Mateo 7:15 - Tosi Tapu

¹⁵ Kotou tokaga ki le kau polofeta kaka. E lotou au kia koutou kua kofu ofaipe ni ovi, kae i loto ko ni lupo fekai latou.

Mateo 7:15 ပူးပေါင်းရင်းမြစ်များ

Uluaki tosi a Soane 4:1

Alofaaga, aua na kotou tui ki laumalie fuli ; kae kotou asiasii latou, ke iloa pe lotou au mei le Atua, talie kua api le kau polofeta loi kua taka i le malama nei.

Mateo 24:11

E mafuta loa se kau polofeta loi toka api, ti e lotou fakasesei loa ni kakai toka api ai.

Kolose 2:8

Kotou tokaga na fakasesei koutou e se tasi ki le filosofia ti mo se masau noa, o fanaki ki le talatisio a tagata, ti mo makeke fakalaumalie o le malama nei, kae leai kia Kilisito.

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.

Suta 1:4

Talie kua ulu fakatolotolo mai kia koutou ni tagata, ala kua fualoa le tosi fakatomua o olatou tautea, ko ni tagata agaveveli ala kua fetogi ia le kalasia o lotatou Atua ki le mauli fakalaluvale, ti kua lotou fakafiti ki lotatou Pule e tasi mo Aliki ko Sesu-Kilisito.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Lua tosi a Petelo 3:17

Kae kia koutou, alofaaga, ala kua iloa ia le maoki i le temi nei, kotou tokaga, ke aua na ave koutou e le sese o le kau agaveli, ti ke kotou vilo loa mei lokoutou tuuaga makeke ;

Luka 6:26

Malaia koutou mo ka e masau malie loa a tagata fuli kia koutou, talie na fai fenaaki olatou tamana ki le kau polofeta loi !

Lua tosi kia Timoteo 3:13

Kae ko tagata agaveli mo fakasala e asilisili veli loa mo asilisili sese loa, a latou totonu mo latou ala na lotou kakaai.

Lua tosi kia Timoteo 4:3

Talie e soko mai loa se temi leia e leaise koi kataki loa e tagata le akonaki totonu ; kae, i lalatou maua le mageo ke logo ki ni nea malilie, e lotou fakatupu loa ni kau fai akonaki toka api o fakatatau ki olatou oli.

Filipe 3:2

Kotou tokaga ki kuli, kotou tokaga ki tagata gaoi veveli, kotou tokaga ki le kau silikosisio loi.

Efeso 4:14

Talie ke aua na tou toe fai loa pe ni toe liliki, ala e fetaaki mo feaveaki e matagi o akonaki fuli ala e fakamafola e ni tagata kaka ke fakasese ai ni iki ki alatou puleaki kaka.

Kalate 2:4

Ti ko le nea lena o tupu ko fetaina loi ala na ulu fakafufu mai kia matou, o lama le mauli lauatea leia kua motou maua ia Sesu-Kilisito, mo le manatu ke lotou fakapopulai matou.

Luka 12:15

Ti na pati loa a ia kia latou fuli : Kotou tokaga ki le fulupipiki ; talie e leaise fakalogo le mauli o le tagata ki le lasi o nea ala e maua e ia.

Esekiele 22:27

Kua fai ona pule pe ni lupo i loto malie o ona, ala e sae ia lalatou nea kai ; kua lotou liligi le toto, ti kua lotou tukipooi a laumalie, o tupu ke fakamakona ai lolatou manumanu koloa.

Apokalipisi 16:13

Ti na kau tio loa e ulu mei le gutu o le gata, mo le gutu o le manu fekai, ti mo le gutu o le polofeta loi, ni laumalie kelekele e tolu, ofaipe ni kelenui.

Efeso 5:6

Ke aua na kakai koutou e se tasi ki ni masau vaiga ; talie ko nea ana na tupu ai le ifo o le sausau o le Atua ki fanau patigataa.

Gaoi 13:40

Koia, kotou tokaga ai ke aua na soko kia koutou le nea leia e fakasa i tosi a le kau polofeta :

Soane 10:12

Kae ko le tagata gaoi totogi, leia e leaise ko le tagata tausi ovi ti e leaise maua ia le kau ovi, e tio ki le au a le lupo, ti e tiaki e ia le kau ovi, kae sola a ia ; ti e osofi e le lupo le kau ovi, o veteki latou.

