Neemia 9:17 - Tosi Tapu

¹⁷ ti na lotou patigataa loa, ti na lotou galoi loa a nea malilie ala na ke fai kia latou. Na lotou fakafefeka loa olatou loto ; i lolatou fakatutuu, na lotou filifili loa se pule kia latou, ke lotou toe liliu ki le popula. Kae ko koe ko se Atua leia e loto fakamolemole, mo manava alofa, leia e leaise ita vave, ti e mou koloa i le agamalie, o leaise ke tiaki loa latou,

Neemia 9:17 ပူးပေါင်းရင်းမြစ်များ

Uluaki tosi o Sau 6:13

e kau nofo loa i loto malie o fanau a Iselaele, ti e leaise kau tiaki loa loku kakai ko Iselaele.

Uluaki tosi o Sau 8:57

Ke agai mo tatou le Eteleno, lotatou Atua, ofaipe lana nofo mo otatou tamana ; ke aua na tuku noa e ia tatou mo tiaki e ia tatou,

Lua tosi o Koloniko 36:13

Na agatuu foki a ia ki le sau ko Nepukatenesale, leia na fakamaua ia a ia ke fakapapau i le suafa o le Atua ; ti na fakafefeka loa e ia lona ua mo lona loto, o leaise toe liliu a ia ki le Eteleno, le Atua o Iselaele.

Esetalasi 9:9

Talie e motou popula, kae na leaise tiaki matou e le Atua i le lolotoga o lomatou popula. Kua fakaliliu e ia a sau o Pelesi ke alofa kia matou, o fakamauli matou, mo fakataga ke motou fakatuu le fale o lomatou Atua, o toe fakafoou ona potu kua maumau, ti mo tuku kia matou se malolo i Suta mo Selusalemi.

Neemia 9:31

Kae i lou manava alofa lasi, na leaise ke pulii latou, na leaise ke tiaki oki latou, talie ko koe ko se Atua agamalie mo manava alofa.

Pesalemo 106:13

Kae na lotou galoi vave loa ana gaoiaga, Na leaise lotou talitali loa ki le fakasoko o ana fakatuutuu.

Pesalemo 106:7

Na leaise tokaga loa omatou tamana i Esipito ki au milakulo, Na leaise lotou toe manatui loa le lasi o ou kalasia, Na lotou agatuu loa kiate koe o ofi ki le tai, o ofi ki le Tai Kula.

Pesalemo 130:4

Kae e maua le fakamolemole i ou tafa, O tupu ke i kiate koe.

Pesalemo 78:10

Na leaise lotou taupau loa le sai a le Atua, Ti na lotou fakafiti loa ke saele o mulimuli ki lana lao.

Pesalemo 78:11

Na lotou tuku loa ke galo a ana gaoi, Ana nea fulumalilie ala na fakatio e ia latou ki ai.

Pesalemo 78:38

Kae, i lona manava alofa, e fakamolemole e ia le agaveli, ti e leaise maumaui e ia. E tau taofi e ia lona sausau, ti e leaise tuku e ia ke vilo lona mamafa katoa.

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Ekesote 32:9

Ti na pati loa le Eteleno kia Moisese : E kau tio ko le kakai lena ko se kakai ua fefeka.

Taagapati 1:24

O tupu na kau kalaga atu kia koutou kae na leaise kotou tali mai ; O tupu na kau falo atu loku lima kae na leaise tokaga se tasi ki ai,

Selemia 18:15

Kae kua galoi au e loku kakai, e momoli e ia le iseso ki ni taulaatua. Kua taki a ia ke siga i ona ala, ke tiaki a ala afea, Kae ke mulimuli i ni ala gaoa, ala na leaise fakalauatea.

Selemia 19:15

E folafola le Eteleno o kau tau, le Atua o Iselaele, o pati : E kau aumai loa ki le kolo leinei mo kolo fuli ala e fakalogo ki ai, a malaia fuli ala na kau fakasa fakatomua, o tupu kua lotou fakafefeka olatou ua ke aua na lotou logo ki aku folafola.

Selemia 7:26

Kae na leaise lotou fakalogo mai kiate au, Na leaise fakatokaga mai olatou taliga ; Na lotou fakafefeka olatou ua, Na lotou fai le veli o fakalaka ake i olatou tamana.

Esekiele 5:6

Kua maumaui e ia aku lao mo aku fakatotonu, ti kua agasala a ia o lasi ake i atu puleaga mo fenua i ona takatakai ; talie kua tiaki e ia aku lao, ti na leaise mulimuli a ia ki aku fakatotonu.

Taniela 9:9

Kae i tafa o le Aliki, lomatou Atua, e maua ai le manava alofa mo le fakamolemole, talie na motou agatuu kiate ia.

Soele 2:13

Kotou sae okoutou loto kae aua okoutou kofu, Ti kotou toe liliu mai ki le Eteleno, lokoutou Atua ; Talie e agamalie a ia mo manava alofa, E kataki fualoa a ia mo apele i le agamalie, Ti e fakasemala a ia ki tautea ala e tuku e ia.

Levitiko 26:44

Kae, kapau e lotou nonofo loa i le fenua o olatou fili, e leaise kau tiaki oki loa latou, ti e leaise kau vesia oki loa kia latou o kaku ki laku fakapuli oki loa latou, o kaku ki laku tuuti oki loa laku sai kia latou ; talie ko au ko le Eteleno, ko lolatou Atua.

Naume 1:3

E kataki fualoa e le Eteleno lona sausau, e lasi a ia i lona makeke ; E leaise tuku e ia leia e agasala sala tautea. E saele le Eteleno i le afa, mo le asesio ; Ko ao ko efu o ona vae.

Numelo 14:11

Ti na pati loa le Eteleno kia Moisese : E kaku loa kiafea le fakamamae o loku loto e le kakai leinei ? E oki loa afea lana tuigataa kiate au, logo ai a fakamailoga fuli o loku mafimafi ala kua kau fakatio a ia ki ai ?

Numelo 14:41

Na pati loa Moisese : Kolea e kotou maumaui ai le fakatotonu a le Eteleno ? E leaise manuia loa le nea lena kia koutou.

Numelo 16:14

Ti e leaise ko se fenua leia e tafe ai le sua manu mo le sua meli na ke taki matou ki ai, ti e leaise ko ni faisaga magiti mo ni faisaga vite ala na ke soli mai kia matou. Pe ke masalo e kivi a mata o le kakai leinei ? E leaise ma pale atu loa !

Gaoi 7:39

Na leaise fia fakalogo loa o tatou tamana kiate ia, kae na lotou tekei loa a ia, ti na lotou fakamaliu loa olatou loto ki Esipito,

Loma 9:15

Talie na pati a ia kia Moisese : E kau manavaalofa loa ki leia e kau manavaalofa ki ai, ti e kau aloalofa loa ki leia e kau aloalofa ki ai.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Uluaki tosi a Samuele 12:22

E leaise tiaki loa e le Eteleno lona kakai, o tupu ko lona suafa lasi, talie kua malie ki le Eteleno ke fakanofo koutou ko lona kakai.