Neemia 13:14 - Tosi Tapu

¹⁴ Ei loku Atua, ke ke manatui au, o tupu ko le nea lena, ti ke aua na galo iate koe a gaoi malilie ala na kau fai ki le fale o loku Atua, ti mo nea ala e tonu ke taupau !

Neemia 13:14 ပူးပေါင်းရင်းမြစ်များ

Lua tosi o Sau 20:3

Ei Eteleno ! Ke ke manatui na kau saele i ou mua i le maokioki mo le agatonu, ti na kau fai le nea leia e malie ki ou mata ! Ti na tagi mamae loa Esekiasi.

Uluaki tosi o Koloniko 29:3

Ti e tupu foki ko loku alofa ki le fale o loku Atua, e kau soli ki le fale o loku Atua laku aulo mo laku paaga totonu, kae e leaise lau a nea ala na kau teuteui ki le sagatualio :

Lua tosi o Koloniko 24:16

Na tanu loa a ia i le kolo o Tavite o fakatasi mo sau, talie na fai e ia le nea e malie i Iselaele, ki le Atua mo lona fale.

Esetalasi 7:20

E ke too loa i le fale koloa o le sau a nea ala e aoga ki la ake gaoi, io, a gaoi ala e ke fai loa ki le fale o lou Atua.

Esetalasi 7:24

E motou fakasa atu kia koutou e leaise feala loa ke too ni totogi, pe ko ni tukusau, pe ko ni fatogia i le kau faisakilifisio, mo le kau Levi, mo le kau sua, mo ko le kau tuu matapa, mo le kau Netinia, ti mo le kau fakasausau o le fale lena o le Atua.

Esetalasi 7:27

Ke fakafetai ki le Eteleno, le Atua o otatou tamana, leia na teuteui ia le loto o le sau ke fakakololia feneeki ai le fale o le Eteleno i Selusalemi,

Neemia 13:22

Na kau fakatotonu foki ki le kau Levi ke lotou fakamea, ti ke lotou au o leoleo a matapa, o tupu ke fakatapui le aso o le sapato. Ei loku Atua, ke ke manatui au, o tupu ko le nea lena, ti ke puipui au o tupu ko lou manava alofa lasi !

Neemia 13:31

ti mo le nea o uiga mo le moliga fafie i lakaga kua fakatuutuu ki ai, ti mo uluaki fua. Ei loku Atua, ke ke manatui au, o agamalie mai kiate au !

Neemia 5:19

Ei loku Atua, ke ke manatui au, o tapuaki kiate au o mulimuli ki nea fuli ala na kau fai ki le kakai leinei !

Esaia 38:3

Ei Eteleno ! ke ke manatui na kau saele i ou mua i le agatonu mo le loto saosaoa, ti na kau fai le nea leia e malie ki ou mata ! Ti na tagi loa Esekiasi i le lasi o lona mamae.

Epelo 6:10

Talie e leaise lee agatonu le Atua ke galoi e ia lakoutou gaoi ti mo le alofa leia na kotou fakasa ki lona suafa, i tausi ala na kotou fai ti mo lolotoga fai nei ki le kau sagato.

Apokalipisi 3:5

Ko leia e malo loa, e fakakofu loa a ia ki ni kofu tetea ; e leaise kau soloi loa lona igoa i le tosi o le mauli, ti e kau fakasa loa lona igoa i mua o loku Tamana ti mo mua o ana kau aselo.