Neemia 9:30 - Tosi Tapu

³⁰ Na ke kataki kia latou i ni fetuu mauke, ti na ke fakatokaga kia latou ki lou Laumalie, i lau kau polofeta ; kae na leaise tokaga fua olatou taliga. Koia na ke tuku ai loa latou ki lima o ni kakai matapule.

Neemia 9:30 ပူးပေါင်းရင်းမြစ်များ

Lua tosi o Sau 18:11

Na ave fakapopula loa e le sau o Asilia a Iselaele ki Asilia, ti na fakanonofo loa e ia latou i Salaki, i le fenua o Kosani leia e tafe ai le liua ko Sapole, i kolo o le kau Mete,

Lua tosi o Sau 21:10

Koia na masau ai loa le Eteleno i ana tagata fakasausau le kau polofeta, o pati :

Lua tosi o Koloniko 24:19

Na kakau loa e le Eteleno kia latou ni polofeta ke toe aumai latou kiate ia, kae na leaise lotou fakalogo loa ki valoki ala na lotou fai kia latou.

Esetalasi 9:10

I le lakaga nei, kolea loa lamatou pati i le oki o nea ana, ei lomatou Atua ? Talie kua motou tiaki au fakatotonu,

Neemia 9:20

Na ke soli loa kia latou lou Laumalie ke lotou liliu o fakalogo, ti na leaise ke too loa lau mana mei olatou gutu, ti na ke soli loa se vai ki lolatou fia inu.

Neemia 9:26

Kae na lotou malaga loa kiate koe. Na lotou tiaki loa lau lao ki muli, ti na lotou tamate loa lau kau polofeta leia na kolekole kia latou ke toe liliu mai kiate koe, ti na lotou fai loa kiate koe ni nea veveli.

Neemia 9:29

Na ke kolekole loa ke lotou toe liliu mai ki lau lao ; kae na lotou soko atu lolatou fia nealasi, na leaise lotou fakalogo loa ki au folafola, kae na lotou agasala loa ki au fakatotonu ala e fakamauli ia latou ala e taupau ia latou, ti na lotou agatuu loa, ti na leaise lotou fia fakalogo ki lau pule, kae na lotou fakafefeka olatou ua ti na leaise lotou fakalogo loa.

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Pesalemo 95:10

I le lolotoga o fetuu e kau fa na kau vesia loa ki le lanu lena, Ti na kau pati loa : Ko se kakai leia kua sese lona loto, E leaise lotou iloa oku ala.

Esaia 28:10

Talie kua tuku se pelesepeto ki se pelesepeto, se pelesepeto ki se pelesepeto ; Se lekula ki se lekula, se lekula ki se lekula ; Se nea noa i leinei, se nea noa i leia.

Esaia 42:24

Ko ai na tuku ia Sakopo ke kaia, Ti na tuku ia Iselaele ki le kau kaia ? Pe leaise ko le Eteleno ? Na motou agasala kiate ia. Na leaise lotou fia saele i ona ala, Ti na leaise lotou fia fakalogo ki lana lao.

Esaia 48:9

Kae o tupu ko loku suafa, e kau taofi loku sausau kiate koe ; O tupu ko loku kololia, e kau taofi loku lima kiate koe, Ke aua na kau tuuti a koe.

Esaia 63:10

Kae na lotou agatuu kiate ia, na lotou fakamamae lona Laumalie maokioki ; Koia na liliu ai loa a ia ko lolatou fili, ti na tau loa a ia kia latou.

Selemia 25:4

Na kakau mai e le Eteleno kia koutou ana tagata fakasausau fuli, le kau polofeta, ti na kakau mai e ia latou kia koutou koi usu, kae na leaise kotou fakalogo, ti na leaise tokaga okoutou taliga.

Selemia 44:22

Na leaise mafai loa e le Eteleno ke toe kataki atu a ia, o tupu ko le agaveli o akoutou gaoi, o tupu ko nea fakalialia ala kua kotou fai ; ti kua liliu lokoutou fenua ko se fenua maumau, ko se toafa, ko se nea fakatupu malaia, ofaipe le nea leia kua kotou tio ki ai i le aso nei.