Mateo 16:11

E feaki e leaise kotou matala ai e leaise ko ni pane ala na kau masau atu ki ai ? Kae ke kotou tokaga ki le fakatupu a le kau faliseo mo le kau Satuseo.

Mateo 16:6

Na pati loa Sesu kia latou : Kotou tokaga ki le fakatupu a le kau faliseo mo le kau Satuseo.

Mateo 10:17

Kotou tokaga ki tagata ; talie e lotou ave loa koutou ki telepinale, ti e lotou sasa loa koutou ki ni laakau i olatou sinakoka ;

Sakalia 13:4

I le aso lena, e luma loa le kau polofeta ki alatou tio Mo ka lotou kikite loa, Ti e leaise lotou toe tui loa se taupulupulu fului manu o fai loi.

Esekiele 22:25

Kua kau fakatasi ana kau polofeta i loto o ona ; ofaipe ni laione fekai ala e sae ia alatou nea kai, ti kua lotou kai a laumalie, ti kua lotou too a koloa mo nea mauiga, ti kua lotou fakaapi le kau fafine lokonui i loto malie o ona.

Esekiele 13:22

O tupu e kotou fakamamae le loto o le tagata agatonu ki ni loi, Leia na leaise kau fakamamaei, Ti e tupu e kotou fakamakeke a lima o le tagata agaveli Ke aua na mavae a ia i lona ala veli ke mauli ai,

Esekiele 13:16

Ti kua oki mo latou ala na fakamomole ia a ia, Le kau polofeta o Iselaele ala na kikite ki Selusalemi, Ti na maua ia ni tio o le tokamalie kiate ia, Kae e leai fua se tokamalie kiate ia ! E folafola le Aliki, le Eteleno.

Selemia 29:32

Ko leinei le nea leia e fakasa e le Eteleno : E kau tautea loa Semaesa, le tagata Neselami, mo lona sakoga ; e leaise nofo loa se tasi o lona sakoga i loto malie o le kakai lena, ti e leaise tio loa a ia ki le malie leia e kau fai loa ki loku kakai, e pati le Eteleno ; talie ko ana masau ko se agatuu ki le Eteleno.

Selemia 29:21

E folafola le Eteleno o kau tau, le Atua o Iselaele, o pati kia Akapo, vosa o Kolasa, mo Setesiasi, vosa o Maasesa, ala e kikite kia koutou le loi i loku suafa : Ko leinei, e kau tuku loa laua ki lima o Nepukatenesale, sau o Papilone ; ti e tamate loa e ia laua i okoutou mua.

Apokalipisi 17:6

Ti na kau tio loa ki le fafine lena kua kona i le toto o le kau sagato ti mo le toto o le kau fakamaoki a Sesu. Ti na kau punamauli lasi ai i laku tio kiate ia.

Gaoi 13:6

Ti i le oki o lalatou ano i le motu katoa o kaku ki Pafosi, na lotou maua loa se tagata fai nea fakatemonio, ko se polofeta loi, ko se Sutea na igoa ko Pale-Sesu :

Uluaki tosi o Sau 13:18

Ti na pati loa le tagata kiate ia : Ko se polofeta foki au ofaipe koe ; ti na masau mai se aselo kiate au mei le Eteleno, o pati : Ano o aumai a ia mo koe ki lou fale, ti ke kai e ia se pane mo inu e ia se vai. Na loi a ia kiate ia.

Taniela 11:34

I le temi leia e lotou vivilo ai loa, e lotou maua loa se ga tokoi ikiiki, ti e pipiki loa le i kia latou i le malualoi.

Mateo 7:14

Kae e lau ikiiki le matapa, ti e lau ikiiki mo le ala leia e ano ki le mauli, ti e toka teiki fua latou ala e maua ia a ia.

Apokalipisi 20:10

Ti ko le Tiapolo, leia na kakai ia latou, na ti loa ki le tai afi mo sulifa, ki le ganea leia e nofo ai le manu fekai mo le polofeta loi. Ti e lotou mamae loa i ai, i le ao mo le po, i sekulo mo sekulo.