Neemia 5:6 - Tosi Tapu

⁶ Na kau ita lasi ai i laku logo ki alatou tagi mo masau ana.

Neemia 5:6 ပူးပေါင်းရင်းမြစ်များ

Neemia 13:25

Na kau fai loa ni valoki kia latou ti na kau tutuku loa latou ; na kau lalava loa ni iki, ti na kau futi loa olatou lau ulu, ti na kau fakatotonu loa ke lotou fakapapau i le suafa o le Atua, ti na kau pati loa kia latou : E leaise kotou soli loa okoutou taineliki ki olatou tamaliki, ti e leaise kotou too loa olatou taineliki ke avaga mo okoutou vosa pe ko koutou totonu.

Neemia 13:8

Na kau mamae lasi ai i le nea lena, ti na kau laku loa ki fafo o le kogafale a nea fuli ala na maua e Topisa ;

Neemia 5:7

Na kau fakapapau loa ke kau fai ni valoki ki le kau lalasi mo le kau pule, ti na kau pati loa kia latou : Kolea e kotou tuku ai ni maua mamafa ki okoutou fetaina ! Ti na kau fakatasii loa le kakai toka api kia latou,

Pesalemo 119:53

E kau maua e se itaita veli i le tio ki le kau agaveli, Ala e tiaki ia lau lao.

Ekesote 11:8

Ti e ifo mai loa au tagata fakasausau fuli anei kiate au, ti e lotou punou loa ki le kele i oku mua, o pati : Mavae, a koe mo le kakai katoa leia e muli iate koe ! Ka oki loa le nea lena, e kau mavae loa. Ti na mavae loa Moisese mei le fale o Falaone i se ita lasi ai.

Numelo 16:15

Na ita lasi ai Moisese, ti na pati loa a ia ki le Eteleno : Aua na ke tali alatou moliga. Na leaise kau too se asino fua e tasi ia latou, ti na leaise kau fai se nea veli fua e tasi ki se toka tasi o latou.

Maleko 3:5

Ti na tio fakaita loa a ia kia latou, i le lasi o lona mamae o tupu ko le fefeka o latou loto ; ti na pati loa a ia ki le tagata : Falo lou lima. Na falo loa e le tagata lona lima, ti na mauli loa a ia.

Efeso 4:26

Kapau e kotou ita, ke aua na kotou agasala ; ti ke aua na galo le laa i aluga o lokoutou ita,