Neemia 8:3 - Tosi Tapu

³ Na lau loa e Esetalasi le tosi mei le usu o kaku ki le lalaatea, i le malae leia na tuu i mua o le matapa o vai, i mua o tagata mo fafine ti mo latou fuli ala na mafai ke logo ki ai. Na fakalogo malie loa le kakai katoa ki le lau o le tosi o le lao.

Neemia 8:3 ပူးပေါင်းရင်းမြစ်များ

Neemia 10:29

na lotou fakatasi loa ki olatou fetaina ala na mauiga ake ia latou. Na lotou fakapapau loa ke saele i le lao a le Atua, leia na tuku mai e Moisese, le tagata fakasausau a le Atua, ke lotou tausi mo fai a folafola fuli a le Eteleno, lomatou Aliki, mo ana fakatotonu, mo ana lao.

Neemia 13:1

I le temi lena, na lau loa le tosi a Moisese i mua o le kakai, ti na maua loa kua tosi i ai e leaise tonu ke ulu le kau Moape mo le kau Amone ki le fakatasiga o fanau a le Atua i se aso,

Neemia 8:1

Ti na fakatasi loa le kakai katoa ofaipe se tagata e tasi i le malae leia e tuu i mua o le matapa o vai. Na lotou pati loa kia Esetalasi, le sekelipa, ke aumai le tosi o le lao a Moisese, leia na tosi e le Eteleno ki Iselaele.

Neemia 8:18

Na lau loa i le tosi o le lao a le Atua i aso fuli, mei le uluaki aso o kaku ki le aso fakaoki o le fakatasi. Na fai loa le fakatasi i lolotoga o aso e fitu, ti na fai loa se fakatasi mamalu i le aso fakaoki, o mulimuli ki lona lekula.

Neemia 8:4

Na tuu le sekelipa ko Esetalasi i aluga o se ganea taualuga leia na fau ki ni papa o uiga mo le lau o le tosi. Ti na tuu i ona tafa, i lona fetuu atamai, a Matitia, mo Sema, mo Anasa, mo Uli, mo Ilekisa, mo Maasesa, ti na tuu i lona fetuu sema a Petasa, mo Misaele, mo Malekisa, mo Asume, mo Asepatana, mo Sakalia, mo Mesulame.

Neemia 8:5

Na fakamavaa loa e Esetalasi le tosi i mua o le kakai katoa ; i le oki o lana fakamavaa, na tutuu loa le kakai katoa ki aluga.

Maleko 12:37

Na fakaigoa a ia e Tavite totonu ko le Aliki ; pe feaki loa ke liliu a ia ko lona vosa ? Ti na fakalogo se kakai lasi kiate ia i le fiafia.

Luka 19:48

kae na leaise lotou iloa pe feaki lona fakasoko, talie kua tokaga le kakai katoa ke fakalogo kiate ia.

Luka 8:18

Kotou tokaga ki lakoutou fakalogo ; talie e soli loa ki leia e maua, kae ki leia e nofo noa e toe too loa mo le nea foki leia e pati a ia e maua e ia.

Gaoi 13:15

I le oki o le lau o le tosi o le Lao mo le kau polofeta, na kakau loa e pule o le sinakoka ke pati kia laua : Fetaina, kapau e kolua maua ni akonaki ki le kakai, ke kolua masau.

Gaoi 13:27

Kae na leaise iloa loa Sesu e le kakai o Selusalemi ti mo olatou pule, talie na leaise lotou matala foki ki folafola a le kau polofeta ala e lau i aso sapato fuli ; koia na lotou fakamaoki ai loa ki folafola ana, o fakatuaa Sesu ki le mate.

Gaoi 15:21

Talie kua maua i kolo fuli, talu mei tautupu afea, ni kakai ala e akonaki kia Moisese mo lau ia a ia i sapato fuli i sinakoka.

Gaoi 16:14

Ko se tasi o latou, na igoa ko Litia, fafine fakatau kie kula mauiga mei le kolo ko Tiatile, na fakalogo. Ti na fakamavaa loa e le Aliki lona loto, o tupu ke tokaga a ia ki le nea leia na masau ki ai Paulo.

Gaoi 17:11

Ti na loto malie ake le kau Sutea lena ia latou ala o Tesalonika ; ti na lotou tali loa le folafola i se loto oli, o lotou afa i le Tosi tapu i aso taki tasi, ke iloa le maoki o nea ala e fakasa ake kia latou.

Gaoi 20:11

Ti na toe pale ake loa Paulo ki fata, o tofitofi le pane mo kai, ti na toe masau fualoa a ia o kaku ki le mafoata. Ti i le oki o le nea lena, na mavae loa a ia.

Gaoi 20:7

I le uluaki aso o le vasaa, na motou fakatasi loa ki le tofitofi o le pane. Ti na akonaki loa Paulo kia latou ; na tonu ke mavae a ia i leia ake a aso, ti na akonaki loa a ia o kaku ki le vaeluapo.

Gaoi 28:23

Ti na lotou fakatuutuu loa kiate ia se aso, ti na au loa se toka api o maua a ia i lona fale. Ti na fakasa loa e ia le Puleaga o le Atua kia latou, o fakamaoki, ti mo afa i le lao a Moisese mo le kau polofeta, ke lotou tio ki nea o uiga mo Sesu. Na fai loa le nea lena mei le usu o kaku ki le afiafi.

Tetelonome 31:9

Na tosi loa e Moisese le lao lena, o tuku ki le kau tagata faisakilifisio, vosa o Levi, ala na amo ia le aleka o le sai a le Eteleno, mo le kau fakamatuatua o Iselaele.

Uluaki tosi ki le kau Tesalonika 2:13

Koia e motou fakafetai tuumau ai ki le Atua, talie, i lakotou tali le folafola a le Atua leia na motou fakasa atu kia koutou, na kotou tali a ia, o leaise faipe le folafola a ni tagata, kae ofaipe le folafola totonu a le Atua, leia e gaoi ia koutou ala e tui.

Sosue 8:35

Na lau e Sosue a folafola fuli a Moisese, o leaise puli fua se folafola e tasi, i mua o le fakatasiga katoa o Iselaele, mo fafine, mo toe ti mo matapule ala na saele i loto malie o Iselaele.

Apokalipisi 2:29

Ko leia e maua ia ni taliga ke logo a ia ki le nea leia e fakasa e le Laumalie ki Ekelesia.

Apokalipisi 3:22

Ko leia e maua ia ni taliga ke logo a ia ki le nea leia e fakasa e le Laumalie ki Ekelesia.