Mateo 8:20 - Tosi Tapu

²⁰ Na tali loa Sesu kiate ia : E maua e lenato ni olatou nofoaga, ti e maua e manu lele o le lagi ni olatou ofaga ; kae e leaise maua e le Vosa o le tagata se ganea leia ke fakamalolo ai lona ulu.

Mateo 8:20 ပူးပေါင်းရင်းမြစ်များ

Pesalemo 104:12

E nonofo a manu lele o le lagi i olatou laugutu, Ti e lotou sua i laa o laakau.

Pesalemo 104:17

Ko le ganea lena e fai ai a ofaga o manu lele ; E maua e le amatuku lona nofoaga i sipele.

Pesalemo 109:22

E kau mamae mo mativa, Ti e lavea loku loto iate au.

Pesalemo 40:17

Kae ko latou fuli ala e afa ia a koe Ke lotou nekenekea mo fiafia iate koe, Ko latou fuli ala e alofa ki lou fakamauli Ke lotou pati tuumau : ke fakafetai ki le Eteleno !

Pesalemo 69:29

Ke soloi latou i le tosi o le mauli, Ti ke aua na tosi latou mo le kau agatonu !

Pesalemo 84:3

E oli loku laumalie ti e tagi ki lotoa o le Eteleno ; Ko loku loto mo loku tino e fai ia ni kalaga ki le Atua mauli.

Taniela 7:13

Na kau tio loa i aku moe miti i le pouli, ti ko leinei, na au loa se tasi leia na faipe se vosa o le tagata i ao o le lagi ; na au loa a ia ki le Matua o aso, ti na tuku loa a ia ke fakafeofi ki le Matua o aso.

Mateo 12:32

Ko leia e masau veli loa ki le Vosa o le tagata, e fakamolemole loa kiate ia ; kae ko leia e masau veli loa ki le Laumalie Maokioki, e leaise toe fakamolemole loa kiate ia i le sekulo leinei pe ko le sekulo ka au.

Mateo 12:40

Talie na nofo Sonasi i aso e tolu mo po e tolu i le manava o se ika lasi, ti e nofo loa le Vosa o le tagata i aso e tolu mo po e tolu i le manava o le kele.

Mateo 12:8

Talie e pule le Vosa o le tagata ki le sapato.

Mateo 13:37

Na tali loa a ia kia latou : Ko leia e muluki ia le fakaili malie, ko le Vosa o le tagata ;

Mateo 16:13

Na kaku loa Sesu ki le fenua o Sesalea o Filipo, ti na vesili loa a ia ki ana tisipulo : Kolea le pati a le kakai kiate au, ko le Vosa o le tagata ?

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Mateo 17:9

I le lolotoga o lalatou ifo mei le mauga, na tuku loa e Sesu kia latou le fakatotonu leinei : Aua na kotou masau ki se tasi o uiga mo le nea leia na kotou tio ki ai, o kaku ki le toe tuuake o le Vosa o le tagata mei le kau mate.

Mateo 19:28

Na tali loa Sesu kia latou : E kau pati maoki atu kia koutou, i le aso leia e eke ai loa le Vosa o le tagata ki le ekeekeaga fakasau o lona kololia, i le fakafoou o nea fuli, ko kotou ala na muli mai iate au e kotou ekeeke loa i ni ekeekeaga fakasau e kau agafulu tupu lua, ti e kotou fakamaui loa a faasiga e kau agafulu tupu lua o Iselaele.

Maleko 8:38

Talie ko leia e luma loa kiate au mo aku folafola i loto malie o le tautupu fai feauaki mo agasala leinei, e luma loa le Vosa o le tagata kiate ia, mo ka au loa a ia i le kololia o lona Tamana, mo le kau aselo maokioki.

Luka 12:8

E kau pati atu kia koutou, ko leia e fakasa ia loa au i mua o tagata, e toe fakasa loa a ia e le Vosa o le tagata i mua o le kau aselo a le Atua ;

Luka 18:8

E kau fakasa atu kia koutou, e faitotonu vave loa a ia kia latou. Kae, ka au loa le Vosa o le tagata, pe maua loa e ia le tui i le malama nei ?

Luka 2:12

Ti ko leinei le fakamailoga leia e kotou iloa ai loa a ia : E kotou maua loa se toe memea leia kua kofukofu, ti kua fakamoe i se kaiaga manu.

Luka 2:16

Na lotou ano fakavilivili loa ki ai, ti na lotou maua loa Malia mo Sosefo, ti mo le ga toe memea leia na fakamoe i le kaiaga manu.

Luka 2:7

ti na fanaui loa e ia lona tama uluaki. Na kofukofu loa e ia a ia, o fakamoe i se kaiaga manu, talie na leai se nofoaga i le fale talifanoga kia latou.

Luka 21:36

Koia kotou alaala ai, ti kotou faikole i temi fuli, o tupu ke kotou maua le makeke ke kotou sao ai i nea fuli ala ka soko mai, ti ke kotou tutuu i mua o le Vosa o le tagata.

Luka 8:3

mo Soana, avaga o Kusa ko le pule koloa a Elote, mo Susana, ti mo ni iki ake fafine e toka api, ti na lotou tausi a ia ki olatou koloa.

Luka 9:58

Na tali loa Sesu kiate ia : E maua e lenato ni nofoaga i le kele, ti e maua e manu lele o le lagi ni ofaga, kae e leaise maua e le Vosa o le tagata se ganea leia ke teki ai lona ulu.

Soane 1:51

Na pati loa Sesu kiate ia : E maoki, e maoki, e kotou tio loa ki le lagi kua mavaa, ti mo le kau aselo a le Atua e pale mo ifo i aluga o le Vosa o le tagata.

Soane 12:34

Na tali loa le kakai kiate ia : Kua motou ako i le lao e nofo le Kilisito o lee gato ; e feaki loa lau pati : E tonu ke siki ake ki aluga le Vosa o le tagata mei le kele ? Ko ai le Vosa o le tagata lena ?

Soane 13:31

I le kua ulu a Sutasi ki fafo, na pati loa Sesu : I le lakaga nei, kua fakakololia le Vosa o le tagata, ti kua fakakololia le Atua iate ia.

Soane 3:13

E leikiaise pale se tagata ki le lagi, kae gato fuai ki leia na ifo mei le lagi, le Vosa o le tagata leia e nofo i le lagi.

Soane 3:14

Ti ofaipe Moisese na fakatuu ia le gata i le toafa, e tonu foki ke fakatuu le Vosa o le tagata ki aluga,

Soane 6:27

Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.

Soane 6:53

Na pati loa Sesu kia latou : E maoki, e maoki, e kau pati atu kia koutou, kapau e leaise kotou kai le tino o le Vosa o le tagata, ti kapau e leaise kotou inu lona toto, e leaise kotou maua le mauli ia koutou totonu.

Soane 6:62

Ti e feaki ake loa mo ka kotou tio ki le Vosa o le tagata e pale ake ki le ganea leia na nofo ai i mua ?

Gaoi 7:56

Ti na pati loa a ia : Ko leinei, e kau tio ki le lagi kua mavaa ti mo le Vosa o le tagata e tuu i le fetuu atamai o le Atua.

Lua tosi ki le kau Kolinto 8:9

Talie kua kotou iloa le kalasia o lotatou Aliki ko Sesu-Kilisito, leia na fakamativa o tupu ko koutou kae na mou koloa a ia, o tupu ke kotou mou koloa i lana fakamativa.