Mikea 3:1 - Tosi Tapu

¹ E kau pati : Kotou fakalogo, pule o Sakopo, Ti mo aliki o le fale o Iselaele ! Pe leaise ko koutou ala e tonu ke iloa ia le faitotonu ?

Mikea 3:1 ပူးပေါင်းရင်းမြစ်များ

Neemia 13:17

Na kau fai loa ni valoki ki le kau lalasi o Suta, ti na kau pati loa kia latou : Kolea le nea veli leinei kua kotou fai, o kotou maumaui le aso o le sapato ?

Pesalemo 14:4

Pe kua puli olatou atamai, latou fuli ala e fai ia le veli ? E lotou kai loku kakai, e lotou too a ia ofaipe se nea kai ; E leaise lotou fetapa fua ki le Eteleno.

Esaia 1:10

Pule o Sotoma, kotou fakalogo mai ki le folafola a le Eteleno ! Kakai o Komola, fakalogo mai lou taliga ki le lao o lomatou Atua !

Esaia 10:2

Ke aua na fakamaau i le faitotonu le kau mativa, Ti ke fakafiti a tagi a le kau gaegae o loku kakai, Ti ke fakaliliu a fafine lokonui ko alatou nea kai, Ti mo toe sala matua ko olatou koloa !

Esekiele 22:6

Ko leinei, i loto malie o ou, kua fakaaoga e pule fuli o Iselaele lolatou makeke ke liligi ia le toto ;

Esekiele 34:2

Vosa o le tagata, kikite ki le kau tausi manu o Iselaele ! kikite, o pati kia latou, ki le kau tausi manu : E folafola le Aliki, le Eteleno, o pati : Malaia ki le kau tausi manu o Iselaele, latou ala e fagai ia latou totonu ! Pe leaise tonu ke fagai e le kau tausi manu le kau manu ?

Esekiele 34:3

Na kotou kai le gako, ti na kotou teu ki le fului akeno, ti na kotou tamate a manu pepeti, ti na leaise kotou fagai le kau ovi.

Esekiele 9:9

Na tali mai loa a ia kiate au : Kua lasi ai le agaveli o le fale o Iselaele mo Suta ti kua fakalaka foki a ai ; kua apele le fenua i tukipo, ti kua apele le kolo i agatuu, talie e lotou pati : Kua tiaki e le Eteleno le fenua, ti e leaise tio le Eteleno ki se nea.

Oseo 5:1

Kotou fakalogo mai ki le nea leinei, kau faisakilifisio ! Tokaga mai, fale o Iselaele ! Fakalogo mai lou taliga, fale o le sau ! Talie ko koutou ala e fai ki ai le fakamaau, Talie na kotou liliu ko se masele i Misipa, Ti ko se kupega na fola i le mauga o Tapole,

Amosi 4:1

Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia, Koutou ala e fakamamae ia le kau mativa, ti e takatakafi ia le kau fakaaloalofa, Koutou ala e pati ki okoutou avaga : Kotou aumai, ti ke tou inu !

Amosi 6:1

Malaia kia latou ala e mauli fakafulufulumalie i Sione, Ti e fimalie i le mauga o Samalia ! Ki kau lalasi ana o le uluaki o atu puleaga fuli, Latou ana e ano ki ai le fale o Iselaele !…

Mikea 2:13

Ko leia e fakamavaa ia loa le ala e pale loa i olatou mua ; E lotou fakamavaa loa se uluaga, e lotou fakalaka loa i le matapa ti e lotou ulu loa ki fafo ; E saele loa lolatou sau i olatou mua, Ti e ano loa le Eteleno i lolatou ulu.

Uluaki tosi ki le kau Kolinto 6:5

E kau fakasa le nea lena ke kotou luma ai. Koia e leaise maua ai se poto e tasi ia koutou ke fakamaaui ia ona fetaina.

Tetelonome 16:18

I kolo fuli ala e soli atu loa kiate koe e le Eteleno, lou Atua, e ke fakanofo loa ni tui fakamaau mo ni ofisa ke fakamaau ia le kakai i le faitotonu.