Neemia 10:37 - Tosi Tapu

³⁷ ke aumai ki le kau tagata faisakilifisio, ki kogafale o le fale o lomatou Atua, a uluaki fua o lamatou falina kua lusi ti mo amatou moliga o laakau fua fuli, mo le vino, mo le lolo ; ti ke soli le vaega kau agafulu o lomatou kele ki le kau Levi, ti e tonu ke lotou too le vaega lena i kele fuli ala kua motou gaoi.

Neemia 10:37 ပူးပေါင်းရင်းမြစ်များ

Lua tosi o Koloniko 31:6

Na toe tatau foki mo fanau a Suta mo Iselaele ala na nonofo i kolo o Suta, na lotou soli loa le vaega kau agafulu o alatou kau manu lalasi mo kau manu liliki, ti mo le vaega kau agafulu o nea taputapu ala na fakatapui ki le Eteleno, lolatou Atua, ti na tanaki loa latou i ni tuuga mauke ai.

Neemia 13:10

Na kau logo foki na leaise soli a vaega o le kau Levi, ti kua sosola le kau Levi mo le kau sua, ala na tokaga ki le tausi, ki lona fenua.

Neemia 13:12

Ti na toe aumai loa e Suta katoa ki fale tanaki koloa le vaega kau agafulu o le fulumeto, mo le vino, mo le lolo.

Neemia 13:5

na soli ia kia Topisa se kogafale lasi, leia na tanaki ai a moliga i mua, mo le iseso, mo ipu, mo le vaega kau agafulu o le fulumeto, mo le vino, mo le lolo, io, le nea leia na fakatotonu ke soli ki le kau Levi, mo le kau sua, ti mo le kau tuu matapa, ti mo le nea leia na vaei ki le kau tagata faisakilifisio.

Neemia 13:9

ti na kau fakatotonu loa ke fakamea a kogafale, ti na kau toe tanaki loa ki ai a ipu o le fale o le Atua, mo moliga, mo le iseso.

Ekesote 13:12

e ke vaei kese loa ki le Eteleno a uluaki fuli, tatau foki mo uluaki fuli o manu ala e ke maua loa : E maua loa e le Eteleno a manu tagata.

Ekesote 13:2

Momoli mai kiate au a uluaki fuli, a uluaki fuli o fanau a Iselaele, tatau fai a tagata mo manu : Ko loku vaega latou.

Levitiko 23:17

E kotou ave loa i okoutou fale ni fa pane e lua ke momoli ki le Eteleno ; e teuteui loa le fa pane e tasi ki ni kilo falina e tolu ti e tao loa a ia mo se fakatupu. Ko uluaki fua ana ki le Eteleno.

Malakia 3:10

Kotou aumai ki le fale tanaki koloa a vaega kau agafulu fuli, O tupu ke i ai se nea kai i loku fale ; Kotou asiasii au i le nea aia, E pati le Eteleno o kau tau, Ti e kotou tio loa pe leaise kau fakamavaa loa kia koutou a matapa o atu lagi, Pe leaise kau liligi loa kia koutou le tapuakina o lasi ai.

Malakia 3:8

Pe kakaai e se tagata le Atua ? Talie e kotou kakaai au, Ti e kotou pati : Kolea le nea leia na motou kakaai ai a koe ? I vaega kau agafulu mo moliga.

Numelo 18:15

E ke maua loa a uluaki fuli ala e lotou momoli loa ki le Eteleno, tatau fai a uluaki o tagata mo manu. Kae e ke fakatotogi loa le uluaki o le tagata, ti e ke fakatotogi loa le uluaki o le manu kelekele.

Numelo 18:18

E ke maua loa olatou kanofi, ofaipe le vakavakapu leia e liliaki ki fetuu mo fetuu ti mo le alaga muli atamai.

Numelo 18:21

E kau soli ki vosa o Levi ofaipe se tofiga a vaega kau agafulu fuli i Iselaele, ki le tausi leia e lotou fai, le tausi o le falela tapu.

Loma 11:16

Talie kapau e maokioki a uluaki fua, e toe fenaaki foki mo le fua katoa ; ti kapau e maokioki le aka, e toe fenaaki foki mo laa.

Tetelonome 14:22

I fetuu fuli e ke too loa le vaega kau agafulu o le nea leia e fakatupu loa e lau pulapula, mo le fua o lau faisaga.

Tetelonome 18:4

E soli loa kiate ia a uluaki fua o lau fulumeto, mo lau vino foou, mo lau lolo, mo fului manu o lau kau manu liliki ;

Tetelonome 26:2

e ke too loa ni uluaki fua mei fua fuli ala e ke maua loa mei lou kele i le fenua leia e soli atu loa kiate koe e le Eteleno, lou Atua. E ke tanaki loa latou ki se kete ti e ke ano loa ki le ganea leia e filifili loa e le Eteleno, lou Atua, ke fakanofo ai lona suafa.