Mikea 2:1 - Tosi Tapu

¹ Malaia kia latou ala e fakakaukau ia le agaveli mo teuteu ia le veli i olatou moeaga ! I le mafoata e lotou fai a ia, Mo ka e lotou maua ia le pule i olatou lima.

Mikea 2:1 ပူးပေါင်းရင်းမြစ်များ

Senesi 31:29

E makeke feauga loku lima ke kau fai ia kiate koe se nea veli ; kae na pati mai kiate au le Atua o lokoutou tamana i le aso nanafi : Aua na ke masau loa kia Sakopo i se nea malie pe ko se nea veli !

Uluaki tosi o Sau 21:7

Na pati loa Sesapele, lana avaga, kiate ia : Pe ko koe maoki leia e pule ki Iselaele i le lakaga nei ? Tuu ki aluga, o ke kai, ti ke fakafiafia lou loto ; ko au, e kau soli loa kiate koe le vite a Napote mei Siseleele.

Esitele 3:8

Ti na pati loa Amane ki le sau ko Asuelusi : E i ai i fenua fuli o lou puleaga se kakai leia kua mavetevete ti kua mavae i la ake kakai, ti e kesekese alatou lao mo lao o kakai fuli, ti e leaise lotou fakalogo fua ki lao a le sau. Koia e leaise aoga ai ki le sau ke tuku latou ke malolo !

Esitele 5:14

Na pati loa Selesa, lana avaga, mo ona kaukaunea fuli kiate ia : Ke teuteui se laakau ke meta kau lua tupu fitu lona taualuga, ti ke kole loa ki le sau i apogipogi ke tautau i ai a Maletoseo ; ti o ke ano loa i le fiafia ki le kai mo le sau. Na malie le manatu lena kia Amane ti na fakatotonu loa e ia ke teuteui le laakau.

Esitele 9:25

Kae i le ano a Esitele ki mua o le sau, na fakatotonu loa e le sau i se tosi ke toe fakavilo ki le ulu o Amane le fakatuutuu veli leia na fai e ia ki le kau Sutea, ti ke tautau a ia ki le laakau, a ia mo ona vosa.

Sopo 15:35

Ko leia e fakakaukau ia le veli e fanaui ia le malaia, Ti e fagai e ia i lona manava ni fua ala e kakai ia a ia.

Sopo 24:14

E tuu le tagata tukipo i le mafoata, O tamate le tagata mativa mo le tagata fakaaloalofa, Ti e kaia a ia i le pouli.

Pesalemo 36:4

Ko masau o lona gutu ko le loi mo le kaka ; E fakafiti a ia ki le poto mo le malie.

Pesalemo 36:5

E metitasio a ia ki le veli i lona moeaga ; E tuu a ia i se ala leia e leaise malie ; E leaise vesia a ia ki le veli.

Pesalemo 58:3

Leai ai ! I le loto, e kotou fai ni agaveli, I le fenua ko okoutou lima ala na fakataga ia le agamakeke e fai ia a fakamaau.

Taagapati 12:2

E maua e le tagata agamalie le kalasia o le Eteleno, Kae e fakamaau e ia le tagata leia e apele i le kaka.

Taagapati 14:22

Pe leaise sese latou ala e fakakaukau ki le veli ? Kae ko latou ala e fakakaukau ki le malie e agamalie mo agatonu.

Taagapati 3:27

Aua na ke fakafiti se nea malie ki leia e tonu ke fai ki ai, Mo kapau e ke mafai a ia.

Taagapati 4:16

Talie e leaise lotou momoe, kae e leikiaise lotou fai le veli ; ti e puli le fia moe ia latou mo ka e leikiaise lotou fakavilo se tasi.

Esaia 29:20

Talie e puli loa le tagata agamakeke, ti e gato loa le tagata gologolo, Ti e tamate loa latou fuli ala na lalama ke fai ia le agaveli,

Esaia 3:14

Kua fakamaaui e le Eteleno A kau matua o lona kakai mo ona kau pule : Na kotou kai loku faisaga vite ! Ti na kotou fakaapele okoutou fale ki nea ala na kotou kaia i le kau mativa !

