Mikea 7:1 - Tosi Tapu

¹ Malaia kiate au ! talie kua kau fai pe se tagata leia e ano o afa ni fuai laakau i le oki o le tau kai, Leia e ano o afa ni fui vite i le oki o le tau o le vite : E leaise maua e ia se fui vite ke kai, pe ko se fa fiki suamalie leia e manako ki ai lona laumalie.

Mikea 7:1 ပူးပေါင်းရင်းမြစ်များ

Pesalemo 120:5

Malaia kiate au mo ka kau nofo i Meseke, mo ka kau nofo i falela o Ketale !

Taagapati 20:6

E toka api latou ala e fakasa ia lolatou agamalie ; Kae ko se tagata agatonu, ko ai e maua ia loa a ia ?

Esaia 17:6

E toe loa se ganea ke taetaega, ofaipe le oki leia o le lulu o se olive, Lua, tolu fa olive, i le tumutumu, Fa, lima, i ona laa ala na fua.

Esaia 24:13

Talie kua tatau i le fenua mo loto malie o kakai, Pe ka oki le olive i le lu, Pe ka oki le vite i le tau, E leaise toe se nea.

Esaia 24:16

E motou logo ki se sua mei le potupotu o le malama nei : Kololia ki le Atua faitotonu ! Kae ko au e kau pati : Kua kau puli ! kua kau puli ! malaia kiate au ! Kua kaia le kau kaia ; kua kaia ki le mate le kau kaia.

Esaia 28:4

Ti ko le fa se gini, leia e fulumalie ai lona kofu, I le tumutumu o le vaivailiua kele mauli, E fai loa pe se fa fiki tomua leia e sa i mua o le temi tau o fiki, Leia e taui e le lima o folo aifai.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Selemia 15:10

Malaia kiate au, ei loku tinana, i lau fakatupu ia au, Ko se tagata fakatupu visi ti mo fakatupu fefele ki le fenua katoa ! E leaise kau too maua, ti e leaise kau soli maua, Kae e lotou fakamalaia fuli mai kiate au.

Selemia 24:2

Na tuku ni fiki malilie saosaoa i se kete e tasi, ofaipe ni fiki o le uluaki taukai fiki, kae na tuku i leia ake a kete ni fiki veveli, ala na leaise feala ke kai, o tupu ko lolatou fua veveli.

Selemia 4:31

Talie e kau logo ki ni tagi ofaipe ni tagi i le mamae a se fafine e lolotoga gaoi, Ni tagi o le mamae ofaipe se uluaki fanau. Ko le leo o le taine o Sione ; e tukumanava a ia, e siki e ia ona lima, O pati : Malaia kiate au ! E gaegae loku laumalie o tupu ko le kau tukipo !

Selemia 45:3

E ke pati : Malaia kiate au ! Talie kua fakalasi e le Eteleno loku mamae ki ni iki ake mamae ; kua kau gaegae i le tagi, ti e leaise kau maua fua se ga malolo.

Selemia 5:1

Kotou foli i ala o Selusalemi, Kotou tio, kotou iloa, kotou afa i nofoaga fakafenua, Pe nofo i ai se tagata, pe i ai se tasi Leia e fai ia le faitotonu, leia e pipiki ki le maoki, Ti e kau fakamolemole loa ki Selusalemi.

Oseo 9:10

Na kau maua Iselaele ofaipe ni fuai vite i le toafa, Na kau tio ki okoutou tamana ofaipe uluaki fua o se fiki ; Kae na lotou ano kia Paale-Peoli, Na lotou fakatapu latou ki le taulaatua fakalialia, Ti na lotou liliu o fakalialia ofaipe le nea leia na lotou alofa ki ai.

Numelo 18:13

E ke maua loa a uluaki fua fuli o le kele, ala e lotou ave loa ki le Eteleno. E kai loa ki ai leia e mea loa i lou fale.