Neemia 9:35 - Tosi Tapu

³⁵ I le temi na lotou pule ai ki nea malilie ala na ke soli kia latou, i le fenua lau lasi mo kele malilie ala na ke soli kia latou, na leaise lotou tausi kiate koe, ti na leaise lotou tafoki mei alatou gaoi veveli.

Neemia 9:35 ပူးပေါင်းရင်းမြစ်များ

Neemia 9:25

Na lotou pule loa ki ni kolo tau ti mo ni fenua malilie ; na lotou maua loa ni fale kua apele i nea malilie kesekese, mo ni sosoni kua oki i le kenu, mo ni faisaga vite, mo ni faisaga oliveto, mo ni faisaga laakau fua, o lasi ai ; ti na lotou kakai loa o makokona, ti na lotou pepeti loa, ti na lotou fiafia loa, o tupu ko lou agamalie.

Neemia 9:34

Ko omatou sau, mo omatou pule, mo omatou tagata faisakilifisio, ti mo omatou tamana na leaise lotou taupau ia lau lao, ti na leaise lotou fakalogo ki au folafola, ti mo fakatokaga ala na ke fai kia latou.

Esaia 63:7

E kau fakasa loa a kalasia o le Eteleno, a fakavikiviki o le Eteleno, O mulimuli ki nea fuli ala na fai e le Eteleno kia matou ; E kau fakasa loa lona agamalie lasi ki le fale o Iselaele, Leia na fai e ia o mulimuli ki lona manava alofa lasi ti mo le mou koloa o lona alofa.

Selemia 5:19

Kapau e kotou pati loa i le aso lena : Kolea e fai ai e le Eteleno, lomatou Atua, a nea fuli anei kia matou ? E ke tali loa kia latou : Talie na kotou tiaki au, Ti na kotou tausi ki ni atua matapule i lokoutou fenua, Koia e kotou popula loa ki ni matapule i se fenua leia e leaise ko lokoutou fenua.

Esekiele 5:6

Kua maumaui e ia aku lao mo aku fakatotonu, ti kua agasala a ia o lasi ake i atu puleaga mo fenua i ona takatakai ; talie kua tiaki e ia aku lao, ti na leaise mulimuli a ia ki aku fakatotonu.

Tetelonome 28:47

O tupu na leaise ke tausi ki le Eteleno, lou Atua, i le loto fiafia mo le loto alofa, i le temi leia na ke maua lasi ai a nea fuli ana,

Tetelonome 28:48

e ke liliu loa o tausi ki ou fili ala e kakau mai loa e le Eteleno kiate koe : E ke pakupaku loa, mo fia inu loa, mo telefua loa, mo fakaaloalofa loa i nea fuli. E teki loa e le Eteleno se ukamea ki ou tuauma o kaku ki lou maumaui.

Tetelonome 31:21

I le aso loa lena ka soko loa kiate ia ni malaia lasi mo ni mamae veli, e fakasa loa e le katiko lena ki le kakai leinei lona agaveli ofaipe se fakamaoki, talie e leaise toe galo loa a ia i le gutu o lona sakoga. E kau iloa a loto o le kakai leinei, ala foki kua kamata sa i le aso nei, kae e leikiaise kau fakaulu a ia ki le fenua leia na kau fakapapau ke soli kiate ia.