Neemia 9:25 - Tosi Tapu

²⁵ Na lotou pule loa ki ni kolo tau ti mo ni fenua malilie ; na lotou maua loa ni fale kua apele i nea malilie kesekese, mo ni sosoni kua oki i le kenu, mo ni faisaga vite, mo ni faisaga oliveto, mo ni faisaga laakau fua, o lasi ai ; ti na lotou kakai loa o makokona, ti na lotou pepeti loa, ti na lotou fiafia loa, o tupu ko lou agamalie.

Neemia 9:25 ပူးပေါင်းရင်းမြစ်များ

Uluaki tosi o Sau 14:9

Kua lasi ake le veli leia kua ke fai ia latou ala na muamua iate koe, kua ke ano o fai kiate koe ni iki ake atua mo ni fakatata ki le ukamea na saka, ke fakatupu ai loku ita, ti kua ke tiaki au ki lou tua !

Uluaki tosi o Sau 8:66

I le valu o aso, na kakau loa e Salomone le kakai ; ti na lotou tapuaki loa ki le sau, ti na lotou tasi ano loa ki lona falela i le loto nekenekea mo le loto fiafia o tupu ko nea malilie fuli ala kua fai e le Eteleno kia Tavite, lana tagata fakasausau, ti mo Iselaele, lona kakai.

Neemia 9:35

I le temi na lotou pule ai ki nea malilie ala na ke soli kia latou, i le fenua lau lasi mo kele malilie ala na ke soli kia latou, na leaise lotou tausi kiate koe, ti na leaise lotou tafoki mei alatou gaoi veveli.

Pesalemo 105:44

Na soli loa e ia kia latou a kele o atu puleaga Ti na lotou maua loa a fua o gaoi a atu kakai,

Pesalemo 65:11

E ke fakavai a faisaga, e ke fakamaluu le kele, E ke fakasusu a ia ki ni ua, e ke fakasomo le pulapula.

Taagapati 30:9

Talie na kau makona, ti kau fakafiti kiate koe, O kau pati : Ko ai le Eteleno ? Ti na kau mativa, ti kau kaia, O kau takua noa ki le suafa o loku Atua.

Esaia 6:10

Ke ke fakaliliu le loto o le kakai leinei ke logo noa ; Ke ke fakatulituli ona taliga, ti mo tapono ona mata, Talie ke aua na tio loa ona mata, mo logo loa ona taliga, Mo matala loa lona loto, Mo tafoki loa, ti ke kau fakamauli loa a ia.

Esaia 63:7

E kau fakasa loa a kalasia o le Eteleno, a fakavikiviki o le Eteleno, O mulimuli ki nea fuli ala na fai e le Eteleno kia matou ; E kau fakasa loa lona agamalie lasi ki le fale o Iselaele, Leia na fai e ia o mulimuli ki lona manava alofa lasi ti mo le mou koloa o lona alofa.

Selemia 2:7

Na kau aumai koutou ki se fenua e faipe se faisaga laakau fua, Ke kotou kai a fua o laakau ti mo fua malilie o le kele. Kae na kotou au, ti na kotou fakakelekele loku fenua, Ti na kotou fakaliliu loku tofiga ko se nea fakalialia.

Selemia 31:14

E kau fakamakona loa ki le gako le laumalie o le kau faisakilifisio, Ti e makona loa loku kakai i aku nea malilie, e pati le Eteleno.

Selemia 32:23

Na lotou au, ti na lotou maua a ia. Kae na leaise lotou fakalogo ki lou leo, Na leaise lotou taupau lau lao, Na leaise lotou fai a nea fuli ala na ke fakatotonu kia latou ke fai. Koia na ke fakasoko ai kia latou a malaia fuli anei !

Esekiele 20:6

I le aso lena, na kau siki loku lima kia latou, o fakamavae latou i le fenua ko Esipito ki se fenua leia na kau aga o afa kia latou, fenua e tafe ai le sua manu mo le meli, fenua fulumalie kese i fenua fuli.

Taniela 11:24

E ulu loa a ia i le tokamalie ki fenua malilie o le puleaga, ti e fai loa e ia le nea leia na leaise fai e ona tamana, pe ko ona tupuna ; e tufa loa e ia le koloa o le tau ki lana kakai. E fai loa e ia ni fakatuutuu ki kolo tau ; ti e fai loa e ia a nea fuli ana i se ga temi noa.

Oseo 13:6

Na lotou kai makona i ni faisaga sesega ; Na lotou kai makona, ti na makita loa olatou loto i le fia nealasi ; Koia na lotou galoi ai au.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Loma 2:4

Pe ke fakanoai loa a koloa o lona agamalie, mo lona kataki fualoa ti mo lona manavaalofa faifualoa, o leaise ke iloa e ekenaki a koe e le agamalie o le Atua ki le fakasemala ?

Tetelonome 3:5

Ko kolo ana na fakamakeke, ti na takatakai e ni kaua taualuga, ti na tapono ki ni matapa lokai. Na i ai foki ni kolo ala na leaise a, ti na lotou lasi ai.

Tetelonome 32:13

Na ave e ia a ia ki potu taualuga o le fenua, Ti na kai e Iselaele a fua o faisaga ; Na fakasali e ia kiate ia le meli o le utu, Mo le lolo leia e sali mei le utu fefeka,

Tetelonome 32:14

Mo le sua u o pipi fafine mo ovi fafine, Mo le gako o akeno, Mo ovi tagata o Pasani, mo koti tagata, Mo le fulumeto malie ; Ti na ke inu ia le toto o le vite, le vino.

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.