Neemia 12:27 - Tosi Tapu

²⁷ I le aso na fakatapui ai a paa fatu o Selusalemi, na kalagai loa le kau Levi mei potu fuli ala na lotou nonofo ai, ti na aumai loa latou ki Selusalemi ki le fakatapu o le paa fatu, o tupu ke lotou fai le fakatapu o le paa fatu i se fiafia lasi, mo ni sua fakafetai, mo ni katiko, mo ni musika, mo ni sapale, mo ni lute mo ni alepe.

Neemia 12:27 ပူးပေါင်းရင်းမြစ်များ

Lua tosi a Samuele 6:12

Na fakasa loa ki le sau ko Tavite : Kua tapuakii e le Eteleno le fale o Opeto-Etome mo ana nea fuli, o tupu ko le aleka o le Atua. Ti na ano loa Tavite, o avake le aleka o le Atua mei le fale o Opeto-Etome ki le kolo o Tavite, i loto malie o ni fakafiafia.

Uluaki tosi o Sau 8:63

Na tamate loa e Salomone ni kau pipi e kau lua tupu lua afe ti mo ni kau ovi e kau lelau kau lua afe ki le sakilifisio fakafetai leia na momoli loa e ia ki le Eteleno. Na fai loa i ai e le sau mo fanau a Iselaele le fakatapu o le fale o le Eteleno.

Uluaki tosi o Koloniko 13:8

Na mako Tavite mo Iselaele katoa i mua o le Atua i le makeke katoa, o sua mo ta ni alepe, mo ni lute, mo ni nafa, mo ni pa, ti mo pupusi ni fakatagi pupusi.

Uluaki tosi o Koloniko 15:12

Na pati loa Tavite kia latou : Ko pule koutou o famili o le kau Levi ; ke kotou fakamea, a koutou mo okoutou fetaina, ti ke kotou paleaki mai le aleka o le Eteleno, o le Atua o Iselaele, ki le ganea leia kua kau teuteui kiate ai.

Uluaki tosi o Koloniko 15:16

Ti na pati loa Tavite ki pule o le kau Levi ke fakatuu olatou fetaina ala na tonu ke sua mo alatou nea fai musika, ni lute, mo ni alepe ti mo ni pa, ti ke lotou fakasa lolatou fiafia lasi ki ni musika logo malie mo makeke.

Uluaki tosi o Koloniko 15:28

Na paleaki ake loa e Iselaele katoa le aleka o le sai a le Eteleno mo ni kalaga fakafiafia, mo ni tatagi o fakatagi pupusi, mo pa, mo lute, ti mo alepe.

Uluaki tosi o Koloniko 15:4

Na fakatasii loa e Tavite a vosa o Alone mo le kau Levi :

Uluaki tosi o Koloniko 16:42

Na tokaga Emani mo Setutune ki fakatagi pupusi mo pa a le kau fai musika, ti mo nea fai musika ala na fakaaoga ki le sua o katiko ki le Atua. Na tuu matapa a vosa o Setutune.

Uluaki tosi o Koloniko 16:5

Ko lolatou pule ko Asafe ; ko le lua ko Sakalia, mo Seiele, mo Semilamote, mo Sesiele, mo Matitia, mo Eliape, mo Penasa, mo Opeto-Etome, mo Seiele. Na lotou maua ni nea fai musika : ko ni lute, mo ni alepe ; ti na ta e Asafe a pa.

Uluaki tosi o Koloniko 23:5

ti ke nofo ni tino afe e fa ko tagata leo matapa, ti ke tokaga ni tino afe e fa ki le fakavikiviki ki le Eteleno mo nea fai musika ala na kau teuteui ki le fakavikiviki.

Uluaki tosi o Koloniko 26:31

O uiga mo le kau Epelone, leia ko lona pule ko Selisa, na fai loa, i le kau fa fetuu o le sau a Tavite, ni afa o uiga mo lolatou sakoga mo olatou famili, ti na maua loa ia latou ni tagata toa i Saesele i Kalaate.

