Neemia 8:7 - Tosi Tapu

⁷ Ti na fakamatala loa e Sosue, mo Pani, mo Selepia, mo Samine, mo Akupe, mo Sapetai, mo Otisa, mo Maasesa, mo Kelita, mo Asalia, mo Sosapate, mo Anane, mo Pelasa, ti mo le kau Levi le lao ki le kakai, kae na tutuu loa le kakai i lona ganea.

Neemia 8:7 ပူးပေါင်းရင်းမြစ်များ

Uluaki tosi o Sau 8:14

Na maliu loa a mata o le sau, ti na tapuaki loa a ia ki le kakai katoa o Iselaele ; ti na tutuu le fakatasiga katoa o Iselaele.

Lua tosi o Koloniko 30:22

Na masau loa a Esekiasi ki loto o le kau Levi fuli, ala na fakasa ia se atamai lasi ki le tausi o le Eteleno. Na lotou kai loa a vikitima i aso e fitu, o lotou momoli ni sakilifisio fakafetai, ti mo fakavikiviki ki le Eteleno, le Atua o olatou tamana.

Lua tosi o Koloniko 35:3

Na pati loa a ia ki le kau Levi ala na ako ia Iselaele katoa ti na fakatapui ki le Eteleno : Kotou fakatuu le aleka maokioki ki le fale leia na laga e Salomone, sau o Iselaele, vosa o Tavite ; e leaise tonu ke kotou toe amo a ia i okoutou tuauma. Kotou tausi i le lakaga nei ki le Eteleno, lokoutou Atua, ti mo lona kakai ko Iselaele.

Esetalasi 8:18

Ti na nofo ia matou le lima o le Eteleno, koia na lotou aumai ai loa Selepia, ko se tagata poto i vosa o Makeli, vosa o Levi, vosa o Iselaele, ti na au loa mo ia ona vosa mo ona fetaina, ko tagata e tino agafulu tupu valu ;

Neemia 10:18

Mo Otisa, mo Asume, mo Petesai,

Neemia 10:2

Mo Setesiasi, mo Selasa, mo Asalia, mo Selemia,

Neemia 11:16

mo Sapetai mo Sosapate, ala na tokaga ki gaoi i fafo o le fale o le Atua, ti na lotou kau ki le kau pule o le kau Levi ;

Neemia 11:19

Ko le kau tuu matapa : ko Akupe, mo Talemone, mo ola fetaina, ala na leoleo ki matapa, ko le tino lelau tino fitu tupu lua.

Neemia 12:33

mo Asalia, mo Esetalasi, mo Mesulame,

Neemia 3:17

Na olo mai loa kiate ia le kau Levi : Na fai loa le gaoi e Leume, vosa o Pani, ti mo Asapia, pule o le vaelua o le kolo ko Keila, ki lona kolo.

Neemia 3:19

ti na olo mai kiate ia a Etesele, vosa o Sosue, pule o Misipa, leia na lagai ia loa le tasi potu paa o le kolo, leia e tautonu mo le paleaga ki le fale o masafu tau, i le tifi.

Neemia 3:23

Na olo mai loa ki tagata faisakilifisio a Pesamino mo Asupe, ala na gaoi loa i mua o ola fale.

Neemia 8:12

Ti na ano loa le kakai katoa o kai, mo inu, mo tufa alatou nea kai, ti mo fakafiafia. Talie na lotou matala loa ki le uiga o le folafola leia na fakamatala kia latou.

Neemia 8:4

Na tuu le sekelipa ko Esetalasi i aluga o se ganea taualuga leia na fau ki ni papa o uiga mo le lau o le tosi. Ti na tuu i ona tafa, i lona fetuu atamai, a Matitia, mo Sema, mo Anasa, mo Uli, mo Ilekisa, mo Maasesa, ti na tuu i lona fetuu sema a Petasa, mo Misaele, mo Malekisa, mo Asume, mo Asepatana, mo Sakalia, mo Mesulame.

Neemia 8:6

Na fakafetai loa Esetalasi ki le Eteleno, le Atua lasi, ti na siki loa e le kakai katoa olatou lima ki aluga, o tali : Amene ! Ti na lotou tulolo loa ki le kele, o atolasio ki le Eteleno.

Neemia 8:8

Na lotou lau loa ke matala le tosi o le lao o le Atua, ti na lotou fakamatala le uiga o le nea leia na lotou lau ki le kakai.

Neemia 9:3

Na lotou tutuu loa ki aluga, ti na lau loa le tosi o le lao a le Eteleno, lolatou Atua, i ni ola e tolu, ti na lotou punou loa o kofesio alatou agasala mo atolasio ki le Eteleno, lolatou Atua, i ni iki a ola e tolu.

Neemia 9:4

Ko Sosue, mo Pani, mo Katemiele, mo Sepania, mo Puni, mo Selepia, mo Pani, mo Kenani na pale loa ki le ganea fai akonaki o le kau Levi, ti na lotou tagi leo lasi loa ki le Eteleno, lolatou Atua.

Levitiko 10:11

Ti e toe fenaaki foki mo ka kotou ako ki fanau a Iselaele a lao ala na kau tuku kia koutou ia Moisese.

Malakia 2:7

Talie e tonu ke taupau e laugutu o le tagata faisakilifisio le poto, Ti e tonu ke afa i lona gutu le lao, O tupu ko se tagata a ia na kakau mai e le Eteleno o kau tau.

Tetelonome 33:10

E lotou ako au akonaki kia Sakopo, Mo lau lao ki Iselaele ; E lotou tuku le iseso ki ou pogoisu, Mo le failaulau ki lou aletale.