Mikea 3:11 - Tosi Tapu

¹¹ E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Mikea 3:11 ပူးပေါင်းရင်းမြစ်များ

Taagapati 17:23

Ko le tagata agaveli e tali fakafufu ia ni nea alofa Ke fetogi ai a ala o le faitotonu.

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 48:2

Talie e lotou igoa ki le kolo maokioki, Ti e lotou fanaki ki le Atua o Iselaele, Leia ko lona igoa ko le Atua o kau tau.

Esaia 5:23

Kia latou ala e fakatonu ia leia e sala ki se nea alofa, Kae e fakalakasala ia latou e saosaoa !

Esaia 56:11

Ti ko ni kuli uakai latou ala e leaise toe makokona ; Ko ni tagata tausi manu latou ala e leaise matala ki se nea ; E lotou tasi mulimuli fuli i lona ala, O tasi fai le nea e malie kiate ia, o kaku ki le mulimuli :

Selemia 23:17

E lotou pati kia latou ala e vesia kiate au : Na pati le Eteleno : E kotou maua loa le tokamalie ; Ti e lotou pati kia latou fuli ala e saele o mulimuli ki oli o olatou loto : E leaise soko loa se veli kia koutou.

Selemia 26:7

Na logo loa le kau faisakilifisio, mo le kau polofeta, mo le kakai katoa ki le fakasa e Selemia o folafola ana i le fale o le Eteleno.

Selemia 5:12

E lotou fakafiti ki le Eteleno, e lotou pati : E leaise Atua ! Ti e leaise au loa le malaia kia tatou, E leaise tou tio loa ki le seleta mo le oge.

Selemia 6:13

Talie mei leia e ikiiki o kaku ki leia e lasi, E lotou manumanu fuli ki le paaga ; Mei le polofeta o kaku ki le tagata faisakilifisio, e lotou fai kaka fuli.

Selemia 7:4

Aua na kotou fanaki ki ni amanaki kaka, o pati : Ko leinei le fale tapu o le Eteleno, le fale tapu o le Eteleno, Le fale tapu o le Eteleno !

Selemia 8:10

Koia e kau soli ai loa alatou avaga ki ni tagata kese, Ti mo alatou faisaga kia latou ala e fakamativa ia loa latou. Talie mei leia e ikiiki oki o kaku ki leia e mauiga, E lotou manumanu nea fuli ; Mei le polofeta o kaku ki le tagata faisakilifisio, E lotou fai nea fuli i le kaka.

Esekiele 22:12

Kua tali i lou fale ni nea alofa ke liligi ai le toto ; ti kua ke fakamaua fakavale se tupu o lau paaga, mo se tupu o lau nea gaoi, ti kua ke kaia fakamakeke lou oloi, kae ko au, kua ke galoi au, e pati le Aliki, le Eteleno.

Esekiele 22:27

Kua fai ona pule pe ni lupo i loto malie o ona, ala e sae ia lalatou nea kai ; kua lotou liligi le toto, ti kua lotou tukipooi a laumalie, o tupu ke fakamakona ai lolatou manumanu koloa.

Esekiele 34:2

Vosa o le tagata, kikite ki le kau tausi manu o Iselaele ! kikite, o pati kia latou, ki le kau tausi manu : E folafola le Aliki, le Eteleno, o pati : Malaia ki le kau tausi manu o Iselaele, latou ala e fagai ia latou totonu ! Pe leaise tonu ke fagai e le kau tausi manu le kau manu ?

Oseo 4:18

Kua lotou mumui o inu kava, Kua lotou faiaga tuumau ; Kua manako olatou pule ki le luma.

Oseo 4:8

E lotou kai a agasala o loku kakai, E lotou oli mamae ai ki ana agaveli.

Amosi 5:14

Kotou afa le malie, kae aua le veli, o tupu ke kotou mauli, Ti ke nofo le Eteleno, le Atua o kau tau, mo koutou, Ofaipe le nea leia e kotou fakasa ia.

