Neemia 9:16 - Tosi Tapu

¹⁶ Kae na fia nealasi omatou tamana, o fakafefeka olatou ua. Na leaise lotou fakalogo loa ki au folafola,

Neemia 9:16 ပူးပေါင်းရင်းမြစ်များ

Lua tosi o Sau 17:14

Kae na leaise lotou fakalogo fua, ti na lotou fakafefeka loa olatou ua ofaipe olatou tamana, ala na leaise tui ki le Eteleno, lolatou Atua.

Lua tosi o Koloniko 29:6

Talie na agasala otatou tamana, na lotou fai le nea leia e veli ki mata o le Eteleno, lotatou Atua, na lotou tiaki a ia, na lotou tafoki olatou mata mei le tapenakulo o le Eteleno, ti na lotou titua ki ai.

Lua tosi o Koloniko 30:8

Aua na kotou ua fefeka, ofaipe okoutou tamana ; kae kotou soli okoutou lima ki le Eteleno, kotou au ki lona sagatualio leia na fakatapui e ia o lee gato, ti kotou tausi ki le Eteleno, lokoutou Atua, o tupu ke maliu kese lona sausau lasi meia koutou.

Lua tosi o Koloniko 36:13

Na agatuu foki a ia ki le sau ko Nepukatenesale, leia na fakamaua ia a ia ke fakapapau i le suafa o le Atua ; ti na fakafefeka loa e ia lona ua mo lona loto, o leaise toe liliu a ia ki le Eteleno, le Atua o Iselaele.

Neemia 9:10

Na ke fai loa ni milakulo mo ni nea fakamanamana kia Falaone, mo ana tagata fakasausau ti mo le kakai katoa o lona fenua, talie na ke iloa lalatou fakavelivelii omatou tamana, ti na ke fakasa loa lou kololia ofaipe lau fakasa i le aso nei.

Neemia 9:29

Na ke kolekole loa ke lotou toe liliu mai ki lau lao ; kae na lotou soko atu lolatou fia nealasi, na leaise lotou fakalogo loa ki au folafola, kae na lotou agasala loa ki au fakatotonu ala e fakamauli ia latou ala e taupau ia latou, ti na lotou agatuu loa, ti na leaise lotou fia fakalogo ki lau pule, kae na lotou fakafefeka olatou ua ti na leaise lotou fakalogo loa.

Pesalemo 106:6

Na motou agasala ofaipe omatou tamana, Na motou fai le agaveli, ti na motou fai le veli.

Pesalemo 81:8

Na ke kalaga i le mamae, ti na kau saofaki a koe ; Na kau tali kiate koe mei le mumuniaga o le mana ; Na kau asiasii a koe i vai o Melipa. - Manava.

Ekesote 15:26

Na pati loa a ia : Kapau e ke tokaga malie ki le leo o le Eteleno lou Atua, kapau e ke fai le nea leia e totonu ki ona mata, kapau e fakalogo lou taliga ki ana fakatotonu, kapau e ke tausi ana lao fuli, ti e leaise kau tautea loa a koe ki se masaki i masaki ala na kau tautea ki ai le kau Esipito ; talie ko au ko le Eteleno leia e fakamauli ia a koe.

Ekesote 32:9

Ti na pati loa le Eteleno kia Moisese : E kau tio ko le kakai lena ko se kakai ua fefeka.

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Esaia 48:18

Oi, amusia ake ke ke tokaga ki aku folafola ! E ifo loa kiate koe ni tapuakina ofaipe se vaitafe, Ti e au loa kiate koe le manuia ofaipe ni galu o le tai !

Esaia 48:4

Kae na kau iloa ko koe ko se kakai loto fefeka, Ti ko lou ua ko se potu ukamea, Ti ko lou lae ko se potu sila,

Esaia 63:10

Kae na lotou agatuu kiate ia, na lotou fakamamae lona Laumalie maokioki ; Koia na liliu ai loa a ia ko lolatou fili, ti na tau loa a ia kia latou.

Selemia 19:15

E folafola le Eteleno o kau tau, le Atua o Iselaele, o pati : E kau aumai loa ki le kolo leinei mo kolo fuli ala e fakalogo ki ai, a malaia fuli ala na kau fakasa fakatomua, o tupu kua lotou fakafefeka olatou ua ke aua na lotou logo ki aku folafola.

Selemia 2:31

Tagata o le tautupu leinei, kotou tokaga mua ki le folafola a le Eteleno ! Pe na kau liliu ko se toafa ki Iselaele, Pe ko se fenua leia e matotolu ai le fakapouli ? Kolea e pati ai loku kakai : E motou lauatea, E leaise motou fia liliu kiate koe ?

Selemia 7:26

Kae na leaise lotou fakalogo mai kiate au, Na leaise fakatokaga mai olatou taliga ; Na lotou fakafefeka olatou ua, Na lotou fai le veli o fakalaka ake i olatou tamana.

Esekiele 5:6

Kua maumaui e ia aku lao mo aku fakatotonu, ti kua agasala a ia o lasi ake i atu puleaga mo fenua i ona takatakai ; talie kua tiaki e ia aku lao, ti na leaise mulimuli a ia ki aku fakatotonu.

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Tetelonome 31:27

Talie e kau iloa lou loto fefeka, mo le fefeka o lou ua. Kapau na kotou fakafesagai ki le Eteleno i le temi leia na kau mauli ai mo koutou, e feaki ake loa i le oki o loku mate !

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.

Tetelonome 5:29

Amusia ake ke lotou maua tuumau le loto malie lena, o i kiate au, mo fia tausi aku folafola, o tupu ke lotou manuia o lee gato, latou mo alatou fanau !

Tetelonome 9:13

Na pati mai loa le Eteleno kiate au : E kau tio ko le kakai leinei ko se kakai ua fefeka.

Tetelonome 9:27

Ke ke manatui au tagata fakasausau ko Apalaamo, mo Isaake, mo Sakopo. Ke aua na ke tio ki le patigataa o le kakai leinei, mo lona agaveli, mo lana agasala.

Tetelonome 9:6

Koia ke ke iloa ai e leaise tupu ko lou maokioki leia e soli ai e le Eteleno, lou Atua, ke ke maua tofiga le fenua malie leinei ; talie ko koe ko se kakai ua fefeka.

Epelo 3:13

Kae kotou feakonakiaki ia koutou i aso taki tasi, i le temi katoa koi mafai ai ke pati : I le aso nei ! talie ke aua na fakafefeka se tasi o koutou e le kaka o le agasala.

Epelo 3:15

i le temi leia koi pati ai : I le aso nei, kapau e kotou logo ki lona leo, Aua na kotou fakafefeka okoutou loto, ofaipe le aso o le agatuu.