Neemia 5:11 - Tosi Tapu

¹¹ Ke tou liufaki kia latou i le aso nei, alatou faisaga fulumeto, mo alatou faisaga vite, mo alatou faisaga oliveto, mo olatou fale, ti mo le tupu o olatou maua, ala na tou fakamaua kia latou, i le paaga, mo le fulumeto, mo le vino, ti mo le lolo.

Neemia 5:11 ပူးပေါင်းရင်းမြစ်များ

Lua tosi a Samuele 12:6

Ti e liufaki loa e ia ni ovi e fa, o tupu ko lana fai le nea lena, o tupu na leaise maua e ia se manava alofa.

Neemia 5:10

Ko au foki, mo oku fetaina, mo aku tagata fakasausau, na motou soli kia latou ni maua paaga mo ni maua fulumeto. Ke tou fakafiti ki le toe ui mai o olatou maua !

Neemia 5:12

Na lotou tali loa : E motou liufaki loa a nea ana, ti e leaise motou toe afa loa kia latou se nea, e motou fai loa ki le nea leia kua ke pati ki ai. Ti na kau kalagai loa le kau tagata faisakilifisio, ti na tuku loa ke lotou fakapapau i mua o le kau tagata faisakilifisio, ke lotou fai loa le nea leia kua lotou pati ki ai.

Esaia 58:6

Ko leinei le sesunio leia e kau fiafia ai : Vevete a tini o le agaveli, Tatala a sai o le popula, Tuku ke lauatea latou e mafaia, Ti ke motusi a amoga kesekese fuli.

Luka 3:8

Kotou fakatupu mua ni fua ala e gali mo le fakasemala, kae aua na kotou pati i okoutou loto : E motou tamana kia Apalaamo ! Talie e kau fakasa kia koutou e mafai noa le fakatupu e le Atua mei fatu anei ni fanau kia Apalaamo.

Tetelonome 6:11

mo ni fale ala kua apelepele i koloa kesekese ala na leaise ke tanaki ia, mo ni sosoni ala na leaise ke kenu ia, mo ni faisaga vite, mo ni faisaga olive ala na leaise ke to ia.

Uluaki tosi a Samuele 12:3

Ko leinei au ! Ke kotou fakamaoki mai kiate au i mua o le Eteleno, mo mua o lona filifiliia. Ko ai leia na kau too ia lana pipi ti ko ai leia na kau too ia lana asino ? Ko ai leia na kau kakaai ti ko ai leia na kau fai fakaveliveli ? Ko ai leia na kau tali mei ai se nea alofa ke tapono ai oku mata kiate ia ? E kau toe fakaliliu loa a ia kiate ia.