Neemia 6:1 - Tosi Tapu

¹ Na logo loa Sanepala, mo Topisa, mo Kesemi, le Alape, ti mo le toega o omatou fili, kua lagai le paa ti kua tapono a mavaa, kae na leikiaise kau fakapikipiki a matapa i le temi lena.

Neemia 6:1 ပူးပေါင်းရင်းမြစ်များ

Neemia 13:4

I mua o le nea lena, ko le tagata faisakilifisio ko Eliasipe, leia na fakanofo ke tokaga ki kogafale o le fale o lomatou Atua, ti na famili mo Topisa,

Neemia 2:10

I le logo ki ai a Sanepala, le tagata Oloni, mo Topisa, lana tagata fakasausau Amone, na la veli ia ai le kaku ake o se tagata ke tokaga ki le malie o fanau a Iselaele.

Neemia 2:19

I le logo ki ai a Sanepala, le tagata Oloni, mo Topisa, lona oloi, le tagata Amone, ti mo Kesemi, le tagata Alape, na lotou kata fakagologolo loa kia matou, ti na lotou vesia loa kia matou. Na lotou pati : Kolea le nea lena e kotou fai ? Pe kotou loto ke kotou agatuu ki le sau ?

Neemia 3:1

Na tuu ake loa Eliasipe, le tagata faisakilifisio lasi mo ona fetaina, a kau tagata faisakilifisio, ti na lotou fau loa le matapa o ovi. Na lotou fakatapui loa a ia ti na lotou fakapiki loa a kau matapa ; na lotou fakatapui a ia mei le fa tule o Mea o kaku ki le fa tule o Ananeele.

Neemia 3:3

Na lagai e le kakai o Sena le matapa o Ika. Na lotou fau loa a ia o kaku ki le ato, o lotou fakapipiki loa ona kau matapa, mo ona loka, ti mo ona laakau fakamaumau.

Neemia 3:6

Na fakafoou loa e Sosata, vosa o Peseake, mo Mesulame, vosa o Pesotia, le matapa mago. Na la ato loa a ia ti na la fakapipiki loa ona kau matapa mo ona laakau fakamaumau.

Neemia 4:1

I le logo a Sanepala kua motou toe lagai le paa fatu, na ita lasi loa a ia, o fakainaina kia matou.

Neemia 7:1

I le oki o le laga o le paa ti mo le fakapikipiki o matapa, na fakanofo loa le kau tuu matapa, mo le kau sua, ti mo le kau Levi ki olatou tuulaga.

Taniela 9:25

Koia ke ke iloa ai ti mo ke matala ki le nea leinei : Mei le lakaga leia na fakasa ai e le folafola e toe laga loa Selusalemi, o kaku ki le Mesia, le Takitaki, e i ai ni vasaa e fitu ti mo ni vasaa e kau ono tupu lua : e toe laga loa a lapalasi mo kanivo, kae i ni temi maveuveu.