Amosi 9:10

E mamate loa a tagata agasala fuli o loku kakai i le seleta, Latou ala e pati : E leaise fakafeofi mai loa le malaia, e leaise kaku mai loa a ia kia tatou.

Mikea 3:5

Koia e folafola ai le Eteleno ki le kau polofeta ala e fakasese ia loku kakai, Ala e fakasa ia le tokamalie mo kapau e maua e olatou nifo se nea ke uuti, Ala e fakasa ia le tau mo kapau e leaise soli ake se nea ki olatou gutu :

Mikea 7:3

Kua poto olatou lima i le fai o le veli : Kua fakamakeke e le aliki ni nea alofa, Kua fakamaua e le tui fakamaau se totogi, Kua fakasa e le tagata lasi lona manumanu, Ti kua lotou kau fakatasi fuli latou ana.

Sofoni 3:3

Ko ona pule i loto malie o ona e fai pe ni laione kaikai ; Ko ona tui fakamaau ko ni lupo o le afiafi ala e leaise fakatoe ia se nea ki le usu.

Sofoni 3:4

E matasosoka mo kaka ona polofeta ; E maumaui e ana tagata faisakilifisio a nea tapu mo le lao.

Malakia 1:10

Ko ai leia ia koutou e tapono ia loa a matapa, Ke aua na kotou tutu noa le afi i aluga o loku aletale ? E leaise kau maua fua se fiafia e tasi ia koutou, e pati le Eteleno o kau tau, Ti e leaise malie kiate au a moliga o okoutou lima.

Malakia 2:9

Ti ko au, e kau fakaliliu loa koutou ko ni nea noa mo fakalialia Ki mata o le kakai katoa, Talie na leaise kotou taupau oku ala, Ti na kotou tio ki mata o tagata Mo ka kotou too le lao.

Numelo 16:15

Na ita lasi ai Moisese, ti na pati loa a ia ki le Eteleno : Aua na ke tali alatou moliga. Na leaise kau too se asino fua e tasi ia latou, ti na leaise kau fai se nea veli fua e tasi ki se toka tasi o latou.

Numelo 22:7

Na ano loa le kau matua o Moape, mo le kau matua o Matiane ki le fale o Palaame, mo ni nea alofa ke totogi ai le tagata fai tutuku. Na lotou kaku loa ki lona fale, ti na lotou fakasa loa kiate ia a masau fuli a Palake.

Mateo 3:9

ti aua na kotou pati i okoutou loto : Ko Apalaamo ko lomatou tamana ! Talie e kau fakasa kia koutou, mei fatu anei, e mafai ke fakatupu e le Atua ni fanau kia Apalaamo.

Uluaki tosi kia Timoteo 3:3

E tonu ke aua na inu kava a ia, pe agamakeke, kae ke agamalu, mo fakatokatoka, ti ke aua na manumanu paaga.

Tito 1:11

Ti e tonu ke tapono olatou gutu. E lotou kakai ni famili katoa, o akonaki le nea leia e leaise tonu ke akonaki o tupu ko se totogi fakalumaluma.

Uluaki tosi a Petelo 5:2

Kotou fagai le kau ovi a le Atua leia kua tuku atu ke kotou tausi, o leai i le fakatotoso, kae i le loto malie, o mulimuli ki le finegalo o le Atua ; o leai i le oli ke maua se paaga, kae i le mafi o le alofa ;

Suta 1:11

Malaia kia latou ! Talie kua lotou muli i le ala o Kaino, ti kua lotou fakatau latou o tupu ko se totogi ki le sese o Palaame, ti kua lotou mamate i le agatuu a Kole.

Uluaki tosi a Samuele 8:3

Na leaise saele loa a vosa o Samuele i ona ala ; na la manumanu koloa loa, o la tali loa ni nea alofa ti na la maumaui loa le faitotonu.