Neemia 2:14 - Tosi Tapu

¹⁴ Na kau fakalaka loa i tafa o le matapa o le matapuna vai ti mo le vai o le sau, ti na leaise maua se ganea ke ano ai le asino leia na kau eke ai.

Neemia 2:14 ပူးပေါင်းရင်းမြစ်များ

Lua tosi o Sau 18:17

Na kakau loa e le sau o Asilia mei Lakisi ki Selusalemi, ki le sau ko Esekiasi, a Taletane, mo Lape-Salise ti mo Lapesake mo se solia makeke ai. Na lotou pale loa o kaku ki Selusalemi. I lalatou kaku ki ai, na lotou tutuu loa i tafa o le aleso leia e taki ia le vai ki le fa tane aluga, i le ala ki le faisaga o le tagata fai fo.

Lua tosi o Sau 20:20

Ko le toe o gaoi a Esekiasi, ana gaoi lalasi fuli, mo lana fai le fa tane vai mo le takiaga vai ki le kolo, pe leaise tosi a ia i le tosi fakamatala ki sau o Suta ?

Lua tosi o Koloniko 32:30

Ko Esekiasi foki leia na tapono ia le matapuna vai o Kioni, kae taki loa e ia le vai ki le potu uesite o le kolo o Tavite. Na manuia loa Esekiasi i ana gaoi fuli na fai.

Neemia 12:37

I le matapa o le matapuna vai, na lotou pale loa i le takakega leia e ano ki le kolo o Tavite, leia na tuu i olatou mua, i aluga o le fale o Tavite, o kaku ki le matapa o vai, i le potu esite.

Neemia 3:15

Na fakafoou e Salune, vosa o Kole-Ose, pule o le kolo o Misipa, le matapa o le matapuna vai. Na laga e ia a ia, o ato, ti mo fakapipiki ona matapa, mo ona loka, ti mo ona laakau fakamaumau. Na toe lagai e ia mo le paa o le vai o Siloe, i tafa o le oloto a le sau, o kaku ki le kakega leia e ifo mei le kolo o Tavite.

Neemia 3:16

Na olo mai loa kiate ia Neemia, vosa o Asepuke, pule o le vaelua o le fenua o Pete-Tesuli, leia na laga ia le paa o kaku ki le potu leia na agatonu mo le tano o Tavite, i le tanakiaga vai leia na fau, ti mo le fale o le kau toa.

Ekelesiasi 2:6

Na kau kenu loa ni vai lalasi ke fakavai ai le vaomatua leia na mauli ai a laakau.