Neemia 9:15 - Tosi Tapu

¹⁵ Na ke soli loa kia latou se pane mei lagi, i le temi leia na lotou fia kai ai, ti na ke fakasali loa se vai mei le utu i le temi leia na lotou fia inu ai.

Neemia 9:15 ပူးပေါင်းရင်းမြစ်များ

Senesi 14:22

Na tali loa Apalamo ki le sau o Sotoma : E kau siki loku lima ki le Eteleno, ko le Atua Taualuga, ko le pule o le lagi mo le kele :

Neemia 9:20

Na ke soli loa kia latou lou Laumalie ke lotou liliu o fakalogo, ti na leaise ke too loa lau mana mei olatou gutu, ti na ke soli loa se vai ki lolatou fia inu.

Pesalemo 114:8

Leia e fetogi ia le utu ko se tanakiaga vai, Le utu fefeka ko se matapuna vai.

Ekesote 16:4

Na pati loa le Eteleno kia Moisese : Ko leinei, e kau fakavilo ia loa kia koutou se pane mei le lagi. E ulu loa le kakai ki fafo, o tae le pane i aso taki tasi, o fakafuafua ki le nea leia e aoga ki lana kai. E kau tio loa i ai pe kotou fakalogo ki aku lao pe leai.

Ekesote 17:3

Na veli ai le fia inu o le kakai, ti na lotou lalau loa kia Moisese, o pati : Kolea na ke fakamavae ai matou i Esipito, ke motou mamate ai i le fia inu, matou mo amatou fanau ti mo amatou kau manu ?

Ekesote 17:6

Ko leinei, e kau tuu loa i ou mua i le utu o Olepe ; ti ke taai loa le utu, ti e tafe loa mei ai se vai, ti e inu loa le kakai. Ti na fai fenaaki loa e Moisese i mua o le kau matua o Iselaele.

Ekesote 6:8

E kau fakaulu loa koutou ki le fenua leia na kau fakapapau ke soli kia Apalaamo, mo Isaake, mo Sakopo ; ti e kau soli loa a ia kia koutou, ko lokoutou fenua, ko au ko le Eteleno.

Esaia 48:21

Ti e leaise lotou fia inu loa i toafa ala e taki loa e ia latou ki ai : E fakasali loa e ia kia latou le vai i le utu, E fakamafaa loa e ia le utu, Ti e sali loa le vai.

Selemia 32:23

Na lotou au, ti na lotou maua a ia. Kae na leaise lotou fakalogo ki lou leo, Na leaise lotou taupau lau lao, Na leaise lotou fai a nea fuli ala na ke fakatotonu kia latou ke fai. Koia na ke fakasoko ai kia latou a malaia fuli anei !

Esekiele 20:15

I le toafa, na kau siki loa loku lima kia latou, o tupu ke aua na taki latou ki le fenua leia na kau fakatuutuu kia latou, fenua leia e tafe ai le sua manu mo le meli, fenua fulumalie kese i fenua fuli,

Numelo 14:30

e leaise kotou ulu loa ki le fenua leia na kau fakapapau ke fakanonofo ai koutou, gato fai kia Kalepo, vosa o Sefune, mo Sosue, vosa o Nune.

Tetelonome 1:21

Tio, e tuku e le Eteleno, lou Atua, le fenua ki ou mua. Pale, o too a ia, ofai ki le nea leia na fakasa kiate koe e le Eteleno, le Atua o okoutou tamana. Ke aua na ke i, ti ke aua na ke loto gaegae.

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.

Tetelonome 8:3

Na fakamamae e ia a koe, na fakapakupaku e ia a koe, na fagai e ia a koe ki le mane, leia na leaise ke iloa, ti na leaise iloa e ou tamana, ke ako kiate koe e leaise mauli fua le tagata ki le pane, kae e mauli a ia ki nea fuli ala e ulu mei le gutu o le Eteleno.