Naume 1:9 - Tosi Tapu

⁹ Kolea e kotou fakakaukaui ki le Eteleno ? Ko ia leia e maumaui ia. E leaise sa tua lua loa le mamae !

Naume 1:9 ပူးပေါင်းရင်းမြစ်များ

Lua tosi a Samuele 20:10

Na leaise tokaga loa Amasa ki le seleta leia na too e le lima o Soape ; ti na sukii loa a ia e Soape i lona manava, ti na maluku ai loa ona vava ki le kele, ti na leaise toe sukii tua lua loa e ia. Ti na mate ai loa Amasa. Na ano loa Soape mo lona taina ko Apisai, o tuli a Sepa, vosa o Pikili.

Pesalemo 21:11

E ke fakapuli loa lolatou sakoga i le malama nei, Ti mo lolatou lanu i loto malie o vosa o tagata.

Pesalemo 33:10

E maumaui e le Eteleno a fakatuutuu a atu puleaga, E fakanoai e ia a fakatuutuu a kakai ;

Taagapati 21:30

E leaise tuu se poto, pe ko se atamai, Pe ko se tokoi i mua o le Eteleno.

Esaia 28:22

Koia, i le aso nei, aua na kotou gologolo, Ke aua na toe fakamakeke okoutou sai ; Talie ko le maumaui o le fenua katoa kua oki i le fakapapau ; Na kau iloa le nea lena mei le Aliki, le Eteleno o kau tau.

Selemia 51:64

Ti e ke pati loa : E feneeki loa le ogo o Papilone, e leaise toe tuuake loa a ia ki aluga mei malaia ala e kau aumai loa kiate ia. E mamate loa a atu puleaga. Ko le gatoaga leinei o folafola a Selemia.

Esekiele 21:5

Na kau pati : Ei Aliki Eteleno ! E lotou pati kiate au : Pe leaise ko se tagata fai folafola fakatata a ia ? Folafola o le seleta a le Eteleno

Esekiele 7:5

Koia e folafola ai le Aliki, le Eteleno : Ko se malaia, ko se malaia e tasi ! Ko leinei, e au a ia !

Oseo 7:15

Na kau tautea latou, na kau fakamakeke olatou lima ; Kae e lotou fakakaukau le veli kiate au.

Naume 1:11

Meiate koe e ulu mai Leia na metitasio ia le veli ki le Eteleno, Leia na nofo mo ni fakatuutuu veveli.

Lua tosi ki le kau Kolinto 10:5

E ma soloi ki lalo a fakakaukau mo nea taualuga fuli ala e malaga ake ki le iloa o le Atua, ti e ma fakapilisoni a manatu fuli o aumai latou ki le fakalogo kia Kilisito.

Uluaki tosi a Samuele 26:8

Na pati loa Apisai kia Tavite : Kua tuku e le Atua i le aso nei lou fili ki ou lima ; e kau kole atu kiate koe ke ke tuku mai ke kau tooi a ia ki laku tao ke piki ki le kele, i se fa soka fai e tasi, ti ke aua na kau toe liuga a ia.

Uluaki tosi a Samuele 3:12

I le aso lena e kau fakasoko loa kia Eli a nea fuli ala kua kau fakasa ki lona fale ; e kau kamata loa ti e kau fakaoki loa.