo le kakai katoa, ti mo le sau, se sai, o tupu ko le kakai latou a le Eteleno.

Lua tosi o Koloniko 29:10

Koia kua kau manatu ai ke fai se sai mo le Eteleno, o tupu ke maliu ai lona sausau lasi ia tatou.

Lua tosi o Koloniko 34:31

Na tuu loa le sau i lona tuuaga ti na fai loa e ia se sai i mua o le Eteleno, o fakapapau a ia ke mulimuli i le Eteleno ti mo tausi ana fakatotonu, mo ana pelesepeto, mo ana lao, i lona loto katoa mo lona laumalie katoa, o tupu ke fai ai a folafola o le sai, ala e tuu i le tosi.

Esetalasi 10:3

Ke tou fai i le aso nei se sai mo lotatou Atua ke kakau a fafine pagani fuli mo alatou fanau, o mulimuli ki le manatu a loku aliki mo latou fuli ala e lulu i mua o folafola a lotatou Atua. Ti ke fai o mulimuli ki le lao.

Neemia 10:1

Ko nei latou ala na fakamaoki ia le tosi : Ko Neemia, le kovana, vosa o Akalia.

Neemia 10:29

na lotou fakatasi loa ki olatou fetaina ala na mauiga ake ia latou. Na lotou fakapapau loa ke saele i le lao a le Atua, leia na tuku mai e Moisese, le tagata fakasausau a le Atua, ke lotou tausi mo fai a folafola fuli a le Eteleno, lomatou Aliki, mo ana fakatotonu, mo ana lao.

Esaia 44:5

E pati loa le tasi : Ko au a le Eteleno ; E loto loa le tasi ki le igoa o Sakopo ; E tosi loa e le tasi ake ki lona lima : ki le Eteleno ! Ti e puaki loa e ia i le alofa le igoa o Iselaele.

Mateo 27:66

Na lotou ano loa, o leo le tanuma : na lotou fakamaumau loa ki le sima le fatu tapono o le tanuma, ti na lotou fakanofo loa i mua le kau solia ke leo ia a ia.