Neemia 9:33 - Tosi Tapu

³³ Na ke faitotonu i nea fuli ala na soko kia matou, talie na ke agatonu kae na motou fai le nea leia e veli.

Neemia 9:33 ပူးပေါင်းရင်းမြစ်များ

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Esetalasi 9:15

Eteleno, Atua o Iselaele, e ke faitotonu, talie koi mauli ni iki o matou i le aso nei. Ko nei matou i ou mua ko ni tagata agasala, kae na leaise tonu ke motou tutuu i ou mua.

Neemia 9:34

Ko omatou sau, mo omatou pule, mo omatou tagata faisakilifisio, ti mo omatou tamana na leaise lotou taupau ia lau lao, ti na leaise lotou fakalogo ki au folafola, ti mo fakatokaga ala na ke fai kia latou.

Neemia 9:8

Na ke iloa loa lona loto na faitotonu i ou mua, na ke fai loa se sai mo ia, ti na ke fakapapau loa ke soli ki lona sakoga le fenua o le kau Kanaane, mo le kau Eti, mo le kau Amole, mo le kau Felesi, mo le kau Sepusi ti mo le kau Kilekasi, ti na ke taupau lau fakapapau, talie e ke faitotonu.

Sopo 33:27

E sua loa a ia o fakasa ki tagata fuli : Na kau agasala, na kau maumaui le lao, kae na leaise fakatua au o mulimuli ki laku agaveli ;

Sopo 34:23

E leaise aoga ki le Atua ke tuku logo ki le tagata mo ka kua loto a ia ke nake a ia ki lona fakamaauaga ;

Pesalemo 106:6

Na motou agasala ofaipe omatou tamana, Na motou fai le agaveli, ti na motou fai le veli.

Pesalemo 119:137

E ke faitotonu, ei Eteleno ! Ti e maoki au fakamaauaga.

Pesalemo 145:17

E faitotonu le Eteleno i ona ala fuli, Ti e manava alofa a ia i ana gaoi fuli.

Ekesote 32:31

Na toe liliu loa Moisese ki le Eteleno, o pati : Kua fai e le kakai leinei se agasala lasi. Na lotou fai se atua aulo kia latou.

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Selemia 44:3

O tupu ko le agaveli leia na lotou fai ke tupu ai loku sausau, o lotou ano o momoli le iseso ti mo tausi ki ni atua kese ala na leaise lotou iloa, e koutou, mo okoutou tamana.

Tagi laulau a Selemia 1:18

E faitotonu le Eteleno, Talie na kau agatuu ki ana fakatotonu. Kotou fakalogo mai, koutou fuli, atu kakai, ti kotou tio ki loku mamae ! Kua ano ki le popula oku taineliki taupoou mo oku tama tupulaga.

Esekiele 11:12

Ti e kotou iloa loa ko au ko le Eteleno, Leia na leaise kotou fakalogo ki ana fakatotonu Pe na fai ia ana lao ; Kae na kotou mulimuli ki lao o puleaga ala e takatakai ia koutou.