Neemia 8:17 - Tosi Tapu

¹⁷ Ko le kakai katoa leia na toe liliu mai mei le popula na fakatuu ia loa ni fale pola, ti na lotou nonofo loa i ai. Talu mei le temi o Sosue, vosa o Nune, o kaku mai ki le aso leinei, na leaise fai e fanau a Iselaele se nea o tatau mo le nea leinei. Ti na i ai loa se fiafia lasi.

Neemia 8:17 ပူးပေါင်းရင်းမြစ်များ

Uluaki tosi o Koloniko 29:22

Na lotou kai loa ti mo inu loa i le aso lena i mua o le Eteleno mo se fiafia lasi, ti na lotou fakanofo loa i le aso lena, ko lona tua lua a ia, a Salomone, vosa o Tavite, ko le sau, o lotou pani loa a ia ki le lolo i mua o le Eteleno ke sau, ti na lotou pani lolo loa Satoke ko le tagata faisakilifisio.

Lua tosi o Koloniko 30:26

Na soko i Selusalemi ni fakafiafia lalasi ai ; talu mei le temi o Salomone, sau o Iselaele, vosa o Tavite, na leaise soko se nea o tatau mo le nea lena i Selusalemi.

Lua tosi o Koloniko 35:18

Na leaise fai se Pasikate i Iselaele o tatau mo le Pasikate lena talu mei le temi o Samuele, le polofeta ; ti na leaise fai e se tasi ake a sau o Iselaele se Pasikate o tatau mo leia na fai e Sosiasi, mo le kau tagata faisakilifisio, mo le kau Levi, mo Suta katoa, mo Iselaele ala na nonofo i ai, ti mo le kakai katoa o Selusalemi.

Lua tosi o Koloniko 8:13

Na momoli e ia le nea leia na fakatotonu e Moisese ki le aso taki tasi, mo sapato, mo masina foou, ti mo aso lalasi, o tua tolu i le fetuu, mo le aso lasi o pane sala fakatupu, mo le aso lasi o vasaa, ti mo le aso lasi o falela.

Esetalasi 3:4

Na lotou fakamanatu loa le aso o tapenakulo, ofaipe lona tuu i le tosi, ti na lotou momoli loa ni failaulau i aso taki tasi, o mulimuli ki le lasi o failaulau o le aso.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Tetelonome 16:15

E ke fai loa le aso lena ki le Eteleno, lou Atua, i aso e fitu, i le ganea leia e filifili loa e le Eteleno ; talie e tapuaki loa kiate koe le Eteleno, lou Atua, i au fuata fuli mo gaoi fuli o ou lima, ti e ke fiafia maoki loa.

Epelo 11:13

Ko le tui leia na lotou mamate fuli ai, kae na leaise lotou maua ia a nea ala na fakapapau ake kia latou ; kae na lotou tio mo taukalo mei mamao kia latou, ti na lotou fakasa e lotou matapule mo fanoga i le malama nei.

Epelo 11:9

Ko le tui leia na ano ai loa a ia o nofo i le kele o le fakapapau ofaipe i se kele matapule, o nofo i ni falela mo Isaake, mo Sakopo, ala na maua tofiga mo ia le fakapapau e tasi ;

Epelo 4:8

Talie, kapau na soli e Sosue le maloloaga lena kia latou, na leaise toe masau loa le Atua i muli mai ki se tasi ake a aso.

Sosue 1:1

I le oki o le mate o Moisese, tagata fakasausau a le Eteleno, na pati loa le Eteleno kia Sosue, vosa o Nune, tagata fakasausau a Moisese :