Selemia 44:4

Na kau kakau atu kia koutou aku tagata fakasausau, le kau polofeta, na kau kakau atu latou koi usu, ke pati kia koutou : Aua na kotou fai a nea fakalialia ana, ala e kau vesia ki ai.

Selemia 44:5

Kae na leaise lotou fakalogo, na leaise tokaga olatou taliga, na leaise lotou tafoki mei alatou agaveli, ti na leaise gato lalatou momoli le iseso ki ni iki ake atua kese.

Selemia 7:25

Talu mei le aso leia na mavae ai okoutou tamana i le fenua o Esipito, O kaku mai ki le aso leinei, Na kau kakau atu kia koutou aku tagata fakasausau fuli, le kau polofeta, Na kau kakau atu latou kia koutou i aso fuli, mei le usu.

Tagi laulau a Selemia 2:17

Kua fai e le Eteleno le nea leia na fakatuutuu e ia, Kua fakasoko e ia le folafola leia na fakatuutuu e ia talu mei fualoa, Kua maumaui e ia sala alofa ; Kua fakaliliu e ia a koe ko le fiafiaaga o le fili, Kua lagai e ia le makeke o latou ala e fakamamae ia a koe.

Taniela 9:6

Na leaise motou fakalogo ki au tagata fakasausau, le kau polofeta, ala na masau i lou suafa ki omatou sau, mo omatou pule, mo omatou tamana, ti mo le kakai katoa o le fenua.

Sakalia 7:12

Na lotou fakafefeka olatou loto ofaipe se fa taimane, ke aua na lotou fakalogo ki le lao mo folafola ala na fakasa kia latou e le Eteleno o kau tau i lona Laumalie i ana kau polofeta mua. Koia na ula ai le sausau lasi o le Eteleno.

Sakalia 7:13

Ka kalaga loa le Eteleno, na leaise lotou fakalogo : Koia e pati ai le Eteleno : na leaise kau fakalogo kia latou mo ka lotou kalaga mai kiate au.

Numelo 11:26

Na i ai loa ni tagata e toka lua, ko Elitati mo Metati, ala na nofo i le nofolaga talie na leaise la ano ki le falela tapu ; ti na ifo loa le laumalie kia laua, talie na la kau ia latou ala kua tosi, ti na la masau loa ofaipe le kau polofeta i loto malie o le nofolaga.

Gaoi 13:18

Ti na fagai loa e ia latou i fetuu e kau fa i le toafa ;

Gaoi 28:25

I lolatou mavete i le loto kesekese, na fai loa e paulo le masau leinei e tasi : E maoki ai le masau a le Laumalie Maokioki ki otatou tamana i le gutu o le polofeta ko Esaia, o pati :

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.

Loma 2:4

Pe ke fakanoai loa a koloa o lona agamalie, mo lona kataki fualoa ti mo lona manavaalofa faifualoa, o leaise ke iloa e ekenaki a koe e le agamalie o le Atua ki le fakasemala ?

Uluaki tosi a Petelo 1:11

Na lotou fia iloa le lakaga mo agaaga o le temi lena na masau ki ai le Laumalie o Kilisito leia na nofo ia latou, ti na fakasa fakatomua ia a mamae o Kilisito ti mo le kololia leia e muli loa i ia.

Lua tosi a Petelo 1:21

talie na leaise folafola fua e tasi na tuku mei se finegalo o le tagata, kae na ekenaki e le Laumalie maokioki ni tagata ke lotou masau mei le Atua.

Lua tosi a Petelo 3:9

E leaise tuvai le Aliki i le fakasoko o lana fakapapau, ofaipe le lau a ni iki ; kae e kataki fualoa a ia kia koutou, talie e leaise loto a ia ke mate se tasi, kae ke kotou kaku fuli ki le fakasemala.