Neemia 2:19 - Tosi Tapu

¹⁹ I le logo ki ai a Sanepala, le tagata Oloni, mo Topisa, lona oloi, le tagata Amone, ti mo Kesemi, le tagata Alape, na lotou kata fakagologolo loa kia matou, ti na lotou vesia loa kia matou. Na lotou pati : Kolea le nea lena e kotou fai ? Pe kotou loto ke kotou agatuu ki le sau ?

Neemia 2:19 ပူးပေါင်းရင်းမြစ်များ

Neemia 13:28

Na i ai foki se tasi o vosa o Sosata, vosa o Eliasipe, le tagata faisakilifisio lasi, na liliu ko le fugao o Sanepala, le tagata Oloni. Na kau kapu loa a ia ki mamao.

Neemia 2:10

I le logo ki ai a Sanepala, le tagata Oloni, mo Topisa, lana tagata fakasausau Amone, na la veli ia ai le kaku ake o se tagata ke tokaga ki le malie o fanau a Iselaele.

Neemia 4:1

I le logo a Sanepala kua motou toe lagai le paa fatu, na ita lasi loa a ia, o fakainaina kia matou.

Neemia 6:6

Na tosi i ai : kua mafola le logo i puleaga, ti kua fakasa e Kasemu, ko koe mo le kau Sutea kua kotou fai se fakafesagai ki le sau, koia leia kua kotou lagai ai le paa fatu. E pati ka ke liliu loa ko lolatou sau,

Neemia 6:9

Talie na faiga latou fuli ana ke fakaii kia matou, o pati : E lotou loto gaegae loa, ti e leaise fai loa le gaoi. I le lakaga nei, ei loku Atua, ke ke fakamakeke au !

Sopo 30:1

Kae i le aso nei !… Kua kau liliu ko le nea fakagologolo a latou ala na muli iate au, A latou ala na leaise kau tali ke tuku olatou tamana Ke kau i le kau kuli leo o aku kau manu.

Pesalemo 123:4

Kua makona omatou laumalie I gologolo a le kau fia sa, i le vesia a le kau fia taualuga.

Pesalemo 79:4

Kua motou liliu ko se nea fakalialia kia latou ala i omatou tafatafa, Ko se nea gologolo mo katai kia latou ala e takatakai ia matou.

Pesalemo 80:6

E ke fagai latou ki le pane o le tagi, E ke fakainu latou ki ni ipu kua apele i loimata.

Pesalemo 80:7

E ke fakaliliu matou ko se nea ke visi ai ala e nonofo i omatou tafatafa, Ti e kakata omatou fili kia matou.

Esaia 36:5

E kau fakasa atu kiate koe, ko masau noa fuli ana : e aoga ki le tau le poto mo le makeke. Ko ai leia kua ke tuku ki ai lau fanaki, ke ke agatuu ai kiate au ?

Selemia 20:8

Talie i temi fuli e kau masau ai, e tonu ke kau kalaga, Ke kau valoki le aga fakamakeke mo le fakaveliveli ! Ti kua liliu le folafola a le Eteleno kiate au ko se nea fakatupu luma ti mo se nea fakagologolo i aso fuli.

Selemia 41:10

Na fakapilisoni loa e Isemaele latou fuli ala na toe i Misipa, a taineliki o le sau mo latou fuli o le kakai leia na nonofo i ai, latou ala na tuku e Nepusalatane, pule o tagata leo, kia Ketalia, vosa o Asikame. Ti na ave fakapopula loa latou e Isemaele, vosa o Netania, ti na ano loa a ia ki le kau Amone.

Mateo 9:24

na pati loa a ia kia latou : Kotou fakamamao kese atu ; talie e leaise mate le taine, kae e moe a ia. Ti na lotou gologolo loa kiate ia.

Maleko 5:40

Ti na lotou gologolo loa kiate ia. Ti na fakamavae loa e Sesu ki fafo le kakai katoa, ti na too loa e ia mo ia le tamana mo le tinana o le toe, ti mo latou ala na kau fanoga mai mo ia, ti na ulu loa a ia ki le ganea leia na tuku ai le toe.

Luka 23:2

Na lotou kamata fakalakasala loa a ia, o pati : Na motou maua le tagata leinei e fakatupu maveuveu ki le kakai, o tapui e ia le totogi o le tukusau kia Sesale, ti na pati a ia ko ia ko Kilisito, ko se sau.

Soane 19:12

Talu mei le lakaga lena, na faiga loa Pilato ke fakamauli Sesu. Kae na kalaga le kau Sutea : Kapau e ke fakamauli a ia, ti e leaise ko le kaukau nea a koe o Sesale. Ko leia e pati, ko le sau a ia, e agatuu a ia kia Sesale.

Gaoi 24:5

Na motou maua le tagata leinei, leia ko se taumasaki veli, leia e fakatupu ia ni maveuveu i le kau Sutea katoa o le malama nei, leia ko le pule o le magai lotu o le kau Nasaleti,

Epelo 11:36

Na tali loa e ni iki a nukinuki, mo le suipi, mo tini, ti mo le pilisoni ;