Neemia 12:43 - Tosi Tapu

⁴³ Na momoli loa i le aso lena ni sakilifisio lasi, i le fiafia, talie na tuku e le Atua se fiafia lasi ki le kakai. Na fiafia foki a fafine mo toe, ti na logo loa ki mamao a kalaga fakafiafia o Selusalemi.

Neemia 12:43 ပူးပေါင်းရင်းမြစ်များ

Lua tosi o Koloniko 20:13

Na tuu Suta katoa i mua o le Eteleno, mo olatou makopuna fuli, mo olatou avaga mo olatou vosa.

Lua tosi o Koloniko 20:27

Na toe liliu loa a tagata fuli o Suta mo Selusalemi mo lolatou pule ko Sosafate i le fiafia lasi ki Selusalemi, talie na fakaapele loa latou e le Eteleno ki le fiafia o tupu ko lana saofaki latou mei olatou fili.

Lua tosi o Koloniko 7:10

I le kau lua tupu tolu o aso o le fitu o masina, na kakau loa e Salomone ki olatou falela le kakai mo le loto fiafia mo nekenekea o tupu ko nea malilie ala na fai e le Eteleno kia Tavite, mo Salomone, ti mo Iselaele, lona kakai.

Esetalasi 3:13

o leaise mafai ke iloa kesekese le logoa o kalaga fakafiafia mo tagi i lotolotoga o le kakai, talie na kalaga leo lasi le kakai o logo ki mamao.

Neemia 12:27

I le aso na fakatapui ai a paa fatu o Selusalemi, na kalagai loa le kau Levi mei potu fuli ala na lotou nonofo ai, ti na aumai loa latou ki Selusalemi ki le fakatapu o le paa fatu, o tupu ke lotou fai le fakatapu o le paa fatu i se fiafia lasi, mo ni sua fakafetai, mo ni katiko, mo ni musika, mo ni sapale, mo ni lute mo ni alepe.

Neemia 12:42

ti mo Maasesa, mo Semaesa, mo Eleasale, mo Usi, mo Sokanane, mo Malekisa, mo Elame, mo Etesele. Na kamata sua loa le kau sua leia na taki e Siselakesa.

Sopo 34:29

Kae i le tasi anoaga, kapau e leaise loto le Atua ke fai ia se nea, ko ai e fakalakasala ia a ia ? Ti kapau e mumuni a ia, ti ko ai e feala ke toe tio kiate ia ? E fai fakatatau e ia ki se puleaga, pe ko se tagata,

Pesalemo 27:6

Ti ko leinei foki, e malaga loku ulu i aluga o oku fili ala e takatakai ia au. E kau momoli loa ni sakilifisio i lona falela, I le tagi o le fakatagi pupusi ; E kau sua loa, e kau fakafetai loa ki le Eteleno.

Pesalemo 28:7

Ko le Eteleno ko loku makeke mo loku paletau. Na fanaki loku loto kiate ia, ti na fakamauli e ia au ; Koia e fiafia lasi ai loku loto, ti e kau fakafetai ai kiate ia i aku sua.

Pesalemo 9:2

E kau fakafetai loa ki le Eteleno i loku loto katoa, Ti e kau fakamatala loa au gaoi malilie fuli.

Pesalemo 92:4

I le ukalele va kau agafulu ti mo le lute, I le leo o le alepe.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Selemia 31:13

Ti e mako fiafia loa taineliki, E toe fiafia foki a kau tupulaga mo kau matua ; E kau fetogi loa lolatou mamae ki le nekenekea ti e kau fakapelepele loa latou ; E kau soli loa kia latou le fiafia i le oki o mamae.

Selemia 33:11

Ki kalaga fakafiafia mo kalaga nekenekea, Ki sua a le tama feauaki ti mo sua a le taine feauaki, Ki le leo o latou ala e pati : Kotou fakafetai ki le Eteleno o kau tau, Talie e agamalie le Eteleno, talie e lee gato lona manava alofa ! Ki le leo o latou ala e momoli ia ni sakilifisio fakafetai I le fale o le Eteleno. Talie e kau toe aumai loa le kau popula o le fenua, E kau toe fakanofo loa latou ofaipe le temi mua, E pati le Eteleno.

Numelo 10:10

I okoutou aso fakafiafia, mo okoutou aso lalasi, ti mo okoutou masina foou, e kotou pupusi loa a fakatagi pupusi, mo ka kotou momoli loa akoutou failaulau mo akoutou sakilifisio fakafetai, ti e lotou fakamanatu loa koutou ki lokoutou Atua. Ko au ko le Eteleno, ko lokoutou Atua.

Mateo 21:15

Kae na loto veli loa le kau pule faisakilifisio mo le kau sekelipa, i lalatou tio ki nea fakamanamana ala na fai e ia, ti mo toe liliki ala kua kalaga i le loto fale tapu : Osana ki le Vosa o Tavite !

Mateo 21:9

Ko latou ala na ano i mua ti mo latou na muli ia Sesu na kalaga : Osana ki le Vosa o Tavite ! Tapusa leia e saele mai i le suafa o le Aliki ! Osana i ganea taualuga ai !

Soane 16:22

Ko koutou foki, e kotou nonofo i le aso nei i le mamae ; kae e kau toe tio loa kia koutou, ti e fiafia loa okoutou loto, ti e leaise too loa e se tasi lokoutou fiafia meia koutou.

Efeso 5:19

Kotou fefakalotomakekeaki ki ni pesalemo, mo ni imi, ti mo ni katiko fakalaumalie, o kotou sua mo fakavikiviki ki le Aliki i lokoutou loto katoa.

Sakopo 5:13

Pe mamae se tasi ia koutou ? Ke faikole a ia. Pe fiafia se tasi ? Ke sua e ia ni katiko.

Uluaki tosi a Samuele 4:5

I le temi leia na ulu ai loa le aleka o le sai a le Eteleno ki le nofolaga tau, na kalaga fakafiafia loa a Iselaele katoa, o galulu ai loa le kele.