Esaia 32:7

E matakakai a masafu a le tagata kaka ; E fai e ia ni fakakaukau veveli, Ke fakapuli ai le tagata fakaaloalofa ki ni masau loi, Logo ai pe tonu le tagata mativa.

Esaia 5:8

Malaia kia latou ala e kauga ko le fakatuu fale, Ti mo latou ala e kauga fai ko le fai o ni faisaga, O fakaoki ake e leaise koi maua se ganea lauatea, Ti kua lotou nonofo tefua i le fenua katoa !

Esaia 59:3

Talie e kelekele okoutou lima i le toto, Ti mo okoutou maikao i agaveli ; E masau loi okoutou laugutu, E puaki e okoutou alelo le veli.

Selemia 18:18

Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Esekiele 11:2

Ti na pati mai loa le Eteleno kiate au : Vosa o le tagata, ko ni tagata latou e fakakaukau ki le veli, ti e lotou tuku ia ni tokoi veveli i le kolo leinei.

Esekiele 33:26

E kotou fanaki kia akoutou seleta, ti e kotou fai ni nea fakalialia, ti e kotou tasi ano ki le avaga o lona oloi. Ti e kotou maua loa i ai le fenua !

Esekiele 38:10

Koia e folafola ai le Aliki, le Eteleno, o pati : I le aso lena, e malaga loa ni manatu i lou loto, Ti e ke fai loa ni fakatuutuu veveli.

Esekiele 46:18

E leaise too loa e le tama aliki se nea i le tofiga o le kakai, ti e leaise fakamativa loa e ia le kakai i olatou kele ; ko le nea leia e soli loa e ia ko se tofiga ki ona vosa, e too loa e ia a ia i ona koloa, o tupu ke aua na kapu se tasi i loku kakai i lona tofiga.

Mikea 6:12

Talie kua apele i le agamakeke le kau mou koloa o le kolo leinei, Ti kua masau loi lona kakai, Ti kua kaka olatou alelo i olatou gutu.

Naume 1:11

Meiate koe e ulu mai Leia na metitasio ia le veli ki le Eteleno, Leia na nofo mo ni fakatuutuu veveli.

Sakalia 7:10

Aua na kotou fakamakeke le fafine lokonui mo le fanau sala matua, mo le matapule, ti mo le mativa, Ti aua na kotou fakakaukau i okoutou loto se nea veli ia koutou.

Maleko 15:1

I le usu ake fai, na fono loa le kau pule faisakilifisio, mo le kau matua fau, mo le kau sekelipa, ti mo le fono lasi katoa ki se tonu kia Sesu. Ti na lotou fakatotonu loa ke sai a ia, o ave kia Pilato.

Luka 20:19

Na afa loa e le kau pule faisakilifisio ti mo le kau sekelipa ke too Sesu i le lakaga lena, kae na lotou i loa ki le kakai. Talie na lotou matala loa kua fai e Sesu le folafola fakatata lena kia latou.

Soane 19:11

Na tali loa Sesu : E leaise ke maua loa se pule kiate au, mo kanapau na leaise tuku atu a ia kiate koe mei aluga. Koia ko leia e tuku ia au kiate koe e fai ia se agasala lasi ake.

Gaoi 23:12

I le mafoa mai o le ao, na kauakii loa e le kau Sutea se nea veli, ti na lotou fakapapau loa ke aua na lotou kai pe inu i mua o le tamate o Paulo.

Gaoi 23:15

Ti ko leinei, ke kotou fakatasi mo le fono lasi o kole ki le pule lasi o le solia, ke aumai Paulo ki okoutou mua, o sakinake ke kotou fia iloa maoki lona anoaga totonu ; ti ko matou, i mua o lana fakaofi, e motou teuteu o tamate a ia.

Loma 1:30

Ko latou ko nea gutu mumusu, mo fatufatu, mo vesia ki le Atua, mo fakamakeke, mo fia sa, mo viki tonu, mo fakatupu veli, mo patigataa ki matua, mo sala atamai,

Tetelonome 28:32

E tuku loa ou vosa mo ou taineliki ki se puleaga kese, ti e tio loa ou mata ki ai ti e lotou mamae loa i aso fuli o tupu ko latou, kae e leaise ke mafai ia loa se nea.