Mikea 7:4 - Tosi Tapu

⁴ Ko leia e malie ia latou e faipe se laakau talatala, Ko leia e faitotonu ia latou e veli ake i le vao sukisuki. Ko leinei kua ofi mai le aso leia na fakasa e au kau polofeta, le aso o lou tautea. I le aso lena e lotou nofo loa i le luma.

Mikea 7:4 ပူးပေါင်းရင်းမြစ်များ

Esaia 10:3

Kolea ka kotou fai loa i le aso o le tautea Ti mo le maumau leia ka vilo loa kia koutou mei se fenua mamao ? Ko ai leia ka kotou sosola loa ki ai, ke tokoi atu kia koutou, Ti kofea ka kotou tuku ai loa lokoutou kololia ?

Esaia 22:5

Talie i le aso nei, kua tuku mai kia matou e le Aliki, le Eteleno o kau tau, Le mamae, mo le lava, ti mo le luma. I le vaivailiua o tio kua maumaui a paa, Ti kua kaku a tagi fakaaloalofa ki le mauga.

Esaia 55:13

E tupu loa le sipele i le ganea leia na tuu ai le laakau talatala, Ti e tupu loa le mila o fetogi le vao veli ; Ti e liliu loa le nea lena ko se kololia ki le Eteleno, Ko se fakamanatu lee gato, leia e leaise toe puli loa.

Selemia 10:15

Ko ni nea mamate latou, ko se gaoiaga kaka ; E lotou maumau loa, mo ka au loa le tautea.

Selemia 11:23

E leaise sao loa se tasi o latou ; Talie e kau kakau mai loa le malaia ki le kakai o Anatote, I le fetuu leia e kau tautea ai loa latou.

Selemia 46:21

E saele ana kau solia totogi mo ia ofaipe ni uviki pipi na fakapepeti. Kae ko latou foki, e lotou titua, e lotou sosola fuli sala ga fakatutuu fua. Talie kua soko le aso o lolatou malaia, Le aso o lolatou tautea.

Selemia 8:12

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa fua le luma. Koia leia e lotou vivilo loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Esekiele 2:6

Ti ko koe, vosa o le tagata, aua na ke i kia latou, aua na ke i kia alatou masau, logo ai e ke maua i ou tafa ni laakau talatala mo ni laakau sukisuki, ti e ke nofo fakatasi mo ni sekolopio ; aua na ke i o tupu ko alatou masau, ti aua na ke lulu o tupu ko olatou mata, talie ko se famili latou o ni kau agatuu.

Esekiele 28:24

Ti e leaise toe liliu loa a ia ki le fale o Iselaele Ko se talai laakau leia e fakalavea ia, se laakau sukisuki leia e fakamasae ia, I lotolotoga o latou fuli ala e takatakai ia a ia ti e vesia kiate ia. Ti e lotou iloa loa ko au ko le Aliki, le Eteleno.

Amosi 8:2

Na pati loa a ia : Kolea e ke tio ki ai, Amosi ? Na kau tali loa : Ki se kete fuai laakau. Ti na pati mai loa le Eteleno kiate au : Kua soko mai le fakaoki ki loku kakai ko Iselaele ; E leaise kau toe fakamolemole loa kiate ia.

Naume 1:10

Talie e fui loa latou ofaipe ni vao talatala, Ti e lotou konana loa i le vino, E tutu loa latou, Ofaipe le penui fulumeto malo, katoa.

Luka 21:25

E i ai loa ni fakamailoga i le laa, mo le masina, ti mo fetuu. I le malama nei, e lulu loa le kakai i le i, o tupu ko le gugulu faikese o le tai ti mo le galu.

Epelo 6:8

kae kapau e fakatupu e ia ni malualoi mo ni laakau talatala, e leaise aoga a ia, ti e leaise tuvai lona fakamalaia ; ti e fakaoki loa a ia o tutu i le afi.