Neemia 2:13 - Tosi Tapu

¹³ Na kau ulu loa ki fafo i le pouli i le matapa o le vaivailiua, ti na kau ano loa ki le matapuna vai o le Talakone, ti mo le matapa o penu, ti na kau sivisivi loa a paa fatu o Selusalemi, ala kua solo, ti na kau fakakaukau loa ki ona matapa, ala kua tutu o okioki e le afi.

Neemia 2:13 ပူးပေါင်းရင်းမြစ်များ

Lua tosi o Koloniko 26:9

Na fakatuu loa e Osiasi ni tule tau i Selusalemi, i le matapa o le tifi, mo le matapa o le vaivailiua, ti mo aluga o le agele, ti na fakamakeke loa e ia latou.

Neemia 1:3

Na lotou tali mai loa kiate au : Ko latou ala na toe i le popula e nonofo i le fenua, i se malaia lasi mo se luma lasi ; kua solo a paa fatu o Selusalemi, ti kua tutu ona matapa e le afi.

Neemia 12:31

Na kau fakatotonu loa ke pale le kau pule o Suta ki aluga o le paa fatu, ti na kau vae ia loa ni kau sua e lua. Na saele loa le uluaki kau sua i aluga o paa fatu ki le fetuu atamai, ki le matapa o penu.

Neemia 2:12

Ti na kau tuu ake loa i le pouli mo se ga kau tagata, kae na leaise kau fakasa ki se tasi le nea leia kua tuku e le Atua ki loku loto ke fai i Selusalemi. Ti na leaise tasi ake a manu mo au i le asino leia na kau eke ai.

Neemia 2:15

Na kau pale loa, i le pouli aifai, i le vaivailiua, o toe tioi le paa. Ti na kau toe ulu loa ki le kolo i le matapa o le vaivailiua, o kau toe liliu loa i ai.

Neemia 2:17

Ti na kau pati loa kia latou : E kotou tio ki le malaia kua tou nofo ai ! Kua maumaui Selusalemi ti kua tutu o okioki ona matapa e le afi ! Kotou au, tou toe lagai le paa o Selusalemi, ti e leaise tou toe nofo loa i le luma.

Neemia 2:3

Ti na kau tali loa ki le sau : Ke mauli le sau o lee gato ! Pe feaki loa ke aua se kau mata mamae kae maumau le kolo leia e tuu ai a tanuma o oku tamana, ti kua tutu o okioki ona matapa e le afi ?

Selemia 5:10

Kotou kava ki ona paa, ti kotou soloi, Kae aua na kotou maumaui katoa ! Kotou tatai ona tafito vite Ala e leaise kau ki le Eteleno !