Neemia 4:14 - Tosi Tapu

¹⁴ Na kau tio loa kia latou, ti na kau pati loa ki le kau lalasi, mo le kau pule, ti mo le toega o le kakai : Aua na kotou i kia latou ! Kotou manatui le Aliki lasi mo fakaii, ti kotou tau o tupu ko okoutou fetaina, mo okoutou vosa, mo okoutou taineliki, mo okoutou avaga, ti mo okoutou fale !

Neemia 4:14 ပူးပေါင်းရင်းမြစ်များ

Lua tosi a Samuele 10:12

Ke ke loto toa, ti ke ta fia tagata, o tupu ko lotatou kakai mo kolo o lotatou Atua, ti ke fai loa e le Eteleno le nea leia e malie kiate ia !

Lua tosi o Koloniko 32:7

Kotou fakamakeke ti kotou loto makeke ! Aua na kotou tuania ia fua se nea ti aua na kotou i fua ki le sau o Asilia mo lana solia toka api leia e nofo mo ia ; talie e lasi ake le makeke ia tatou i leia ia latou.

Neemia 1:5

ti na kau pati : Ei Eteleno, Atua o le atu lagi, Atua lasi mo fakaii, leia e taupau ia lau sai ti e manava alofa kia latou ala e alofa kiate koe ti mo tausi au folafola !

Sopo 37:22

E fakaliliu e le matagi o le potu noleto ke gigila le lagi ofaipe le aulo. Io, e fakaii ai le agai o le Atua !

Pesalemo 143:5

E kau manatu ki aso o le temi mua, E kau metitasio ki au gaoi fuli, E kau fakakaukau ki le gaoiaga o ou lima.

Pesalemo 20:7

Ko leinei, e kau iloa e saofaki loa e le Eteleno lona filifilia ; E tali loa e ia lana kole mei lagi, mei lona nofoaga maokioki, Ki le tokoi makeke o lona lima atamai.

Pesalemo 27:1

Pesalemo a Tavite. Ko loku malama mo loku fakamauli ko le Eteleno : Ko ai e kau i loa ki ia ? Ko le tokoi o loku mauli ko le Eteleno : kolea e kau tuania loa ki ia ?

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 65:5

Manuia leia e ke filifili ti e ke fakaulu ki lou agaiaga, O tupu ke nofo a ia i ou malae ! E motou makokona loa i le fiafia o lou fale, I le maokioki o lou fale tapu.

Pesalemo 66:3

Kotou pati ki le Atua : E fakaii ai au gaoiaga ! O tupu ko le lasi o lou makeke, e fakavikiviki ou fili kiate koe.

Pesalemo 66:5

Kotou au, ti kotou tio ki gaoiaga a le Atua ! E fakaii a ia mo ka gaoi a ia ki vosa o le tagata.

Ekesote 14:14

E tau loa le Eteleno o fetogi koutou ; kae ko koutou, ke kotou fakaleemu.

Ekesote 14:25

Na too loa e ia a teka o alatou saliote ke faigataa ai lalatou saele. Ti na pati loa le kau Esipito : Tou sosola i mua o Iselaele, talie kua kau le Eteleno mo ia o tau ki le kau Esipito.

Ekelesiasi 12:1

Tama tupulaga, ke ke fiafia i le temi o lou tupulaga, tuku lou loto ki le fiafia i le lolotoga o aso o lou temi tupulaga, saele i ala o lou loto, ti mo oli o ou mata ; kae ke ke iloa, i nea fuli ana e aumai loa a koe e le Atua ki le fakamaauaga.

Taniela 11:32

E fakasesei loa e le sau lena, ki ana kaka, latou ala e tiaki ia le sai maokioki. Kae ko latou ala o le kakai e iloa ia loa lolatou Atua, e tuu makeke loa,

Sakalia 14:3

E sa loa le Eteleno, ti e taui loa e ia a puleaga ana, Ofaipe lana tau i le aso o le velo.

Numelo 14:9

Ko leia fua, ke aua na kotou agatuu ki le Eteleno ti ke aua na kotou i ki le kakai o le fenua lena, talie e tou kai loa latou i se maaga e tasi. Kua leaise malu fua leia ke lotou fakamalumalu ai, kae e nofo le Eteleno mo tatou, aua na kotou i kia latou.

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Tetelonome 1:21

Tio, e tuku e le Eteleno, lou Atua, le fenua ki ou mua. Pale, o too a ia, ofai ki le nea leia na fakasa kiate koe e le Eteleno, le Atua o okoutou tamana. Ke aua na ke i, ti ke aua na ke loto gaegae.

Tetelonome 10:17

Talie ko le Eteleno, lokoutou Atua, ko le Atua o atu lagi, ko le Aliki o aliki fuli, ko le Atua lasi, mo makeke mo fakaii, leia e leaise tiotio tagata ti e leaise totogi ki se moliga.

Epelo 13:6

Koia e mafai ai ke tou pati makeke ai : Ko le Aliki ko loku tokoi, e leaise kau i loa ki se nea ; Kolea e mafai e se tagata kiate au ?

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Tuifakamaau 3:27

I lana kaku ki Seila, na pupusi loa e ia le fakatagi pupusi i le mauga o Efalaimi ke tanaki ai a fanau a Iselaele ki le tau. Ti na nofo loa a ia ko lolatou pule, ti na lotou ifo loa mei le mauga.