Neemia 10:39 - Tosi Tapu

³⁹ Talie e aumai loa e fanau a Iselaele mo vosa o Levi ki kogafale tanaki o koloa a moliga fulumeto, mo moliga vino, mo moliga lolo, ki le ganea leia e tanaki ai a ipu o le sagatualio, ti e nonofo ai le kau tagata faisakilifisio leia e fai ia le tausi, mo le kau tuu matapa, mo le kau sua. Ko lamatou fakapapau a ia ke aua na tiaki le fale o lomatou Atua.

Neemia 10:39 ပူးပေါင်းရင်းမြစ်များ

Lua tosi o Sau 7:10

Na lotou ano loa, o kalagai a tagata leo o le matapa o le kolo, ti na lotou fakamatala loa kia latou, o pati : Na motou ulu ki le nofolaga o le kau Silia, ti ko leinei, na leaise tasi fua i ai, na leaise logo fua i ai ki se leo o se tagata ; gato fai ki osi mo asino na sasai i ai, ti mo falela na titiaki felaaki i ai.

Lua tosi o Koloniko 31:11

Na fakatotonu loa e Esekiasi ke teuteui ni kogafale i le fale o le Eteleno ; ti na teuteui loa latou.

Lua tosi o Koloniko 31:12

Na aumai totonu loa ki ai a moliga, mo le vaega kau agafulu, mo nea taputapu. Na pule loa ki ai le Levi ko Konania, ti na tokoi kiate ia lona taina ko Simeli.

Neemia 12:47

I le temi o Solopapele mo Neemia, na soli e Iselaele katoa a vaega o le kau sua mo le kau tuu matapa, i aso taki tasi ; ti na soli ki le kau Levi a nea taputapu, ti na soli e le kau Levi ki vosa o Alone a nea taputapu.

Pesalemo 122:9

O tupu ko le fale o le Eteleno, lotatou Atua, E kau fai ni fakaamu ki lou manuia.

Numelo 18:26

E ke masau loa ki le kau Levi, ti ke pati loa kia latou : Ka kotou tali loa mei fanau a Iselaele le vaega kau agafulu leia e kau soli kia koutou meia latou ofaipe sokoutou tofiga, e too loa i ai se moliga ki le Eteleno, ko se vaega kau agafulu o le vaega kau agafulu ;

Numelo 18:30

E ke pati loa kia latou : Ka kua kotou too loa le vaega malie tukupau, e lau loa le vaega kau agafulu ki le kau Levi ofaipe le fua o le sasaaga fulumeto mo le tanakiaga vino.

Tetelonome 12:17

E leaise feala loa ke ke kai i ou matapa le vaega kau agafulu o lau fulumeto, mo lau vino foou, mo lau lolo, mo manu uluaki o lau kau manu lalasi mo lau kau manu liliki, mo se moliga ki se fakapapau, mo au moliga alofa, mo au uluaki fua.

Epelo 10:25

Ke aua na tou tiaki latatou fakatasi ofaipe le fai masani a ni iki, kae tou feakonakiaki ia tatou, ti e toe asilisili ake le nea lena kua kotou tio kua ofi mai le aso.