Neemia 9:37 - Tosi Tapu

³⁷ Kua liuliuga e le kele ona fua ki sau ala na ke tuku ke motou popula ki ai, o tupu ko amatou agasala ; kua lotou pule faitalisa kia matou mo amatou kau manu, ti kua motou nonofo i se mamae lasi !

Neemia 9:37 ပူးပေါင်းရင်းမြစ်များ

Esetalasi 4:13

Ke iloa e le sau, kapau e toe laga le kolo leinei, ti kapau e toe fakatuu ona paa fatu, e leaise lotou toe totogi loa se tua, pe ko se tukusau, pe ko se tute, ti e mativa loa i ai le fale koloa o le sau.

Esetalasi 6:8

Ko leinei le fakatotonu leia e kau tuku o uiga mo le nea leia e tonu ke kotou fai ki le kau matua lena o le kau Sutea o uiga mo le fakatuu o le fale lena o le Atua : E kotou too loa le paaga ki le gaoi i le koloa o le sau, leia e maua mei tukusau i le fetuu lena o le vaitafe, o tuku tonu ki lima o tagata ana, o tupu ke aua na toe tuu le gaoi.

Esetalasi 7:24

E motou fakasa atu kia koutou e leaise feala loa ke too ni totogi, pe ko ni tukusau, pe ko ni fatogia i le kau faisakilifisio, mo le kau Levi, mo le kau sua, mo ko le kau tuu matapa, mo le kau Netinia, ti mo le kau fakasausau o le fale lena o le Atua.

Neemia 5:8

ti na kau pati loa kia latou : Na tou totogi o mulimuli ki le nea leia na tou mafai otou fetaina, le kau Sutea, ala na popula ki atu puleaga, ti e kotou toe fakatau loa, e koutou totonu, okoutou fetaina, ti e kotou fakatau latou kia tatou ! Na lotou fakalologo loa, talie na leaise lotou maua loa se tali.

Tagi laulau a Selemia 5:5

Kua taomi omatou ua e le amoga a le kau fakataga, Kua motou pakia i le gaoi, e leaise motou maua se temi malolo.

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Soane 8:33

Na lotou tali loa kiate ia : Ko le sakoga matou o Apalaamo, ti na leaise motou popula ki se tasi i se aso ; e feaki e ke pati ai : E kotou liliu loa o lauatea ?

Tetelonome 28:33

Ko se kakai leia e leaise ke iloa e kai ia loa a fua o lou kele mo le fua o lau gaoi katoa, ti e ke mauli popula loa ti mo taomia loa i aso fuli.

Tetelonome 28:39

E ke to loa ni faisaga vite, ti e ke tausi loa latou, kae e leaise ke inu loa se vino, ti e leaise ke tau loa se fuai vite, talie e kai loa a ia e le unufe.

Tetelonome 28:48

e ke liliu loa o tausi ki ou fili ala e kakau mai loa e le Eteleno kiate koe : E ke pakupaku loa, mo fia inu loa, mo telefua loa, mo fakaaloalofa loa i nea fuli. E teki loa e le Eteleno se ukamea ki ou tuauma o kaku ki lou maumaui.

Tetelonome 28:51

E kai loa e ia le fua o lau kau ovi mo le fua o lou kele o kaku ki lou maumaui ; e leaise tuku atu loa e ia kiate koe se fulumeto, pe ko se vino foou, pe ko se lolo, pe ko se uviki pipi, pe ko se uviki ovi, pe ko se uviki koti, o kaku ki lana maumaui a koe.