Lua tosi o Koloniko 29:25

Na fakanofo loa e ia le kau Levi i le fale o le Eteleno mo ni sapale, mo ni lute, mo ni alepe, o mulimuli ki le fakatotonu a Tavite, mo Kate, le polofeta a le sau, ti mo Natane, le polofeta ; talie ko se fakatotonu a le Eteleno, leia na tuku e ana polofeta.

Lua tosi o Koloniko 29:30

Ti na pati loa le sau ko Esekiasi mo pule ki le kau Levi ke sua mo fakafetai ki le Eteleno ki folafola a Tavite mo le polofeta ko Asafe ; ti na lotou sua fakafetai loa i le fiafia, ti na lotou punou loa ki le kele, o atolasio ki le Eteleno.

Lua tosi o Koloniko 5:13

na soko loa i le lakaga leia na kau fakatasi ai loa le kau pupusi fakatagi mo le kau sua, ke lotou leo tasi i le sua mo le fakafetai ki le Eteleno ; ti na lotou siki fakatasi ake loa olatou leo mo fakatagi pupusi, mo pa, mo la ake a nea fai musika, o sua ki le Eteleno : Talie e agamalie a ia, talie e lee gato lona manava alofa ! I le temi lena na fakaapele loa le fale ki se ao, io le fale o le Eteleno.

Lua tosi o Koloniko 7:6

Na fai e le kau tagata faisakilifisio lalatou gaoi, ti na fai foki e le kau Levi lalatou gaoi mo alatou nea fai musika ki le Eteleno, ala na fai e le sau ko Tavite ke sua ki ai a fakavikiviki ki le Eteleno, i le aso leia na tuku ai loa e Tavite kia latou ke fakafetai ki le Eteleno, o pati : Talie lee gato lona manava alofa ! Na pupusi e tagata faisakilifisio ni fakatagi pupusi i olatou mua. Ti na tutuu le kakai katoa o Iselaele i aluga.

Esetalasi 6:16

Ko fanau o Iselaele, mo le kau faisakilifisio, mo le kau Levi, ti mo le kakai leia na toe liliu mei le popula, na fakatapu ia loa le fale o le Atua i le fiafia.

Neemia 11:20

Ko le toega o Iselaele, le kau tagata faisakilifisio mo le kau Levi, na nonofo loa i kolo fuli o Suta, i lona kele.

Neemia 12:43

Na momoli loa i le aso lena ni sakilifisio lasi, i le fiafia, talie na tuku e le Atua se fiafia lasi ki le kakai. Na fiafia foki a fafine mo toe, ti na logo loa ki mamao a kalaga fakafiafia o Selusalemi.

Neemia 8:17

Ko le kakai katoa leia na toe liliu mai mei le popula na fakatuu ia loa ni fale pola, ti na lotou nonofo loa i ai. Talu mei le temi o Sosue, vosa o Nune, o kaku mai ki le aso leinei, na leaise fai e fanau a Iselaele se nea o tatau mo le nea leinei. Ti na i ai loa se fiafia lasi.

Pesalemo 149:3

Ke lotou fakafetai ki lona suafa i ni mako, Ke lotou sua fakafetai kiate ia i le alepe mo le nafa !

Pesalemo 30:1

Pesalemo. Katiko ki le fakatapu o le fale tapu. A Tavite.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Tetelonome 20:5

Ti e masau loa le kau ofisa ki le kakai, o lotou pati loa : Ko ai leia na fakatuu ia se fale foou, kae e leikiaise nofo a ia i ai ? Ke mavae a ia, ti ke toe liliu a ia ki lona kaiga, na mate loa a ia i le tau, kae nofoi loa lona fale e se tasi ake.

Filipe 4:4

Kotou fiafia tuumau i le Aliki, e kau toe liuga atu a ia, kotou fiafia.

Apokalipisi 5:8

I lana too le tosi, na tulolo loa a manu mauuli e fa ti mo matua e tino lua tupu fa i mua o le Akeno, o tasi too lana alepe ti mo ni ipu aulo kua apelepele i kaloni, ala ko faikole a le kau sagato.