Neemia 8:9 - Tosi Tapu

⁹ Ko Neemia, leia ko le kovana, mo Esetalasi, leia ko le tagata faisakilifisio mo le sekelipa, ti mo le kau Levi, ala na ako ia le kakai, na pati loa ki le kakai katoa : Ko le aso leinei e fakatapui ki le Eteleno, lokoutou Atua ; aua na kotou nofo i le mamae mo le tagi, talie kua fetagisi le kakai katoa i le logo ki folafola o le lao.

Neemia 8:9 ပူးပေါင်းရင်းမြစ်များ

Lua tosi o Sau 22:11

I le logo loa a le sau ki folafola o le tosi o le lao, na sae loa e ia ona kofu.

Lua tosi o Sau 22:19

O tupu na lave loa le nea lena ki lou loto, o tupu na ke fakataulalo i mua o le Eteleno i lau logo ki le nea leia na kau fakasa o uiga mo le ganea leinei mo lona kakai, ala e liliu loa ko se nea fakaii ti ko se nea fakatupu malaia, talie na ke sae ou kofu ti na ke tagi i oku mua, ko au foki, na kau logo ki ai, ko le pati leinei a le Eteleno.

Lua tosi o Koloniko 15:3

Kua fualoa ai le nofo a Iselaele o mamao mo le Atua maoki, ti na leaise tagata faisakilifisio ke ako ia latou, ti na leaise lao.

Lua tosi o Koloniko 30:22

Na masau loa a Esekiasi ki loto o le kau Levi fuli, ala na fakasa ia se atamai lasi ki le tausi o le Eteleno. Na lotou kai loa a vikitima i aso e fitu, o lotou momoli ni sakilifisio fakafetai, ti mo fakavikiviki ki le Eteleno, le Atua o olatou tamana.

Lua tosi o Koloniko 34:19

I le logo loa a le sau ki folafola o le lao, na sae loa e ia ona kofu.

Lua tosi o Koloniko 34:21

Kotou ano o afa le finegalo o le Eteleno kiate au mo latou fuli ala na toe i Iselaele mo Suta, o uiga mo folafola o le tosi leinei na maua ; talie kua lasi ai le sausau o le Eteleno kua mafola kia tatou, o tupu na leaise tausi e otatou tamana le folafola a le Eteleno, ti na leaise lotou fai a nea fuli ala na tosi i le tosi leinei.

Lua tosi o Koloniko 35:3

Na pati loa a ia ki le kau Levi ala na ako ia Iselaele katoa ti na fakatapui ki le Eteleno : Kotou fakatuu le aleka maokioki ki le fale leia na laga e Salomone, sau o Iselaele, vosa o Tavite ; e leaise tonu ke kotou toe amo a ia i okoutou tuauma. Kotou tausi i le lakaga nei ki le Eteleno, lokoutou Atua, ti mo lona kakai ko Iselaele.

Esetalasi 2:63

Ti na pati loa le kovana kia latou ke aua na lotou kai ki nea tapu kae afa mua e se tagata faisakilifisio le finegalo o le Atua ki le ulimi mo le tumini.

Esetalasi 7:11

Ko leinei le tosi leia na fai e le sau ko Aletasese o soli kia Esetalasi, tagata faisakilifisio mo sekelipa, leia na ako ia a folafola mo lekula a le Eteleno ki Iselaele :

Neemia 10:1

Ko nei latou ala na fakamaoki ia le tosi : Ko Neemia, le kovana, vosa o Akalia.

Neemia 12:26

Na lotou mauli i le temi o Sosakimi, vosa o Sosue, vosa o Sotesatake, ti mo le temi o le kovana ko Neemia mo le tagata faisakilifisio mo sekelipa ko Esetalasi.

Neemia 7:65

ti na pati loa le kovana kia latou ke aua na lotou kai loa ki nea tapu, kae afa mua le finegalo o le Atua e se tasi i le kau tagata faisakilifisio, ki le ulimi mo le tumimi.

Neemia 7:70

Na fai loa e le toka api i le kau pule famili ni nea alofa ki le gaoi. Na soli loa e le kovana ki le koloa o le gaoi ni fa talame aulo e afe, mo ni ipu loloto e kau lima, mo ni kofu fakapelepitelo e kau lelau lima.

Neemia 8:2

Ti na aumai loa e le tagata faisakilifisio ko Esetalasi le tosi o le lao ki mua o le fakatasiga a le kau tagata mo le kau fafine, ti mo latou fuli ala na mafai ke logo ki ai. Ko le uluaki aso a ia o le masina fitu.

Ekelesiasi 3:4

se temi ke tagi ai, ti mo se temi ke kata ai ; se temi ke lauga ai, ti mo se temi ke mako ai ;

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Oseo 4:6

Kua maumau loku kakai, talie e puli iate ia loku iloa. O tupu na ke tiaki loku iloa, E kau tiaki loa a koe, ti e too loa iate koe laku tuulaga fakapelepitelo ; O tupu na ke galoi le lao o lou Atua, E kau galoi loa au fanau.

Levitiko 23:24

Masau ki fanau a Iselaele, o pati kia latou : I le fitu o masina, i le uluaki aso o le masina, e kotou taupau loa se aso malolo, leia e fakasa loa ki ni fakatagi pupusi, ti e kotou fai loa se fakatasi tapu.

Malakia 2:13

Ko leinei foki le tasi a nea leia e kotou fai : E kotou ufiufi le aletale o le Eteleno ki loimata, Ki tagi mo lauga, O tupu e leaise koi tokaga a ia ki moliga, Ti e leaise koi tali e ia se nea mei okoutou lima.

Loma 3:20

Talie e leaise fakamatatonu loa se tasi i mua o le Atua e gaoi o le lao, talie e tupu mei le lao le iloa o le agasala.

Loma 7:9

Kiate au, i le temi leia na kau nofo ai i mua sala lao, na kau mauli ; kae i le temi leia na au ai le fakatotonu, na toe mauli le agasala, ti ko au, na kau mate.

Tetelonome 12:12

Ko lena loa le ganea leia e kotou fakafiafia ai loa i mua o le Eteleno, lokoutou Atua, koutou, mo akoutou fanau, mo akoutou tagata fakasausau, mo akoutou fafine fakasausau, mo le kau Levi leia e nonofo i okoutou kolo, talie e leaise lotou maua se tofiga i loto malie o koutou.

Tetelonome 12:7

Ko lena loa le ganea leia e tonu ke kotou kai ai loa i mua o le Eteleno, lokoutou Atua, ti ke kotou fakafiafia ai loa, koutou mo okoutou famili, o tupu ko nea fuli ala ka fai loa e okoutou lima ti ka tapuakii loa e le Eteleno, lokoutou Atua.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Tetelonome 26:14

Na leaise kau kai loa se potu o le vaega kau agafulu i le temi leia na kau nofo ai i le putu, na leaise kau too loa se nea i ai o fakaaoga ki se nea kelekele, ti na leaise kau soli loa i ai se nea o uiga mo se mate ; na kau fakalogo loa ki le leo o le Eteleno, loku Atua, ti na kau fai loa o mulimuli ki lao fuli ala na ke tuku mai kiate au.

Sakopo 4:9

Kotou logoi lokoutou fakaaloalofa ; kotou nonofo i le putu mo loimata ; ke liliu lakotou kata ko se putu, ti mo lokotou fiafia ko se mamae.